नीट परीक्षा आणि राज्यांच्या प्रवेश परीक्षांचा अभ्यासक्रम वेगवेगळा असल्यामुळे तयारी करणं कठीण जात असल्याचं काही विद्यार्थ्यांनी याचिकेत म्हटलं होतं. मात्र विद्यार्थ्यांची ही याचिकाही कोर्टाने फेटाळली.
नीट परीक्षेबाबत सुप्रीम कोर्टाचा निर्णय अन्यायकारक असल्याची भावना विद्यार्थ्यांनी व्यक्त केली असताना मुख्यमंत्रीही त्यांच्या पाठीशी उभे राहिले आहेत. ‘नीटच्या परीक्षेसंदर्भात सुप्रीम कोर्टाचा निर्णय अन्यायकारक आहे. नीटविरोधातील अनेक राज्य आमच्या भूमिकेशी सहमत आहेत. आम्ही 8 राज्यं मिळून सुप्रीम कोर्टाच्या निर्णयाविरोधात लढणार आहोत. नीटची परीक्षा 2018 पासूनच लागू करा’ अशी मागणी मुख्यमंत्री देवेंद्र फडणवीसांनी केली होती.
याबाबत पुढील सुनावणी उद्या सर्वोच्च न्यायालयात होणार असून राज्य सरकार आपापली भूमिका मांडणार आहे. दरम्यान परीक्षा ठरलेल्या वेळापत्रकाप्रमाणेच होत असून दुसऱ्या टप्प्यातील परीक्षा 24 जुलै रोजी होणार आहे.