Jalgaon Gold : सोन्याचे दर (Gold Price) आज जळगावच्या सुवर्ण नगरीमध्ये 58500 इतक्या विक्रमी पातळीवर जाऊन पोहोचले आहेत. त्याचा परिणाम म्हणून ग्राहकांनी सोने खरेदीकडे वेट अँड वाचची भूमिका घेतली असली आहे. सोन्याच्या वाढत्या दराचा फायदा घेण्यासाठी अनेक ग्राहकांनी सोने मोडण्याकडे आपला कल वळवल्याचे चित्र सध्या दिसत आहे.
गेल्या काही दिवसात सोन्याच्या दरात सातत्याने वाढ होत असल्याचं दिसून येतं आहे. यामागे विविध कारणे सांगितली जात आहेत. एकाच आठवड्यात सोन्याचे दरात हजार रुपयांची वाढ होऊन 57 हजार 500 रुपयांवरुन 58 हजार 500 रुपयांवर सोन्याचे दर गेले आहेत. आतापर्यंतचा हा सोन्याच्या दराचा उच्चांक मानला जातो. कारण मागील दोन वर्ष पूर्वी सोन्याचा दर हा 58 हजार 500 रुपयांपर्यंत जाऊन पोहोचला होता. यावेळी मात्र त्यापेक्षा पाचशे रुपयांची वाढ जास्त असल्याने सर्वसामान्य ग्राहकांच्या दृष्टीने हे दर त्यांच्या आवाक्याबाहेर असल्याने त्यांनी सोन्याच्या खरेदीकडे पाठ फिरवली आहे. तर काही ग्राहकांनी मात्र या वाढत्या सोन्याच्या दराचा फायदा घेण्यासाठी सोने मोड करण्याकडे कल वळवला आहे.
सोनं व्यावसायिकांच्या मते, जागतिक पातळीवर सध्या वाढत असलेली महागाई आणि त्यानंतर आगामी काळात मंदीची लाट येण्याचा अंदाज पाहता, अनेक देशांनी सुरक्षित गुंतवणूक म्हणून सोनं खरेदीकडे आपला कल वाढवला आहे. त्याचा परिणाम म्हणून जागतिक पातळीवर सोन्याची मागणी वाढली आहे.
सोन्या-चांदीचे दर वाढले
एकीकडे मंदीचे सावट आहे तर दुसरीकडे सोन्याचे दर मात्र दिवसेंदिवस वधारत आहेत. सध्या सोन्याचे दर उच्चांकी पातळीवर पोहोचले आहेत. लग्नसराईमुळे सोन्याची मागणी देखील दिवसेंदिवस वाढत चालली आहे. कोरोनाकाळात सोन्याचे दर प्रतितोळा 56 हजार रुपयांवर पोहोचले होते. आता प्रतितोळा 58 हजार 500 एवढा झाला आहे. सोन्यासह चांदीनेही चांगलाच भाव खाल्ला आहे. चांदीचा दर 69 हजार 167 रुपयांवर पोहोचला आहे.
इतर महत्त्वाच्या बातम्या :