Akhil Bharatiya Marathi Sahitya Sammelan LIVE Updates : साहित्य संमेलनाचा आज शेवटचा दिवस, केंद्रीय मंत्री नितीन गडकरी उपस्थित राहणार
Sahitya Sammelan LIVE Updates : वर्ध्यातील 96 व्या अखिल भारतीय मराठी साहित्य संमेलनाचा (Akhil Bharatiya Marathi Sahitya Sammelan ) आज शेवटचा दिवस आहे. आज विविध विषयांवर परिसंवाद होणार आहे.
Sahitya Sammelan : अखिल भारतीय मराठी साहित्य संमेलनात एकीकडे उपमुख्यमंत्री यांच्या उपस्थितीत कार्यक्रम सुरू आहे. मात्र तिथे संमेलन अध्यक्ष नाहीत. संमेलन अध्यक्ष न्यायमूर्ती नरेंद्र चपळगावकर ग्रंथ दालनात पुस्तकात रमले आहेत. संमेलनात येताना सुरक्षेचा फटका बसल्याने अध्यक्ष ग्रंथ दालनात पोहोचले आहेत. तर त्यांची कन्या भक्ती चपळगावकर यांनी मात्र सुरक्षा व्यवस्थेमुळं चपळगावकर सभामंडपात पोहोचले नसल्याचे पोस्ट फेसबुक केली आहे. या ट्विटमुळे चर्चा सुरू झाली आहे. भक्ती चपळगावकर यांनी मात्र एक मुलगी म्हणून आपल्या वाडीलांविषयी जे वाटलं ते पोस्टमधून मांडल्याचे सांगितले आहे. बऱ्याचदा पोलीस त्यांना कुठे जाऊ देत नव्हते, अखेर पोलिसांना विनंती करण्यात आली.
Sahitya Sammelan : वर्ध्यात होत असलेल्या साहित्य संमेलनाच्या आजचा अखेरचा दिवस आहे. आजचा अखेरचा दिवस असल्याने सर्वांचे लक्ष याकडे लागले आहे. रविवारची सुट्टी असल्याने साहित्यप्रेमी संमेलन स्थळी पोहोचतील अशीच अपेक्षा आहे. आजच्या साहित्य संमेलनाच्या कार्यक्रमात उपमुख्यमंत्री देवेंद्र फडणवीस उपस्थित राहणार आहे. तर सायंकाळी केंद्रीय मंत्री नितीन गडकरी हे संमेलन स्थळी भेट देतील.
Akhil Bharatiya Marathi Sahitya Sammelan : अखिल भारतीय मराठी साहित्य संमेलनाचा आज शेवटचा दिवस आहे. आज समारोपीय कार्यक्रम होणार आहे. संध्याकाळी चार वाजताच्या सुमारास होणाऱ्या समारोपीय कार्यक्रमात केंद्रीय मंत्री नितीन गडकरी उपस्थित राहणार आहे. तर उपमुख्यमंत्री देवेंद्र फडणवीस हे देखील एका परिसंवादात सहभागी होणार आहेत.
Wardha : वर्ध्यात होणाऱ्या 17 व्या अखिल भारतीय विद्रोही मराठी साहित्य संमेलनाची विचार यात्रा रॅली शिवाजी चौक येथून निघाली. या रॅलीमध्ये नंदुरबार येथील आदिवासी नृत्य करणाऱ्या चमुचा समावेश आहे. हे नृत्य सर्वांचे लक्ष वेधून घेत आहे. विविध झाकी... लेझीम पथक आणि विद्यार्थ्यांचा समावेश या रॅलीमध्ये आहे. ही रॅली सर्कस मैदानावर पोहचणार असून त्यांनतर मुख्य कार्यक्रमाला सुरवात होणार आहे.
Akhil Bharatiya Marathi Sahitya Sammelan : वर्धा येथे सुरू असलेल्या 96 व्या अखिल भारतीय साहित्य संमेलनाच्या दुसऱ्या दिवशी विविध विषयांवरील परिसंवाद आणि परिचर्चांचे आयोजन करण्यात आले आहे. डॉ अभय बंग यांची प्रकट मुलाखत यासह नागराज मंजुळे यांचा मुक्त संवाद आज होणार आहे.
आज साहित्य संमेलनात काय होणार
सकाळी 9:30 वाजता डॉ. अभय बंग यांची प्रकट मुलाखत (आचार्य विनोबा भावे सभामंडप)
स्त्री पुरुष तुलना या विषयावर परिचर्चा दुपारी दीड वाजता (मनोहर म्हैसाळकर सभामंडप)
समाज माध्यमातील अभिव्यक्ती: एक उलट तपासणी परिसंवाद
दुपारी 3. 30 वाजता (मनोहर म्हैसाळकर सभामंडप)
वैदर्भीय वाड्मयीन परंपरा
परिसंवाद संध्याकाळी 5.30 (मनोहर म्हैसाळकर सभामंडप)
नागराज मंजुळे यांचा मुक्त संवाद संध्याकाळी साडे पाच वाजता..
Akhil Bharatiya Marathi Sahitya Sammelan : वर्धा (wardha) येथे आजपासून सुरु झालेल्या 96 व्या अखिल भारतीय मराठी साहित्य संमेलनात बोलताना मुख्यमंत्री म्हणाले. मराठी भाषा ही चमत्कार घडविणारी आहे. संत साहित्य आणि साहित्याच्या विविध प्रवाहांनी या भाषेला समृद्ध केले आहे. अखिल भारतीय मराठी साहित्य संमेलनाच्या माध्यमातून मराठी भाषेचा उत्सव साजरा होतो. हे संमेलन म्हणजे सुदृढ सांस्कृतिक लोकशाहीचे विशाल रूप आहे.
Akhil Bharatiya Marathi Sahitya Sammelan : अखिल भारतीय मराठी साहित्य संमेलनाच्या अध्यक्षांना राज्य अतिथींचा (स्टेट गेस्ट) दर्जा देण्यात येत असल्याची घोषणा मुख्यमंत्री शिंदे यांनी केली. मराठी साहित्य मंडळाने राज्य शासनाकडे या संदर्भात मागणी केली होती, ती मागणी मान्य करण्यात आल्याचे त्यांनी सांगितले.
Akhil Bharatiya Marathi Sahitya Sammelan : वर्धा (wardha) येथे आजपासून सुरु झालेल्या 96 व्या अखिल भारतीय मराठी साहित्य संमेलनात लोकप्रिय हिंदी साहित्यिक आणि कवी कुमार विश्वास यांच्या संबोधांची उत्सुकता सर्वाना होती. सर्वात प्रथम त्यांनी इतक्या मोठ्या प्रमाणात आयोजित साहित्य संमेलनाच्या आयोजकांचे कौतुक केले. त्यानंतर त्यांनी आपल्या खास शैली मध्य 'राजकारण आणि साहित्य' यावर भाष्य केले.
Akhil Bharatiya Marathi Sahitya Sammelan : वर्धा (wardha) येथे आजपासून सुरु झालेल्या 96 व्या अखिल भारतीय मराठी साहित्य संमेलनात गझल कटट्याचे थाटात उद्घाटन झाले. यावेळी बोलताना सल्‍लागार साहित्य संमेलन समिती डॉ. गिरीश गांधी यांनी गझल या कविता प्रकारावर उर्दू भाषेचा जरी पगडा असला तरी मराठी गझलने आपले वेगळेपण जपले आहे. अनेक मराठी गझलकार मागील काही काळात नावारुपाला आले असून या प्रांतात उत्‍तम कार्य क‍रीत आहे. मराठी गझलेला चांगले दिवस यायचे असतील तिने सर्वसमावेश भाव स्वीकारावा, असे मार्गदर्शन केले.
Akhil Bharatiya Marathi Sahitya Sammelan : 96 व्या अखिल भारतीय मराठी साहित्य संमेलनात साहित्य संमेलनाचे अध्यक्ष न्या. नरेंद्र चपळगावकर तसेच मावळते अध्यक्ष भारत सासणे यांचा मुख्यमंत्री एकनाथ शिंदे यांच्या हस्ते सत्कार करण्यात आला.
Akhil Bharatiya Marathi Sahitya Sammelan : 96व्या अखिल भारतीय मराठी साहित्य संमेलनात साहित्य संमेलनाचे अध्यक्ष न्या. नरेंद्र चपळगावकर तसेच मावळते अध्यक्ष भारत सासणे यांचामुख्यमंत्री एकनाथ शिंदे यांच्या हस्ते सत्कार करण्यात आला.
Akhil Bharatiya Marathi Sahitya Sammelan : संमेलन स्थळी महामंडळाच्या अध्यक्ष प्रा. उषा तांबे यांच्या हस्ते साहित्य ध्वज फडकवण्यात आला. यावेळी 95व्या साहित्य संमेलनाचे अध्यक्ष भारत सासणे
कार्यवाह प्रा. उज्वला मेहेंदळे, विलास मानेकर, महाराष्ट्र साहित्य परिषद कार्यवाह प्रा. मिलिंद जोशी आदी उपस्थित होते.
Akhil Bharatiya Marathi Sahitya Sammelan : संमेलन स्थळी महामंडळाच्या अध्यक्ष प्रा. उषा तांबे यांच्या हस्ते साहित्य ध्वज फडकवण्यात आला. यावेळी 95व्या साहित्य संमेलनाचे अध्यक्ष भारत सासणे कार्यवाह प्रा. उज्वला मेहेंदळे, विलास मानेकर, महाराष्ट्र साहित्य परिषद कार्यवाह प्रा. मिलिंद जोशी आदी उपस्थित होते.
Sahitya Sammelan : 96 व्या अखिल भारतीय मराठी साहित्य संमेलनाचा उद्घाटन समारंभ थोड्या वेळात वर्ध्यातील स्वावलंबी मैदानावर आचार्य विनोबा भावे सभा मंडपात होणार आहे. प्राचार्य राम शेवाळकर व्यासपीठावर दाखल झाले आहेत. संमेलनाध्यक्ष न्यायमूर्ती निवृत्त नरेंद्र चपळगावकर, संमेलनाचे पूर्व अध्यक्ष भारत सासणे, मुख्यमंत्री एकनाथ शिंदे, स्वागताध्यक्ष दत्ता मेघे, शालेय शिक्षण व मराठी भाषा मंत्री दीपक केसरकर यांच्यासह इतर मान्यवर उपस्थित राहणार आहेत.
Akhil Bharatiya Marathi Sahitya Sammelan : वर्ध्यातील साहित्य संमेलनस्थळी पोलिसांचा तगडा बंदोबस्त. 550 पोलीस कर्मचारी, 100 महिला पोलीस कर्मचारी, 47 पोलीस उप निरीक्षक, पोलिस निरीक्षक 28, उपविभागीय पोलिस अधिकारी 6, पोलीस अधीक्षक व अप्पर पोलीस अधीक्षक, असा एकूण 750 पोलिसांचा कडेकोट बंदोबस्त ठेवण्यात आला आहे.
Akhil Bharatiya Marathi Sahitya Sammelan : 96 व्या अखिल भारतीय मराठी साहित्य संमेलनाच्या स्थळी ध्वजारोहण करण्यात आले आहे. मराठी साहित्य महामंडळाच्या अध्यक्ष प्रा. उषा तांबे यांच्या हस्ते ध्वजारोहण करण्यात आले. त्यानंतर परंपरेनुसार राष्ट्रगीत झाले. थोड्याच वेळानंतर प्राचार्य राम शेवाळकर व्यासपीठावर येणार असून 96 व्या अखिल भारतीय मराठी साहित्य संमेलनाचे उद्घाटन होणार आहे.
Akhil Bharatiya Marathi Sahitya Sammelan : मराठी साहित्य संमेलनाच्या ग्रंथ दिंडिला सुरुवात झाली आहे. ग्रंथ दिंडी महात्मा गांधी पुतळामार्गे डॉ. बाबासाहेब आंबेडकर चौक, झाशी राणी चौक, शिवाजी चौक, पावडे चौक ते संमेलन स्थळ पोहोचणार आहे. दिंडी मार्गावर ठिकठिकाणी दिंडीचे स्वागत करण्यात येईल. तसेच विविध ठिकाणावरून शाळकरी विद्यार्थी दिंडीत सामील होतील. शहरातील दहा शाळांचे विद्यार्थी सहभागी होणार आहेत. मगण संग्रहालय, बापू कुटी, पवनार येथील आचार्य विनोबा भावे आश्रमातील देखावे आकर्षण ठरणार आहेत. ग्रंथ दिंडीमध्ये एकूण 10 भजनी मंडळ, गुरुकुंज मोझरी येथील 150 चे पथक देखील सहभागी होणार आहे तर घोराड येथील 50 जणांचे पथक सहभागी होणार आहे. 10 देखाव्याच्या झाकी असणार आहे. दोन लेझीम पथकब 50 विद्यार्थ्यांचे असणार आहेत. कला पथकाचा सहभाग असेल. ग्रंथ दिंडीचे उदघाटन पूर्व संमेलन अध्यक्ष भारत सासणे आणि विद्यमान संमेलन अध्यक्ष न्यायमूर्ती नरेंद्र चपळगावकर करतील.
Akhil Bharatiya Marathi Sahitya Sammelan : आजपासून वर्ध्यात अखिल भारतीय मराठी साहित्य संमेलनाला सुरुवात झाली आहे. या संमेलनासाठी मुख्य सभामंडप 150 बाय 350 फूट आकाराचा आहे. 7 हजार 500 साहित्य प्रेमींना बसण्यासाठी खुर्च्यांची व्यवस्था करण्यात आली आहे. पुस्तकाच्या आकाराचे ग्रंथ प्रदर्शनाचे प्रवेशद्वार आहे. मुख्य प्रवेशद्वारावर आचार्य विनोबा भावे आणि महात्मा गांधी यांची प्रतिकृती आहे. प्रमुख पाहुण्यांच्या स्वागतासाठी पेटी चरखा आहे. ग्रंथ दालन परिसरात एकूण 291 पुस्तक दालने आहेत. विविध सहा सभा मंडपे आहेत.
पार्श्वभूमी
Sahitya Sammelan LIVE Updates : अखिल भारतीय मराठी साहित्य संमेलनाचा आज शेवटचा दिवस आहे. आज समारोपीय कार्यक्रम होणार आहे. संध्याकाळी चार वाजताच्या सुमारास होणाऱ्या समारोपीय कार्यक्रमात केंद्रीय मंत्री नितीन गडकरी उपस्थित राहणार आहे. तर उपमुख्यमंत्री देवेंद्र फडणवीस हे देखील एका परिसंवादात सहभागी होणार आहेत.
वर्ध्यात आजपासून 96 व्या अखिल भारतीय मराठी साहित्य संमेलनाला (Akhil Bharatiya Marathi Sahitya Sammelan ) सुरुवात होणार आहे. वर्ध्यात (Wardha) होत असलेल्या अखिल भारतीय मराठी साहित्य संमेलनात येणार्‍या प्रमुख पाहुण्यांच्या आदर सत्कारात साहित्य संमेलनात कार्य करणाऱ्या नियोजन समित्यांनी कोणतीच कसर सोडली नाही. उद्घाटन आणि समारोपाला येणाऱ्या पाहुण्यांचं प्रत्यक्ष सूत कताई करणारा चरखा देऊन स्वागत केले जाणार आहे.
प्रमुख पाहुण्यांचं सूत कताई करणारा चरखा देऊन स्वागत
वर्ध्यातील गोपुरी येथील ग्रामोद्योग भांडारात हे चरखे तयार करण्यात आले आहेत. हा चरखा केवळ प्रतिकात्मक राहू नये त्यामुळे प्रत्यक्ष सूत कताई करणारा पेटी चरखा देण्यात येणार आहे. शुक्रवारी (3 फेब्रुवारी) सकाळी साडे दहा वाजता संमेलनाचे उद्घाटन होणार आहे. संमेलनाचे अध्यक्ष निवृत्त न्यायाधीश नरेंद्र चपळगावकर आहेत. उद्घाटन आणि समारोपीय कार्यक्रमाला येणार्‍या सर्व प्रमुख पाहुण्यांचा चरखा देऊन सत्कार करण्यात येणार आहे. परंतु, हा चरखा फक्त स्मृतिचिन्ह नसेल तर त्यावर सूत कताईही करता येणार आहे.
साहित्य संमेलन अविस्मरणीय कसे होईल यासाठी मात्र आयोजक प्रयत्न करत आहेत. समारंभाचे उद्घाटन आणि समारोपाला येणार्‍या सर्व प्रमुख पाहुण्याचे स्वागत चरखा देऊन करण्यात येणार आहे. परंतु, हा चरखा केवळ प्रतिकात्मक स्वरुप नसून तर तो उपयोगात येईल, अशी भेट आहे. उद्घाटन आणि समारोप या दोन्ही कार्यक्रमाला मुख्यमंत्री एकनाथ शिंदे, उपमुख्यमंत्री देवेंद्र फडणवीस, केंद्रीय मंत्री आणि संमेलनाचे मार्गदर्शक नितीन गडकरी, शिक्षण मंत्री दीपक केसरकर, सांस्कृतिक मंत्री सुधीर मुनगंटीवार, स्वागताध्यक्ष दत्ता मेघे आदी जवळपास 19 प्रमुख पाहुणे राहणार आहेत. त्या सर्वांना भेट म्हणून देण्यात येणारा चरख्याावर सूत कताई करण्यात येणार आहे.
- - - - - - - - - Advertisement - - - - - - - - -