Kolhapur District Gram Panchayat Election : कोल्हापूर जिल्ह्यातील ग्रामपंचायत निवडणुकीचे (Kolhapur District Gram Panchayat Election) चित्र स्पष्ट झाल्याने गावगावात आजपासून प्रचाराचा धुरळा उडणार आहे. उमेदवारी अर्ज माघारीच्या दिवशी 23 लोकनियुक्त सरपंच आणि 43 ग्रामपंचायती बिनविरोध झाल्याचे स्पष्ट झाले. कोल्हापूर जिल्ह्यात अर्ज माघारीच्या अखेरच्या दिवशी थेट सरपंचपदासाठी 1 हजार 456 उमेदवारांनी माघार घेतली. त्यामुळे आता सरपंचपदासाठी 1 हजार 193 उमेदवार रिंगणात आहेत. ग्रामपंचायत सदस्यपदासाठी 7 हजार 362 उमेदवारांनी माघार घेतली. त्यामुळे आता 8 हजार 995 उमेदवार रिंगणात आहेत. 


Kolhapur District Gram Panchayat Election : कोल्हापूर जिल्ह्यात 43 ग्रामपंचायती बिनविरोध  


दरम्यान, जिल्ह्यात रणधुमाळी सुरू असलेल्या 474 ग्रामपंचायतींपैकी निवडणुकीत 41 ग्रामपंचायती बिनविरोध झाल्या आहेत. टोकाची ईर्ष्या होत असलेल्या थेट सरपंचदाववरही 23 जण बिनविरोध निवडून  आले. तसेच 491 हून अधिक सदस्य बिनविरोध निवडून आले. गावागावांत इर्ष्येचे राजकारण पेटणार असताना ही सकारात्मक बाब दिसून आली.  ग्रामपंचायतींसाठी 18 डिसेंबरला मतदान आणि 20 डिसेंबरला मतमोजणी होईल. 


कोल्हापूर शहराच्या वेशीवरील तसेच जिल्ह्यातील अनेक मोठ्या गावांमध्ये निवडणुका होत आहेत. त्यामुळे गटगट मजबूत होण्यासाठी विद्यमान आमदार तसेच माजी आमदारांकडून शर्थीचे प्रयत्न सुरु आहेत. थेट सरपंचपदासाठी दाखल झालेल्या अर्जांची संख्या पाहता अनेक गावांमध्ये बहुरंगी लढती होत आहेत. 


Kolhapur District Gram Panchayat Election : कोणत्या गावांमध्ये बिनविरोध निवडणूक झाली? 


बिनविरोध झालेल्या तालुकानिहाय ग्रामपंचायती 


शाहुवाडी (Shahuwadi Tehsil Gram Panchayat)



  • करुंगळे, उदगिरी, कोळगाव, भैरेवाडी, सांबू 


गडहिंग्लज  (Gadhinglaj Tehsil Gram Panchayat)



  • कडलगे, बटकणंगले, कौलगे, कडाल


चंदगड (Chandgad Tehsil Gram Panchayat)



  • लक्कीकटे, सातवणे, नागणवाडी


पन्हाळा (Panhala Tehsil Gram Panchayat)



  • पिंपळे तर्फे सातवे, शाहपूर,  मिठारवाडी, आसगाव, कोतोली पैकी माळवाडी, गोलीवडे, किसरुळ, मानवाड, कोलिक, करंजफेण 


गगनबावडा (Gaganbawda Tehsil Gram Panchayat)



  • अणदूर, मार्गेवाडी, कोदे


आजरा (Ajara Tehsil Gram Panchayat) 



  • लाटगाव, आवंडी, धनगरवाडा, पोळगाव, पारपोली, चाफवडे


भुदरगड (Bhudargad Tehsil Gram Panchayat)



  • अंतुर्ली, करडवाडी, पाल,  कोळवण- पाळेवाडी, अनफ खुर्द


राधानगरी (Radhanagari Tehsil Gram Panchayat)



  • आपटाळ,  पाटपन्हाळा,  पडसाळी, करंजफेण, शेळेवाडी, सोळांकूर, मानबेट, ढेंगेवाडी 


इतर महत्वाच्या बातम्या