आज शिवसेनेचे खासदार सदाशिव लोखंडे यांनी धनगर आरक्षणाच्या मुद्द्यावरुन लोकसभेत प्रश्न विचारला होता. या प्रश्नाला उत्तर देताना केंद्र सरकारने आपल्याला याबाबतची शिफारस मिळाली नसल्याचे सांगितले. यावर राज्य सरकारची बाजू मांडताना दुग्धविकास मंत्री महादेव जानकर म्हणाले की, याबाबत आमची अद्याप छाननी सुरु असल्यामुळे आम्ही शिफारस केलेली नाही.
दरम्यान, दोन दिवसांपूर्वी दुग्धविकास मंत्री महादेव जानकर यांनी धनगर नेत्यांसह मुख्यमंत्री देवेंद्र फडणवीस यांची भेट घेतली होती. त्यावेळी मुख्यमंत्री देवेंद्र फडणवीस यांच्या नेतृत्वाखाली शिष्टमंडळ पंतप्रधान मोदींची भेट घेणार असल्याचे त्यांनी सांगितले होते.
