हातात लोखंडी रॉड आणि चाकू घेऊन आलेल्या या टोळक्याने हॉटेलचे मॅनेजर विलास जोशी यांना डोक्यात जबर मारहाण केली. पँथर संघर्ष संघटनेच्या जिल्हाध्यक्षांच्या वाढदिवसाला पैसे दिले नाहीत या कारणामुळे ही मारहाण करण्यात आली.
हॉटेलमधील इतर कर्मचाऱ्यांनी मारहाण करुन परत जाणाऱ्या या टोळीतील दोन जणांना पकडलं. मारहाणीचा हा सर्व थरार सीसीटीव्हीत कैद झाला आहे. यात मार लागलेल्या मॅनेजर विलास जोशी यांना तातडीने रुग्णालयात दाखल करण्यात आलं. त्यांच्या मेंदूला जबर दुखापत झाली आहे.
विवेकानंद पोलीस ठाण्यात याबाबत तक्रार देण्यात आली असून यातील दोन जण पोलिसांच्या ताब्यात आहेत. तर इतर आरोपींचा शोध सुरु आहे.