केरींसोबत असलेल्या एका पत्रकाराने ही माहिती ट्वीट करून दिली. दरम्यान, यावर वाहतूक पोलिसांनीही केरी यांना काहीकाळ वाहतूक कोंडीचा सामना करावा लागला असल्याचे स्पष्ट केले. यानंतर त्यांना या वाहतूक कोंडीतून सुरक्षित बाहेर काढून त्यांच्या हॉटेलपर्यंत सोडण्यात आले. आता यावर संबंधित अधिकाऱ्यांना उत्तर देण्याचे आदेश देण्यात आले आहेत.
दिल्ली विमानतळावरून ते चाणाक्यपूरीमधील हॉटेलमध्ये जात होते. यावेळी जॉन केरींना दिल्लीतील सत्य मार्गावर वाहतूक कोंडीचा सामना करावा लागला.
काल दिल्लीत मुसळधार पावसामुळे जनजीवन विस्कळीत झाले होते. या पावसामुळे दिल्लीच्या गतीलाही एकप्रकारे ब्रेक लावला होता. त्यामुळे ठिकठिकाणी वाहतूक कोंडी झाल्याचे पाहायला मिळत होते.