Aurangabad BJP Protest : सरकाराला मुंबईबाहेर राज्य आहे हे माहिती नाही : देवेंद्र फडणवीस

Aurangabad BJP Protest : औरंगाबादमधल्या पाणीटंचाईवरुन आक्रमक भूमिका घेत भाजप आज रस्त्यावर उतरली आहे. या जल आक्रोश मोर्चाची प्रत्येक अपडेट एका क्लिकवर....

पार्श्वभूमी

औरंगाबाद : औरंगाबादमधल्या पाणीटंचाईवरुन आक्रमक भूमिका घेत भाजप आज रस्त्यावर उतरली आहे. देवेंद्र फडणवीसांच्या नेतृत्वाखाली पैठणगेट ते औरंगाबाद महापालिका कार्यालयापर्यंत जल आक्रोश मोर्चाचं आयोजन करण्यात आलंय. या मोर्चात केंद्रीय मंत्री रावसाहेब दानवे आणि डॉ. भागवत कराड यांच्यासह प्रमुख नेते सहभागी झाले आहेत. या मोर्चाची तयारी सुरु आहे. या मोर्चासाठी जवळपास  तीन हजार हंडे आणि आठ हजार झेंड्याची ऑर्डर देण्यात आली होती आणि आता हे साहित्य आता औरंगाबाद भाजप कार्यालयात पोहोचलंय. औरंगाबाद शहरात निर्माण झालेल्या पाणी टंचाईच्या मुद्यावरून भाजपकडून 'जल आक्रोश मोर्चा' काढण्यात येत असून मोर्चाला प्रत्यक्षात सुरवात झाली आहे. विरोधीपक्ष नेते देवेंद्र फडणवीस यांच्यासह केंद्रीय राज्यमंत्री रावसाहेब दानवे आणि भागवत कराड यांची सुद्धा उपस्थिती पाहायला मिळत आहे. शहरातील पैठणगेट येथून या मोर्च्याला सुरवात झाली आहे. यावेळी भाजपचे आमदार,माजी नगरसेवक आणि महत्वाच्या नेत्यांची उपस्थिती सुद्धा पाहायला मिळत आहे. पैठण गेट येथून निघणारा मोर्चा औरंगाबाद महानगरपालिकेच्या कार्यालयावर धडकणार आहे. तर या मोर्च्यात तीन हजार महिला हंडे घेऊन सहभागी झाल्या आहेत. तर एवढी वर्षे महानगरपालिकेत सत्ता असताना शिवसेना पाणी प्रश्न मिटवू शकली नसल्याचा आरोप फडणवीस यांनी केला आहे.तर मोर्चा आता महानगरपालिकेच्या कार्यालयाकडे निघाला आहे. मोर्चामध्ये भाजप महिला कार्यकर्त्यांनी पाण्यासाठी जोगावा मागून  निषेध नोंदवला आहे. औरंगाबाद महानगरपालिकेचे आयुक्त  आस्तिककुमार पांडे यांनी मात्र पाणीटंचाई कृत्रिम नसून शहरात कमी प्रमाणात पाणी येतं त्यामुळे पाणी टंचाई असल्याचं म्हटलं शिवाय  शहरवासीयांवर बंधने देखील घातली आहे . यापुढे महानगरपालिकेचे पाणी बांधकाम व्यवसायिक बांधकामाकरता वापरू शकत नाही गाडी धुणे, रस्ते धुणे यासाठी देखील पाणी वापरण्यास मनाई केली आहे.

23/05/2022 19:48:07

Devendra Fadnavis : सरकाराला मुंबईबाहेर राज्य आहे हे माहिती नाही : देवेंद्र फडणवीस

Devendra Fadnavis :  मुख्यमंत्री महाराष्ट्राचे आहे की नाही? असा प्रश्न पडत आहे. औरंगाबाद मराठवाड्याच्या राजधानीच शहर आहे हे त्यांना माहितच नाही वाटते. या सरकाराला मुंबईबाहेर राज्य आहे हे माहिती नाही, अशी टीका फडणवीसांनी केली आहे. 

23/05/2022 19:40:07

Devendra Fadnavis : संभाजी नगरच्या इतिहासातील सगळ्यात मोठा मोर्चा

Devendra Fadnavis : संभाजी नगरच्या इतिहासातील सगळ्यात मोठा मोर्चा आहे.  हा जनतेचा आक्रोश आहे. भाजप हा जनतेचा पक्ष आहे. जो पर्यंत पाण्याचा प्रश्न सुटणार नाही तो पर्यंत आम्ही तुम्हाला झोपू देणार नाही. 

23/05/2022 19:31:59

दोन मंत्री जेलमध्ये आणि मुख्यमंत्री घरात असे हे सरकार आहे : रावसाहेब दानवे

दोन मंत्री जेलमध्ये आणि मुख्यमंत्री घरात असे हे सरकार आहे, अशी टीका रावसाहेब दानवे यांनी राज्य सरकरवर केली आहे. 

23/05/2022 19:31:57

ही तर 'जुम्मे के जुम्मे' सरकार: रावसाहेब दानवे

BJP JAL AAKROSH MORCHA : पिण्याचा पाण्याचा प्रश्न तुम्हाला सांगायची गरज नाही. फडणवीस मुख्यमंत्री असताना सोळाशे कोटी ररुपयांची योजना मंजूर केली. पण सत्ता बदलली आणि योजणार रखडली. जेव्हा मुख्यमंत्री घरात होते फडणवीस तुमच्या दारात होते. त्यांनतर मुख्यमंत्री घराच्या बाहेर पडले. 

23/05/2022 19:30:44

राज्य सरकारचं नाव महाविकास आघाडी सरकार नसून, जुम्मे के जुम्मे सरकार आहे : रावसाहेब दानवे

राज्य सरकारचं नाव महाविकास आघाडी सरकार नसून, जुम्मे के जुम्मे सरकार आहे, अशी टीका भाजप नेते रावसाहेब दानवे यांनी केली.

23/05/2022 19:26:31

मोर्च्याच्या व्यसपीठावरून रावसाहेब दानवे यांचे भाषण सुरु

पाण्यावरून महाविकास आघाडीवर टीका, हि सरकार म्हणजे 'जुम्मे के जुम्मे' सरकार आहे. 

23/05/2022 19:00:08

फडणवीस मोर्च्याच्या व्यसपीठावर दाखल

BJP JAL AAKROSH MORCHA : भाजपकडून काढण्यात आलेला मोर्चा महानगरपालिकाच्या कार्यालयाजवळ पोहचला आहे. तर महानगरपालिका जवळ उभारण्यात आलेल्या व्यसपीठावर फडणवीस दाखल झाले आहे. थोड्याच वेळात त्यांच्या भाषणाला सुरवात होईल. 

23/05/2022 18:42:49

फडणवीसांच्या मोर्च्यात गर्दी वाढली

BJP JAL AAKROSH MORCHA : भाजपकडून काढण्यात आलेला मोर्चा महानगरपालिकाच्या कार्यालर्याच्या दिशेनं निघाला असून, मोर्च्यातील गर्दी वाढली आहे. गर्दी हटवण्यासाठी खुद्द केंद्रीय मंत्री रावसाहेब दानवे याना गाडीखाली उतरवावे लागले आहे. 

23/05/2022 18:27:48

मोर्च्यात गिरीश महाजन उपस्थित

BJP JAL AAKROSH MORCHA : औरंगाबाद शहरात भाजपकडून काढण्यात आलेल्या 'जल आक्रोश मोर्च्या'त भाजप नेते गिरीश महाजन सुद्धा उपस्थित असून, त्यांनी शिवसेनेवर निशाणा साधला आहे. 

23/05/2022 18:20:20

BJP JAL AAKROSH MORCHA : शिवसेनेने केवळ याठिकाणी भावनेचे राजकारण केलं; फडणवीसांची टीका

BJP JAL AAKROSH MORCHA : औरंगाबाद शहरात निर्माण झालेल्या पाणी टंचाईच्या मुद्यावरून भाजपकडून मोर्च्याला सुरवात झाली आहे. विरोधीपक्ष नेते देवेंद्र फडणवीस यांच्या नेतृत्वाखाली मोर्चा निघाला असून यावेळी फडणवीसांनी शिवसेनेवर निशाणा साधला आहे. तर यावेळी बोलताना ते म्हणाले, हा आक्रोश आहे औरंगाबाद च्या जनतेचा, अशा प्रकारे औरंगाबादच्या जनतेला या सरकारने आणि महानगरपालिकेतील  शिवसेनेने केवळ याठिकाणी भावनेचे राजकारण केलं. पण थेंबभर पाणी देखील औरंगाबादला  देऊ शकले नाही. आमच्या सरकारच्या काळात ही सोळाशे कोटी मंजूर केली, पण त्यातील सहाशे कोटी रुपये महानगरपलिकडे मागितले आहे. पण त्याचे सुद्धा काम पूर्ण होऊ शकले नाहीत. हा आक्रोश औरंगाबादच्या जनतेचा असून याचा सामना सरकारला करावेच लागणार असल्याचा इशारा फडणवीस यांनी दिला आहे. याच मार्गावर आम्ही गोपीनाथ मुंडे यांच्या नेतृत्वखाली मोर्चा काढला आणि सत्ता बदलली होती .  आणि आता त्याच मार्गावर आम्ही चाललो आहे. सत्ताबदल जेव्हा करायची तेव्हा करूच पण आज व्यवस्थाबदलबाबत हा मोर्चा असल्याचं फडणवीस म्हणाले.

23/05/2022 17:55:37

फडणवीसांच्या नेतृत्वाखाली मोर्च्याला सुरवात

Aurangabad Water Issue: विरोधीपक्ष नेते देवेंद्र फडणवीस मोर्च्यास्थळी दाखल झाले असून, मोर्च्याला सुरवात झाली आहे. यावेळी केंद्रीय अर्थ राज्यमंत्री भागवत कराड आणि केंद्रीय रेल्वे राज्यमंत्री रावसाहेब दानवे यांची सुद्धा उपस्थिती. 

23/05/2022 17:51:09

फडणवीस मोर्चास्थळी दाखल

Aurangabad Water Issue: विरोधीपक्ष नेते देवेंद्र फडणवीस मोर्च्यास्थळी दाखल झाले आहेत. तर थोड्याच वेळात मोर्चा सुरु होणार आहे. 

23/05/2022 17:49:37

फडणवीस क्रांती चौकातुन मोर्चास्थळी रवाना

Aurangabad Water Issue: भाजपच्या मोर्च्याला अवघ्या काही वेळेत सुरवात होणार असून, विरोधीपक्ष नेते देवेंद्र फडणवीस शहरातील क्रांती चौकातुन पैठणगेटकडे निघाले आहेत. छत्रपत्री शिवाजी महाराजांच्या पुतळ्याला अभिवादन करून फडणवीस मोर्चास्थळी रवाना. 

23/05/2022 17:43:17

फडणवीस क्रांती चौकात दाखल

Aurangabad Water Issue: भाजपच्या मोर्च्याला अवघ्या काही वेळेत सुरवात होणार असून, विरोधीपक्ष नेते देवेंद्र फडणवीस शहरातील क्रांती चौकात दाखल झाले आहे. फडणवीस हे छत्रपत्री शिवाजी महाराजांच्या पुतळ्याला अभिवादन करून, मोर्चास्थळी रवाना होणार आहे. 

23/05/2022 17:38:37

फडणवीस मोर्च्यास्थळी रवाना

Aurangabad Water Issue: भाजपच्या मोर्च्याला अवघ्या काही वेळेत सुरवात होणार असून, मोर्च्यास्थळी विरोधीपक्ष नेते देवेंद्र फडणवीस रवाना झाले आहेत.

23/05/2022 17:34:05

BJP JAL AAKROSH MORCHA : औरंगाबादमधील जलआक्रोश मोर्चासाठी तीन हजार हंडे घेऊन महिला मोर्चात सहभागी

BJP JAL AAKROSH MORCHA : औरंगाबादमधील जलआक्रोश मोर्चासाठी तीन हजार हंडे, तर आठ हजार झेंडे घेऊन भाजप कार्यकर्ते मोर्चात सहभागी झाले आहेत

23/05/2022 17:33:33

मोर्च्यास्थळी भागवत कराड दाखल

Aurangabad Water Issue: भाजपच्या मोर्च्याला अवघ्या काही वेळेत सुरवात होणार असून, मोर्च्यास्थळी केंद्रीय अर्थराज्यमंत्री भागवत कराड दाखल झाले आहेत. 

23/05/2022 17:31:11

Aurangabad Water Issue : औरंगाबाद येथील जलआक्रोश आंदोलनावेळी महिलांची उपस्थिती

Aurangabad Water Issue : औरंगाबाद येथील जलआक्रोश आंदोलनावेळी महिलांची मोठी गर्दी पाहायला मिळाली. 

23/05/2022 17:28:02

OBC Reservation : ओबीसी समाजाच्या राजकीय आरक्षणासाठी भाजपचा आक्रमक पवित्रा, बुधवारी मंत्रालयावर धडक मोर्चा

 OBC Reservation :  ओबीसी समाजाच्या राजकीय आरक्षणासाठी भाजपचा आक्रमक पवित्रा घेतला आहे.  येत्या बुधवारी भाजपच्यावतीने मंत्रालयावर धडक आंदोलन करण्यात येणार आहे. ओबीसी मोर्चाचे अध्यक्ष योगेश टिळेकर यांच्या नेतृत्वात आंदोलन होणार आहे. ओबीसींचं राजकीय आरक्षण गेल्यामुळे आंदोलन करण्याचा इशारा दिला आहे. 

23/05/2022 17:27:40

मोर्च्यास्थळी महिलांची मोठी गर्दी

Aurangabad Water Issue: भाजपच्या मोर्च्याला पैठणगेट येथून सुरवात होणार असून,याठिकाणी भाजपच्या महिला कार्यकर्त्यांनी मोठी गर्दी केली आहे.हातात हंडे घेऊन राज्यसरकार विरोधात जोरदार घोषणाबाजी केली जात आहे. 

23/05/2022 17:21:31

फडणवीसांच्या मोर्च्यापूर्वी वाहतुकीत बदल

BJP Aurangabad Protest: औरंगाबाद शहरात निर्माण झालेल्या पाणी टंचाईवरून भाजपकडून जल आक्रोश मोर्चा काढण्यात येत असून, काही वेळेत मोर्चाला सुरवात होणार आहे. त्यापूर्वी मोर्च्याकडे जाणाऱ्या वाहतुकीत बदल करण्यात आला आहे. सिल्लेखान चौकातून पैठणगेटकडे जाणारा रस्ता आंदोलकसोडून सर्वसामान्यांसाठी बंद करण्यात आला आहे. 

23/05/2022 17:11:23

भाजपच्या 'जल आक्रोश मोर्च्या'ला काही वेळेत सुरवात होणार.

BJP JAL AAKROSH MORCHA: औरंगाबाद शहरात काढण्यात येत असलेल्या 'जल आक्रोश मोर्च्या'साठी फडणवीस औरंगाबादमध्ये दाखल झाले असून,फडणवीस मोर्च्यास्थळी रवाना झाले आहेत.