भाजपचे राष्ट्रीय अध्यक्ष अमित शाहांची संपत्ती अगोदर जाहीर करावी, त्यानंतर ठाकरे कुटुंबियांच्या संपत्तीबद्दल बोलावं, असं शिवसेनेचे खासदार राहुल शेवाळे म्हणाले होते. त्यानंतर भाजपकडून अमित शाहांच्या संपत्तीचं प्रतिज्ञापत्र दाखवण्यात आलं.
ठाकरे कुटुंबाची सात बोगस कंपन्यांमध्ये गुंतवणूक असल्याचा आरोप भाजप खासदार किरीट सोमय्यांनी केला होता. त्यानंतर मुख्यमंत्री देवेंद्र फडणवीस यांनीही मुंबईतील कालच्या सभेत उद्धव ठाकरे त्यांची संपत्ती जाहीर करणार का, असा सवाल विचारला होता.
याबाबत शिवसेनेचे खासदार राहुल शेवाळे यांनी मुंबईत पत्रकार परिषद घेऊन भाजपचे आरोप फेटाळले.
दरम्यान किरीट सोमय्यांनी पुन्हा एकदा शिवसेनेवर निशाणा साधला आहे. अमित शाहांची संपत्ती दाखवली, आता तुमची दाखवा, त्या सात कंपन्यांसोबतचे आर्थिक व्यवहार समोर येण्याची भीती आहे का, असा सवाल सोमय्यांनी केला आहे.
https://twitter.com/KiritSomaiya/status/832190252244664320
संबंधित बातम्या :