राहुल गांधींची आज शेगावमध्ये जाहीर सभा, सोनिया गांधी येण्याची शक्यता मावळली

19/11/2022 12:18:01

Bharat Jodo Yatra Dhule : भारत जोडो यात्रेच्या पार्श्वभूमीवर रॅलीचं आयोजन

खासदार राहुल गांधी यांच्या भारत जोडो यात्रेच्या पार्श्वभूमीवर राज्यभरात विविध उपक्रम राबविण्यात येत आहेत. या यात्रेच्या पार्श्वभूमीवर धुळे शहरातून रॅली काढण्यात आली. खासदार राहुल गांधी यांची भारत जोडो यात्रा संपूर्ण देशभरात विविध ठिकाणी जात आहे महाराष्ट्रात गेल्या 13 दिवसांपासून आलेल्या या यात्रेला कार्यकर्त्यांसह सर्वसामान्य नागरिकांचा उदंड प्रतिसाद मिळत आहे. राहुल गांधी यांच्या भारत जोडो यात्रेचे राज्यातील विविध जिल्ह्यात मोठ्या उत्साहाने स्वागत करण्यात आलं. या भारत जोडो यात्रेच्या पार्श्वभूमीवर काँग्रेस राष्ट्रवादी शिवसेना आणि समविचारी पक्षांच्या वतीने धुळे शहरातून आज रॅली काढण्यात आली. शहरातील मनोहर चित्र मंदिराजवळील छत्रपती शिवाजी महाराजांच्या पुतळ्यापासून या रॅलीला सुरुवात करण्यात आली महात्मा गांधी पुतळ्याजवळ पुष्पहार अर्पण करून या रॅलीचा समारोप करण्यात आला. यावेळी कार्यकर्ते मोठ्या संख्येने सहभागी झाले होते.

19/11/2022 12:16:29

Bharat Jodo Yatra : महाराष्ट्रातील भारत जोडो यात्रेचा 13 वा दिवस

काँग्रेस खासदार राहुल गांधी (Rahul Gandhi) यांच्या भारत जोडो यात्रेचा (Bharat Jodo Yatra) 73 वा दिवस असून, महाराष्ट्रातील यात्रेचा 13 वा दिवस आहे. तर विदर्भात या यात्रेचा आजचा पाचला दिवस आहे. काल यात्रेनं अकोल्यातून शेगावमार्गे बुलडाणा जिल्ह्यात प्रवेश केलाय. आज सकाळी ही यात्रा शेगावातून बुलडाणा जिल्ह्यातील जलंब शहरात आलीय.

19/11/2022 11:33:07

Bharat Jodo Yatra : भारत जोडो यात्रेचा आज विदर्भातील पाचवा दिवस

भारत जोडो यात्रा आज सकाळी शेगाव वरून सकाळी 6 वाजता निघाली

सकाळी 10 वाजता राहुल गांधी हे शेगाव वरून जलंब या गावी पोहोचली

राहुल गांधी यांच्या स्वागतासाठी ग्रामीण भागातील महिलांनी आपल्या घरासमोर सुंदर रांगोळी काढली तर काही महिलांनी फुलांची रांगोळी काढली.

ग्रामीण भागात भारत जोडो यात्रेला उत्स्फूर्त प्रतिसाद मिळताना पाहायला मिळत आहे.

19/11/2022 07:26:43

Bharat Jodo Yatra : भारत जोडो यात्रेचा आज विदर्भातील पाचवा दिवस

काँग्रेस खासदार राहुल गांधी यांच्या भारत जोडो यात्रेचा आज विदर्भातला पाचवा दिवस आहे. आज स्वर्गीय इंदिरा गांधी यांची जयंती ही आहे त्यानिमित्त राहुल गांधी यांच्या भारत जोडो पदयात्रेमध्ये महिलांची विशेष गर्दी पाहायला मिळत आहे.

18/11/2022 21:24:13

ऑल इंडिया बँक एम्प्लॉईज असोसिएशनने उद्या देशव्यापी बँक संप मागे, उद्याला देशभरातील बॅंका सुरु राहणार

कर्मचाऱ्यांच्या मागील 5 वर्षांपासून लावून धरलेल्या मागण्यांवर तोडगा काढण्यास इंडियन बॅंक असोसिएशन आणि आर्थिक सेवा विभागाचा होणार

मुख्य कामगार आयुक्तां(केंद्र) सोबत बॅंक संघटनांच्या झालेल्या बैठकीत निर्णय

आऊटसोर्सिंग आणि ॲडमिनिस्ट्रेटिव्ह ट्रान्सफर्स बॅंकिंग इंडस्ट्रीजच्या मान्यतेविना होणार नाही

सोबतच बॅंकांकडून कामगार कायद्यांची अंमलबजावणी सक्तीनं करणार, कामगार कायद्यांचे पालन होत नसल्याचा होता बॅंकिंग संघटनांचा आरोप

काही बॅंकांचे कर्मचाऱ्यांसोबत असलेल्या वादावर देखील लवकरात लवकर तोडगा काढण्यासाठी केंद्रीय कामगार आयुक्तांचा पुढाकार

18/11/2022 18:14:28

Bharat Jodo: उद्योगपतींचं हजारो कोटींचं कर्ज कसं माफ होतंय? राहुल गांधींचा केंद्र सरकारला सवाल

देशात हजारो शेतकरी आत्महत्या करत असून शेतकऱ्यांना विम्याचे पैसे मिळत नाहीत, युवकांना रोजगार मिळत नाही. पण उद्योगपतींचे हजारो कोटींचं कर्ज माफ केलं जातंय असं राहुल गांधी म्हणाले. भारत जोडो यात्रेच्या दरम्यान शेगाव या ठिकाणी आयोजित करण्यात आलेल्या सभेमध्ये ते बोलत होते.

18/11/2022 16:34:12

Bharat Jodo Yatra : भारत जोडो यात्रा बुलढाण्यात; शेगावात पारंपरिक पद्धतीने राहुल गांधींचं स्वागत

Bharat Jodo Yatra : कॉंग्रेस नेते राहुल गांधी यांची भारत जोडो यात्रा आता बुलढाण्यात पोहोचली आहे. शेगावच्या गजानन मंदिरात राहुल गांधी दाखल झाले आहेत. या ठिकाणी पारंपरिक पद्धतीने राहुल गांधी यांचं स्वागत करण्यात आलं.

18/11/2022 14:46:31

सावरकरांच्या मुद्द्यावर ठाकरे गट आणि काँग्रेसचे विचार वेगळे : जयराम रमेश

18/11/2022 14:35:55

Jairam Ramesh on Sanjay Raut : राऊतांशी माझी प्रदीर्घ चर्चा, त्यांचे आणि राहुल गांधींचे विचार वेगळे, याचा महाविकास आघाडीवर... : जयराम रमेश

Jairam Ramesh on Sanjay Raut : संजय राऊतांनी सकाळी माध्यमांशी बोलताना राहुल गांधींच्या सावरकरांवरील वक्तव्यामुळे महाविकास आघाडीत फूट पडू शकते, असं वक्तव्य केलं होतं. त्यावर काँग्रेस नेते जयराम रमेश यांनी प्रतिक्रिया दिली आहे. ते म्हणाले की, "मी सकाळीच संजय राऊतांशी बोललो, खूप दीर्घ चर्चा झाली. सावरकर प्रकरणावर त्यांचे आणि राहुल गांधींचे विचार वेगळे आहेत. मतभेदाच्या अधिकारावर आमचा विश्वास आहे असं बोलणं त्यांच्यात आणि माझ्यात झालं. त्यामुळे याचा महाविकास आघाडीवर काहीच परिणाम होणार नाही असं संजय राऊत म्हणाले."

18/11/2022 14:25:47

अकोल्यात शेगावाकडे जाणाऱ्या मनसेच्या 100 वर कार्यकर्त्यांना पोलिसांनी केलं स्थानबद्ध

Bharat Jodo Yatra : अकोल्यात शेगावाकडे जाणाऱ्या मनसेच्या 100 वर कार्यकर्त्यांना अकोला पोलिसांनी स्थानबद्ध केलं आहे. मनसे जिल्हाप्रमुख राजेश काळेंसह कार्यकर्त्यांना डाबकी रोड पोलिसांनी ताब्यात घेतलंय. मनसेच्या डाबकी रोडवरील जिल्हा कार्यालयातून या कार्यकर्त्यांना ताब्यात घेण्यात आलं आहे. यावेळी मनसे कार्यकर्त्यांनी राहुल गांधींविरोधात काळे झेंडे घेऊन जोरदार घोषणाबाजी केली. दरम्यान, अकोल्यातील अनेक मनसे कार्यकर्ते भूमिगत झाल्याने पोलिसांची शोधाशोध सुरू आहे.

18/11/2022 13:25:24

चिखलीत पोलिसांनी मनसेच्या कार्यकर्त्यांच्या गाड्या रोखल्या

Bharat Jodo Yatra : चिखलीत पोलिसांनी मनसेच्या कार्यकर्त्यांच्या गाड्या रोखल्या आहेत. यावेळी मनसेच्या कार्यकर्त्यांनी जोरदार घोषणाबाजी केली.

18/11/2022 13:13:20

राहुल गांधींच्या विरोधात माजलगावात शिंदे गटाचं आंदोलन

Bharat Jodo Yatra : राहुल गांधी यांनी सावरकरांबद्दल केलेल्या वक्तव्यावरून माजलगावमध्ये शिंदे गटाच्या शिवसैनिकांनी गाढवाच्या गळ्यामध्ये राहुल गांधी यांचा फोटो बांधून जोडे मारो आंदोलन केलं. माजलगाव शहरातील छत्रपती शिवाजी महाराज चौकात कार्यकर्त्यांनी हे आंदोलन केलं. यावेळी राहुल गांधी यांच्या विरोधामध्ये तीव्र घोषणाबाजी करण्यात आली.

18/11/2022 13:11:59

सावरकरांच्या पुतळ्यासमोर काँग्रेसनं लावले फ्लेक्स, पोलिसांनी घेतली दखल

Bharat Jodo Yatra : पुण्यात सावरकरांच्या पुतळ्यासमोर लावलेल्या माफीवीरचे फ्लेक्सची पोलिसांनी दखल घेतली आहे. सारसबागेजवळ असलेल्या पुतळ्यासमोर काँग्रेसकडून लावण्यात आले होते फ्लेक्स. पुण्यातील सारसबाग चौकात असलेल्या विनायक सावरकर यांच्या पुतळ्याच्या समोर माफीवीर तसेच राहुल गांधी यांनी दिलेल्या पुराव्याचे फ्लेक्स लावण्यात आले होते. महाराष्ट्र युवक प्रदेश काँग्रेसकडून हे फ्लेक्स लावल्यानंतर पोलिसांकडून गुन्हा दाखल करण्यात आला आहे. पोलिसांकडून युवक प्रदेश काँग्रेस कार्यकर्त्यांना विरोधात विविध कलम अन्वये स्वारगेट पोलिस ठाण्यात गुन्हा दाखल. युवक काँग्रेसचे सरचिटणीस रोहन सुरवसे पाटील यांच्या विरोधात गुन्हा दाखल केला आहे. फ्लेक्स लावल्यानंतर भाजप पदाधिकाऱ्यांनी पोलिस अधिकाऱ्यांची घेतली भेट घेतली आहे.

18/11/2022 12:07:17

सोनिया गांधी शेगावच्या सभेला येण्याची शक्यता मावळली, नाना पटोलेंनी केला होता दावा

Bharat Jodo Yatra : काँग्रेसच्या नेत्या सोनिया गांधी या आजच्या शेगावच्या सभेला येण्याची शक्यता मावळली आहे. आज बुलढाण्यात राहुल गांधी यांची सभा होणार आहे. काँग्रेस प्रदेशाध्यक्ष नाना पटोले यांनी सोनिया गांधी या सभेला येणार असल्याचा दावा केला होता. त्यानंतरही सोनिया गांधी येण्याची शक्यता मावळली आहे.

18/11/2022 11:56:34

मनसेचे कार्यकर्ते शेगावत दाखल, राहुल गांधींच्या भारत जोडो यात्रेला काळे झेंडे दाखवणार

Bharat Jodo Yatra : शेगाव येथे आज खासदार राहुल गांधी यांची सभा होणार आहे. सावरकर यांच्या बाबतीत राहुल गांधी यांनी केलेल्या वक्तव्यामुळं भारतीय जनता पार्टी आणि मनसे आक्रमक झाली आहे. त्यामुळं मनसे कार्यकर्ते शेगावत दाखल झाले असून, राहुल गांधी यांच्या भारत जोडो यात्रेला काळे झेंडे दाखवून निदर्शने करणार आहेत.

18/11/2022 11:50:40

भारत जोडो यात्रेदरम्यान राहुल गांधी यांना जीवे मारण्याची धमकी

Bharat Jodo Yatra : भारत जोडो यात्रेदरम्यान राहुल गांधी यांना जीवे मारण्याची धमकी देण्यात आली आहे. इंंदूरमधील एका मिठाई दुकानात निनावी पत्र आलं आहे.

18/11/2022 11:21:58

राहुल गांधींच्या सभेसाठी जळगाव जिल्ह्यातून पाच ते सहा हजार कार्यकर्ते शेगावकडे रवाना

Bharat Jodo Yatra : भारत जोडो यात्रेनिमित्तानं काँग्रेसचे नेते राहुल गांधी यांची आज शेगावमध्ये जाहीर सभा होत आहे. या सभेसाठी जळगाव जिल्ह्यातून पाच ते सहा हजार कार्यकर्ते विविध वाहनांनी शेगावकडे रवाना झाले आहेत. यावेळी काँगेस पक्षाचा विजय असो, राहुल गांधी तूम आगे बढो, हम तुम्हारे साथ है च्या घोषणा देण्यात आल्या.

18/11/2022 11:14:03

भारत जोडो यात्रेचं बुलढाणा जिल्ह्यात जंगी स्वागत, रिंगण सोहळ्यात राहुल गांधींनी घेतला सहभाग

Bharat Jodo Yatra : काँग्रेसचे खासदार राहुल गांधी यांच्या भारत जोडो यात्रेचं बुलढाणा जिल्ह्यात आगमन झालं आहे. या यात्रेचं जंगी स्वागत करण्यात आलं. राहुल गांधी यांनी यावेळी विठ्ठलाची पुजा केली. तसेच रिंगण सोहळ्यात राहुल गांधी यांनी सहभाग घेतला.

18/11/2022 09:45:23

राहुल गांधी यांनी अकलेचे तारे तोडून सवंग प्रसिद्ध मिळवू नये : प्रकाश महाजन

Prakash Mahajan on Rahul Gandhi : "राहुल गांधी यांनी अकलेचे तारे तोडले आहेत. त्यांचे इटलीचे आजोबा हे मुसोलिनीचे हस्तक होते. मोतीलाल नेहरु हे इंग्रजांचे वकील होते. स्वतः पंडित नेहरु यांनी छत्रपती शिवाजी महाराज यांचा अपमान केला आणि त्यानंतर माफी मागितली. यावर राहुल गांधी का बोलत नाहीत," असा सवाल मनसे नेते प्रकाश महाजन यांनी विचारला आहे. राहुल गांधी यांनी अकलेचे तारे तोडू नये आणि सवंग प्रसिद्ध मिळवू नये, असं मनसेने म्हटलं आहे.

18/11/2022 09:42:48

पुण्यातील सावरकर स्मारकासमोर महाराष्ट्र प्रदेश युवक काँग्रेसचे बॅनर, सावरकरांचा माफीवीर असा उल्लेख

Savarkar Banner in Pune : पुण्यातील सारसबागेसमोर असलेल्या स्वातंत्र्यवीर सावरकर यांच्या स्मारकाबाहेर महाराष्ट्र प्रदेश युवा काँग्रेसने सावरकर यांचे लावलेले बॅनर सावरकरप्रेमींनी काढून टाकले आहेत. या बॅनरवर स्वातंत्र्यवीर सावरकर यांचा उल्लेख माफीवीर असा केला आहे. तसंच सावरकर आणि ब्रिटीश सरकार यांच्यात झालेल्या पत्रव्यवहाराचे फोटे फ्लेक्सच्या स्वरुपात लावण्यात आले होते. यावरुन वाद सुरु झाला होता. त्यानंतर सावरकरप्रेमींनी हे फ्लेक्स काढले आहेत.

18/11/2022 09:37:21

नेपाळचे राष्ट्रगीत वाजवून राहुल गांधींनी भारताच्या राष्ट्रगीताचा अपमान केला, भाजपाचे प्रवक्ते राम कुलकर्णींचा आरोप

Bharat Jodo Yatra : राहुल गांधी यांनी नेपाळचे राष्ट्रगीत वाजवून भारताच्या राष्ट्रगीताचा जाहीर अपमान केला असल्याचा आरोप भाजपाचे राज्य प्रवक्ते राम कुलकर्णी यांनी केला. राष्ट्रगीत हा भारतीय राष्ट्रभक्तीचा संस्कार असून आता पर्यंतच्या इतिहासात आपल्या भुमीवर कधीच दुसऱ्या देशाचे राष्ट्रगीत ऐकण्यात आले नाही. पण राहुल गांधीच्या नेतृत्वात असे संस्कार नाहीत. सावरकरांच्या विरोधात गरळ ओकणारे राहुल गांधी उद्या आपले आजोळ असलेल्या इटली देशाचे सुद्धा राष्ट्रगीत वाजवू शकतात असा टोलाही त्यांनी मारला.

18/11/2022 08:58:57

थोड्याच वेळात राहुल गांधींचे बुलढाणा जिल्ह्यात आगमन होणार

Bharat Jodo Yatra : बुलढाणा जिल्ह्यात थोड्याच वेळात राहुल गांधी यांचे आगमन होत आहे. त्यांच्या स्वागताची तयारी शेगाव तालुक्यातील वरखेड या गावी झालेली आहे. जवळपास एक हजार वारकऱ्यांसोबत रिंगण सोहळ्यात राहुल गांधी सामील होणार आहेत.

18/11/2022 08:56:02

भारत जोडो यात्रा कोणीही थांबू शकणार नाही : माणिकराव ठाकरे

Bharat Jodo Yatra : भारत जोडो यात्रा कोणीही थांबू शकणार नाही. शेगावच्या सभेसाठी काँग्रेसची मोठी तयारी झाली आहे. मोठ्या संख्येने तिथे कार्यकर्ते पोहोचणार असल्याचे काँग्रेसचे ज्येष्ठ नेते माणिकराव ठाकरे यांनी सांगितले.

18/11/2022 08:16:15

त्यांनी आम्हाला काळे झेंडे दाखवले तर आम्ही त्यांना गुलाबाचे फुल देऊ : नाना पटोले

Bharat Jodo Yatra : मनसे कोण? असा उपरोधी टोला काँग्रेस प्रदेशाध्यक्ष नाना पटोलेंनी लगावला. ते आम्हाला काळे झेंडे दाखवत असतील तर आम्ही त्यांना गुलाबाचे फुल देऊ असे सांगत काँग्रेस प्रदेशाध्यक्ष नाना पटोले यांनी मनसेच्या विरोधाची हवा काढण्याचा प्रयत्न केला. मनसेने कितीही विरोध केला तरीही यात्रा रोखता येणार नाही, हे राहुल गांधी यांनी आधीच स्पष्ट केले असल्याचे पटोले म्हणाले.

Bharat Jodo Yatra Live Updates : भारत जोडो यात्रेचा आज विदर्भातील पाचवा दिवस; वाचा प्रत्येक अपडेट एका क्लिकवर

पार्श्वभूमी