Sikkim Army Camp Landslide : ईशान्य भारतातील राज्यांमध्ये पाऊस आणि भूस्खलनाने कहर केला आहे. रविवारी (1 जून ) संध्याकाळी सिक्कीममधील आर्मी कॅम्पमध्ये झालेल्या भूस्खलनात काही सैनिकांसह तीन जणांचा मृत्यू झाला. मृतांची ओळख अद्याप पटलेली नाही. नऊ सैनिक देखील बेपत्ता आहेत, ज्यांचा शोध सुरू आहे. मिळालेल्या माहितीनुसार, रविवारी संध्याकाळी सात वाजता उत्तर सिक्कीममधील चट्टन येथील आर्मी कॅम्पमध्ये भूस्खलन झाले, ज्यामुळे आजूबाजूच्या परिसरातील घरांचे मोठे नुकसान झाले. या भूस्खलनात तीन जणांचा मृत्यू झाला आहे, तर अनेक लोक बेपत्ता आहेत. मृतांची ओळख पटविण्यासाठी आणि बेपत्ता लोकांची ओळख पटविण्यासाठी मोहीम राबविण्यात येत आहे.
सिक्कीममध्ये 1500 पर्यटक अडकले आहेत
उत्तर सिक्कीममध्ये मुसळधार पाऊस आणि भूस्खलनामुळे परिस्थिती इतकी बिकट झाली आहे की लोचेन आणि लाचुंग भागात सुमारे 1500 पर्यटक अडकले आहेत. मंगन जिल्ह्याचे एसपी सोनम देचू भुतिया म्हणाले की, 115 पर्यटक लाचेनमध्ये आणि 1350 पर्यटक लाचेनमध्ये राहत आहेत. भूस्खलनामुळे दोन्ही बाजूंनी रस्ते बंद आहेत.
बीआरओ टीमने भूस्खलनामुळे साचलेला ढिगारा काढून टाकला
अधिकाऱ्यांनी सांगितले की, लाचुंगला जाणारा रस्ता संपर्क पूर्ववत करण्यात आला आहे आणि पर्यटकांचे स्थलांतर आजपासून सुरू होईल. बीआरओ टीमने भूस्खलनामुळे साचलेला ढिगारा काढून टाकला आहे, खराब झालेले भाग पुन्हा बांधले आहेत आणि फिदांगमधील 'सस्पेन्शन ब्रिज'जवळील भेगा भरल्या आहेत जेणेकरून लाचुंग-चुंगथांग-शिपग्यारे-शांकलांग-डिक्चू रस्त्यावर अडकलेल्या पर्यटकांना बाहेर काढण्याचा मार्ग मोकळा होईल. 30 मे रोजी उत्तर सिक्कीममध्ये ढग फुटीसदृश्य पावसाने हाहाकार झाला.
ढगफुटी झाल्याने उत्तर सिक्कीममध्ये बरेच नुकसान
बीआरओने सांगितले की, सततच्या मुसळधार पावसानंतर 30 मे रोजी अचानक ढगफुटी झाल्याने उत्तर सिक्कीममध्ये बरेच नुकसान झाले आहे. या काळात 130 मिमी पेक्षा जास्त पाऊस पडला आणि लाचेन, लाचुंग, गुरुडोंगमार, द व्हॅली ऑफ फ्लॉवर्स आणि झिरो पॉइंट यासारख्या प्रमुख पर्यटन स्थळांकडे जाणाऱ्या रस्त्यांवर बरेच नुकसान झाले. या आपत्तीमुळे अनेक ठिकाणी रस्त्यांना भेगा पडल्या, पुलांचे नुकसान झाले आणि डिकू-सिंकलांग-शिपियार रोड, चुंगथांग-लेशेन-झेमा रोड आणि चुंगथांग-लाचुंग रोड यासारख्या महत्त्वाच्या रस्त्यांवर मोठ्या प्रमाणात भूस्खलन झाले.
इतर महत्वाच्या बातम्या