शाह म्हणाले की, "आगामी लोकसभा निवडणुकांमध्ये भारतीय जनता पक्षाचीच सत्ता येणार आहे. कधीकाळी केवळ 2 जागा असणाऱ्या भाजपची आता 16 राज्यांमध्ये सत्ता आहे. पक्षाकडे बलाढ्य नेतृत्त्व आहे. परंतु आमच्या विरोधकांकडे नेतृत्त्व नाही. त्यामुळे एनडीएला सत्ता मिळवणे सोपे जाईल".
शाह म्हणाले की, 2019 ची निवडणूक ही पानिपतसारखी लढाई आहे. ही लढाई भाजपने जिंकली तरच देशाचे भले होईल. नहीतर पुन्हा एकदा देश काही वर्षे मागे जाईल. मतदारांनी आगामी निवडणुकांमध्ये भरभरुन मतदान करावे, असे आवाहनही त्यांनी लोकांना केले.