Ajit Pawar in Vidarbha Live : माजी उपमुख्यमंत्री अजित पवार यांच्या विदर्भ दौऱ्यातील लाईव्ह अपडेट्स

अजित पवार यांनी आता राज्यातील अतिवृष्टीनं नुकसान झालेल्या विदर्भ आणि मराठवाड्यातील जिल्ह्यांमध्ये पाहणी करण्यासाठी दौरा आयोजित केला आहे. त्याअंतर्गत बुधवारी रात्री त्यांचे नागपूर येथे आगमन झाले.

पार्श्वभूमी

Vidarbha : राज्याचे माजी उपमुख्यमंत्री अजित पवार यांनी आता राज्यातील अतिवृष्टीनं नुकसान झालेल्या विदर्भ आणि मराठवाड्यातील जिल्ह्यांमध्ये पाहणी करण्यासाठी दौरा आयोजित केला आहे. अजित पवार यांचा चार दिवसांचा दौरा बुधवारपासून सुरु झाला असून बुधवारी रात्री त्यांचे नागपुरात आगमन झाले. गुरुवारी ते गडचिरोली आणि चंद्रपूर येथील पूरग्रस्त शेतकऱ्यांची भेट घेणार आहे. अजित पवार पुढील चार दिवसात आठ जिल्ह्यामंध्ये जाऊन पाहणी करणार आहेत.

29/07/2022 16:07:20

yavatmal : येथील शेतकऱ्यांशी पवार यांचा संवाद

यवतमाळः येथील दौऱ्यादरम्यान विरोधी पक्षनेते अजित पवार यांनी अतिवृष्टीमुळे नुकसान झालेल्या शेतकऱ्यांशी संवाद साधला. पवार नुकसान झालेल्या गावांची पाहणी करत आहेत.

29/07/2022 13:23:01

Wardha : एनजीओ, सीएसआर फंडातून बाधितांची मदत कराः पवार

वर्धाः अतिवृष्टीग्रस्तांची मदत करण्यासाठी सगळंच सरकारने करावं असं नाही आहे. विविध सामाजित संस्थांनी पुढाकार घ्यावा. कंपन्यांनी आपल्या सीएसआर फंडातून गरजूंना मदत करावी. वेळ पडल्यास खनिज निधी आणि डीपीसीचाही वापर करुन मदत करता येईल.

29/07/2022 13:16:08

दरेकरांनी राजकारण करु नये, मी फालतू गोष्टींना महत्त्व देत नाहीः पवार

वर्धाः प्रवीण दरेकरांनी यात राजकारण करू नये, मला ही तसच उत्तर देता येत, मी अशा फालतू गोष्टींना महत्त्व देत नसल्याचे अजित पवार यांनी सांगितले.

29/07/2022 13:07:02

Wardha : एसडीआरएमचे नियम बाजूला ठेवून शेतकऱ्यांना मदत करा

वर्धाः हिंगणघाट शहराच्या पूरग्रस्त भागाची स्वच्छता होणे गरजेचे. एसडीआरएमचे नियम बाजूला ठेवून पूरग्रस्तांना मदत करा.

29/07/2022 13:04:24

Wardha : शेतकऱ्यांच्या सहनशीलतेचे अंत पाहू नकाः अजित पवार

वर्धाः अतिवृष्टीमुळे शेतकऱ्यांचे मोठे नुकसान झाले आहे. तरी आतापर्यंत शासनाचे सर्वेक्षण पूर्ण झालेले नाही. आवश्यक असल्यास अधिक मनुष्यबळ वापरावा आणि शेतकऱ्यांना मदत करावी. शेतकऱ्यांचा अंत पाहू नका, असा इशारा विरोधी पक्ष नेते अजित पवार यांनी राज्य सरकारला दिला.

29/07/2022 12:57:17

Wardha : पवार शासकीय विश्रामगृहाकडे रवाना

वर्धा :  विरोधी पक्ष नेते अजित पवार हे जिल्हाधिकारी कार्यालयातील आढावा बैठक संपवून शासकीय विश्रामगृहा कडे रवाना.

29/07/2022 11:31:28

Wardha: कान्होली गावात अजित पवार दाखल

वर्धा : हिंगणघाट तालुक्यातील कान्होली गावात विरोधी पक्ष नेते अजित पवार दाखल. यशोदा आणि वर्धा नद्यांमुळे या गावाला आलं होतं बेटाचं स्वरूप, बोटींच्या माध्यमातून 400 लोकांना या गावातून करण्यात आलं होतं रेस्क्यू.

28/07/2022 17:03:08

जोरगेवारांकडे अजित दादांनी हास्यकल्लोळात प्रतिक्रिया

चंद्रपूरः किशोर जोरगेवार यांच्या कुटुंबीयांच्या भेटीदरम्यान चहावाला पंतप्रधान, रिक्षेवाला मुख्यमंत्री तर बांबूच्या टोपलीवाल्याचा मुलगा मंत्री का बनू शकत नाही, अशी अजित दादांनी हास्यकल्लोळात प्रतिक्रिया. विरोधी पक्ष नेते अजित पवार अपक्ष आमदार किशोर जोरगेवार यांच्या घरी स्वागत झाले. आमदार जोरगेवार यांनी आईच्या नावाने सुरू केलेल्या अम्मा टिफिन या ज्येष्ठ नागरिकांसाठीच्या उपक्रमाची पाहणी केली.

28/07/2022 17:00:04

पवार यांनी शिंदे गटाला समर्थन देणाऱ्या अपक्ष आमदार जोरगेवार यांच्या घरी भेट

चंद्रपूर : विरोधी पक्ष नेते अजित पवार यांनी शिंदे गटाला समर्थन देणाऱ्या चंद्रपूरचे अपक्ष आमदार किशोर जोरगेवार यांच्या घरी भेट दिली. राज्यात महाविकास आघाडीचे सरकार असताना जोरगेवार यांनी आघाडीला समर्थन दिले होते. मात्र सध्या आमदार जोरगेवार यांनी बंडखोर शिवसेना गटाला समर्थन दिले आहे. अजित पवार यांची अपक्ष आमदार किशोर जोरगेवार यांच्या घरी होणारी भेट भविष्यातील राजकारणासाठी महत्त्वाची असल्याची चर्चा आहे.

28/07/2022 16:43:35

नदीच्या शेजारी प्लॉट टाकण्याचं काम तातडीने थांबवाः पवार

चंद्रपूर : नदीच्या शेजारी प्लॉट टाकण्याचं सुरू असलेलं काम तातडीने थांबवा, एकमेकांवर जबाबदारी ढकलू नका, अजित पवार यांच्या प्रशासनाला सूचना.

28/07/2022 16:55:35

गडचिरोली दौऱ्यावर असताना पवार यांची माजी मंत्री धर्मराव बाबा आत्राम यांच्या निवासस्थानी भेट

गडचिरोली :  दौऱ्यादरम्यान माजी उपमुख्यमंत्री अजित पवार यांनी माजी मंत्री धर्मराव बाबा आत्राम यांच्या गडचिरोली येथील निवासस्थानी भेट दिली.

28/07/2022 11:15:11

शेतीसह नुकसान झालेल्या घरांचेही पंचनामे करा आणि भरीव मदत द्याः अजित पवार

गडचिरोलीः पूरामुळे शेतीसह नुकसान झालेल्या घरांचेही पंचनामे करा आणि नागरिकांना तातडीची मदत करा. निधी केंद्र सरकारकडून आणावी की, राज्य सरकारने द्यावा हा त्यांचा अंतर्गत विषय आहे. मात्र वेळेत मदत झाली पाहीजे असेही यावेळी अजित पवार यांनी सांगितले.

28/07/2022 11:06:55

गडचिरोली ओला दुष्काळ तातडीने घोषित करण्याची गरज : अजित पवार

गडचिरोलीः येथे आलेल्या भिषण पुरामुळे शेतकऱ्यांचे मोठे नुकसान झाले आहे. त्यांना शासनाच्या मदतीच्या हाताची गरज आहे. त्यामुळे सरकारने गडचिरोलीला ओला दुष्काळ तातडीने घोषित करण्याची गरज असल्याची मागणी माजी उपमुख्यमंत्री अजित पवार यांनी केली आहे.

28/07/2022 11:04:31

आढावा बैठकीनंतर पवार गडचिरोली सर्किट हाऊसला रवाना

Gadchiroli: गडचिरोली जिल्हाधिकारी कार्यालयात पूर परिस्थितीचा अधिकाऱ्यांसोबत आढावा घेऊन गडचिरोली सर्किट हाऊसकडे रवाना झाले.

28/07/2022 10:31:44

ज्या ठिकाणी जाणं शक्य आहे त्या ठिकाणी जाऊन पंचनामे करा : अजित पवार

गडचिरोलीः सरकारने ज्यांची पिकं पूर्ण उध्वस्त झाली त्यांची कर्ज माफ करण्याची मागणी आपल्या गडचिरोली दौऱ्यादरम्यान राज्याचे माजी उपमुख्यमंत्री अजित पवार यांनी केली. जिल्हाधिकारी कार्यालयात त्यांनी बैठक घेतली. यावेळी त्यांनी ज्यांची पिकं पूर्ण उध्वस्त झाली त्यांची कर्ज माफ करा, ज्या ठिकाणी जाणं शक्य आहे त्या ठिकाणी जाऊन पंचनामे करा, ज्यांचं नुकसान झालं त्यांना तातडीने नुकसान भरपाई मिळाली पाहिजे अशा सूचनाही प्रशासनाला केल्या. तसेच पूरग्रस्त भागात पूर ओसरल्यावर रोगराई पसरणार नाही याची काळजी घेण्याच्या सूचनाही केल्या. जिल्ह्यात पुरामुळे अंदाजे 16300 हेक्टर शेतपिकांचे नुकसान झाल्याचा प्राथमिक अंदाज, पंचनामे संपायला किमान दोन आठवडे लागणार असल्याचे जिल्हाधिकारी यांनी सांगितले.

28/07/2022 09:44:38

शेतकऱ्याच्या बाधांवर जाऊन केली पाहणी

गडचिरोलीः विदर्भ दौऱ्यावर असताना राज्याचे माजी उपमुख्यमंत्री यांनी गडचिरोलीपासून दहा किलोमीटर अंतरावर असलेल्या शिवनी गावाजवळ असलेल्या शेतकऱ्याच्या बांधावर जाऊन पाहणी केली आणि शेतकऱ्यांशी संवाद साधला.