Darshana Jardosh in Kolhapur : केंद्रीय रेल्वे राज्यमंत्री दर्शना जरदोष यांनी ठाकरे सरकारचा उल्लेख डबल इंजिन सरकार असा करत ठाकरे सरकारवर हल्ला चढवला. त्यांनी वाढत्या महागाईवरुनही ठाकरे सरकारला लक्ष्य केले.
रेल्वे राज्यमंत्री दर्शना जरदोष कोल्हापूर दौऱ्यावर आहेत. त्यांनी राज्यात सुरु असलेल्या बुलेट ट्रेन कामाच्या गतीवरूनही ठाकरे सरकावर हल्ला चढवला. त्या म्हणाल्या की, डबल इंजिन सरकार ज्या राज्यांमध्ये आहेत त्याठिकाणी योजनांची काय अवस्था झाली आहे हे तपासून पहावे.
केंद्र सरकारच्या सर्व योजना व्यवस्थितरित्या सुरु आहेत. जे प्रकल्प हाती घेतले आहेत ते पूर्णत्वास नेले आहेत. पंतप्रधान नरेंद्र मोदी हे एका राज्याचे मुख्यमंत्री होते. त्यामुळे त्यांना राज्याचे प्रश्न चांगल्या पद्धतीने माहिती आहेत. ज्या कामाचा शुभारंभ आम्ही करतो त्या कामाचे उद्घाटन देखील आम्हीच करतो. भाजप विकासकामात राजकारण करत नसल्याचे सांगत दर्शना जरदोष यांनी बिगर भाजपशासित राज्यांवर टिकास्त्र सोडले.
राज्यात बुलेट ट्रेनचे काम संथगतीने
रेल्वे राज्यमंत्री दर्शना जरदोष यांनी बुलेट ट्रेन प्रकल्पावरूनही ठाकरे सरकारवर हल्ला चढवला. त्यांनी यासाठी गुजरातचे उदाहरण दिले. त्या ठाकरे सरकारवर टीका करताना म्हणाल्या की, गुजरातमध्ये बुलेट ट्रेनचे काम युद्धपातळीवर सुरू आहे, पण नवसारी स्टेशननंतर काम अगदी धीम्या गतीने सुरू आहे. जरदोष यांनी एकप्रकारे राज्यामध्ये बुलेट ट्रेनचे काम संथ सुरु असल्याची टीका केली आहे.