देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट्स केवळ एका क्लिकवर...अदर पुनावाला पुण्याचे, त्यांनी लसींबाबत महाराष्ट्राला झुकतं माप द्यावं : राजेश टोपेअदर पुनावाला पुण्याचे असल्याने आणि...More
देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट्स केवळ एका क्लिकवर...अदर पुनावाला पुण्याचे, त्यांनी लसींबाबत महाराष्ट्राला झुकतं माप द्यावं : राजेश टोपेअदर पुनावाला पुण्याचे असल्याने आणि सीरम इन्स्टिट्यूट महाराष्ट्रात असल्याने पुनावाला यांनी महाराष्ट्राला झुकतं माप द्यायला पाहिजे असं आरोग्यमंत्री राजेश टोपे यांनी म्हटलं आहे. राज्य सरकारकडे लसीसाठी निधी आहे. सरकार खर्च करायला तयार आहे पण लस नसल्याने कमी गतीने लसीकरण करावे लागतेय, असं टोपे म्हणाले. पुढील काळात राज्यात अधिक वेगाने लसीकरण होणार असून लसी साठी लागणारी कोणतीही किंमत राज्य सरकार द्यायला तयार आहे असेही ते म्हणाले. सरकारकडे लसीसाठी निधी असून लस उपलब्ध नसल्याने लसीकरणाची गती कमी होत असल्याचं देखील आरोग्यमंत्री टोपे म्हणालेत.दोन दशकांहून अधिकच्या वैवाहित जीवनानंतर बिल गेट्स- मेलिंडा यांच्या नात्याला तडामायक्रोसॉफ्टचे सहसंस्थापक आणि जगभरातील बहुचर्चित व्यक्तिमत्त्वांपैकी एक असणाऱ्या बिल गेट् आणि त्यांची पत्नी मेलिंडा गेट्स यांनी त्यांच्या वैवाहिक जीवनाचा प्रवास आता इथवरच थांबवण्याचा निर्णय घेतला आहे. अधिकृत पत्रकाच्या माध्यमातून त्यांनी यासंदर्भातील माहिती दिली. जीवनातील पुढच्या टप्प्यात आपण एकत्र जाऊ शकत नाही, असं म्हणत ही जोडी या निर्णयावर पोहोचली आहे. सध्याच्या घडीला या दोघांनीही परस्पर सहमतीनं हा निर्णय घेतला आहे. बिल गेट्स यांनी ट्विट करत लिहिलं, 'आम्ही आमच्या नात्याबाबत फार विचार केला. अखेरीस हे नातं इथंच थांबवण्याचा निर्णय आम्ही घेतला आहे. जीवनाच्या या पुढच्या टप्प्यावर आम्ही एकत्र पुढे जाऊ शकू याचा आम्हाला फारसा विश्वास नाही. आता आम्हा दोघांनाही आपआपला वेगळा असा वेळ हवा आहे. आम्ही जीवनाच्या नव्या टप्प्याच्या दिशेनं जाऊ इच्छितो'.पालघरमध्ये नाशिकची पुनरावृत्ती टळली...! जम्बो ऑक्सिजन टॅंकचा वॉल झाला होता लिकेज, मात्र...काही दिवसांपूर्वी नाशिकच्या रुग्णालयात कोरोनावर उपचार घेत असलेल्या 22 जणांचा ऑक्सिजन गळतीमुळे दुर्दैवी मृत्यू झाला होता. त्या घटनेची पुनरावृत्ती आज संध्याकाळी 6 वाजता विक्रमगड तालुक्यात असलेल्या रिव्हेरा हॉस्पिटलमध्ये होता होता टळली. अचानक रिव्हेरा कोव्हिड रुग्णालयातील जम्बो ऑक्सिजन टॅंकचा वॉल लिकेज झाल्याने ऑक्सिजन गळतीला सुरुवात झाली. त्यामुळे एकच खळबळ माजली. तातडीने प्रसंगावधान राखल्याने मोठी हानी टळली. या रुग्णालयात 302 रुग्ण उपचार घेत असुन एकूण 80 रुग्ण ऑक्सिजन वर असल्याची माहिती अतिरिक्त नोडल ऑफिसर डॉ.रामदास मराड यांनी दिली. या प्रकरणात प्रशासकीय अधिकाऱ्यांनी वेळीच धाव घेत घटनास्थळी पोहोचून माहिती घेतली. रिव्हेरा हॉस्पिटलचे मुख्य नोडल अधिकारी डॉ.प्रशांत राजगुरू यांनी तातडीने सर्व ऑक्सिजन वर असलेल्या रुग्णांना अतिरिक्त ऑक्सिजन सिलेंडरने जोडल्याने दुर्घटना टळली.हा प्रकार घडताच तातडीने अग्निशमन दल आणि तज्ञ मंडळींना पाचारण करण्यात आलं. पालघरचे जिल्हाधिकारी माणिक गुरसळ यांनीही घटनास्थळी येऊन पाहणी केली. हा प्रकार ऑक्सिजन लोड करताना वॉल थोडासा लीक झाल्याने घडला असल्याचं त्यांनी सांगितलं.