गेल्या पाच तासापासून हा हत्ती प्रवरा नदीच्या पात्रात मनसोक्त आंघोळ करतोय. त्याच्या मालकानं/माहुताने त्याला बाहेर काढण्याचे अनेक प्रयत्न केले. मात्र हत्ती त्याला दाद देत नाही.
अकोल्यात खंडोबा मंदिराची प्राणप्रतिष्ठा करण्यासाठी सकाळी 7 वाजता मिरणूक काढली जाणार होती, मात्र अजूनही ही मिरवणूक सुरु झालेली नाही.
मिरवणुकीचा हत्तीच नदीबाहेर न आल्याने, मिरवणूक काढायची कशी हा प्रश्न आयोजकांना पडला आहे. आणखी काहीवेळ हत्ती बाहेर न आल्यास, हत्तीशिवाय मिरवणूक काढण्याची तयारी आयोजकांनी केली आहे.
दरम्यान, हत्तीला मनसोक्त डुंबताना पाहण्यासाठी प्रवरा नदीच्या पुलावर बघ्यांची मोठी गर्दी झाली आहे.