अक्कलकोटमध्ये स्वामी समर्थ महाराजांच्या दर्शनासाठी लाखो भाविकांची ये-जा असते. त्यामुळे चोरी, लूटमार, छेडछाड, मंगळसूत्र चोरी, तसेच गर्दीमुळे घडणाऱ्या घटनांमुळे बस स्थानकाचं वातावरण असुरक्षित बनल होतं. पण पोलीस निरिक्षक सुरज बंडगर यांच्यामुळे आता पोलिसांची डोकेदुखी काही अंशी कमी होणार आहे.
पोलीस निरिक्षक सुरज बंडगर यांनी लोकसहभागातून अक्कलकोट बस स्थानकाला सीसीटीव्हीचं कवच दिलं आहे. आज या लोकोपयोगी उपक्रमाचं लोकार्पण झालं. ग्रामीण भागात लोकसहभागातून आधुनिक सुरक्षा व्यवस्था कार्यान्वित झालेलं अक्कलकोट हे राज्यांतल पहिल बसस्थानक ठरलं आहे.
लोकवर्गणीतून बंडगर यांनी अक्कलकोट बसस्थानकात बसवलेली सीसीटीव्ही यंत्रणा टप्प्याटप्प्याने लोकसहभागातून संपूर्ण शहरात कार्यन्वित केली जाणार आहे.