मुंबई : राज्यात तापमानाचा पारा कमालीचा खाली जाताना दिसतो आहे. परभणीचं आजचं किमान तापमान तर चक्क 6 अंश सेल्सिअस इतकं नोंदवलं गेलं. तर दुसरीकडे नागपूर आणि पुण्यात आजचं किमान तापमान 9 अंश सेल्सिअस नोंदवण्यात आलं.
राज्याची राजधानी मुंबईचं आजचं तापमान 20 अंश सेल्सिअस इतकं होतं. तर उत्तर महाराष्ट्रातील नाशिक आणि अहमदनगरचा पारा 11 अंशांपर्यंत खाली आला.
नांदेड आणि वाशिममध्येही 10 अंशांपर्यंत तापमान खाली घसरलं. तर जळगाव, अकोला अमरावती या जिल्हयांमध्ये पारा 14 अंशांवर आला.
राज्याच्य़ा बहुतांश भागाला थंडीनं हुडहुडी भरली असून, ग्रामीण भागात सकाळी सकाळी धुकं पडलेलं बघायला मिळतं आहे. ठिकठिकाणी पहाटे आणि भल्या सकाळी लोक शेकटोची ऊब घेताना दिसत आहेत.