Republic Day 2022 LIVE Updates : प्रजासत्ताक दिन चिरायू होवो! आज देशाचा 73वा प्रजासत्ताक दिन, देशभरात विविध कार्यक्रमांचं आयोजन

Republic Day 2022 LIVE Updates : आज देशाचा 73 वा प्रजासत्ताक दिन, राजपथावर घडणार भारतीय संस्कृती आणि संरक्षण सामर्थ्याचं दर्शन... एक हजार ड्रोन्स आणि राफेलसह 75 लढाऊ विमानांच्या कसरती...

पार्श्वभूमी

73rd Republic Day : भारताचा आज 73 वा प्रजासत्ताक दिन आहे. देशभर जल्लोषाचे वातावरण आहे. राजधानी दिल्लीत दरवर्षीप्रमाणे यंदाही राजपथावर देशाची ताकद आणि संस्कृतीची झलक पाहायला मिळणार आहे. यासोबतच भव्य परेडही पाहायसा मिळणार आहे. राष्ट्रपती, पंतप्रधान, संरक्षण मंत्री आणि इतर मान्यवरही यावेळी उपस्थित राहणार आहेत. प्रजासत्ताक दिनानिमित्त सकाळी कोणते कार्यक्रम आयोजित केले जाणार आहे, वाचा सविस्तर...सर्वप्रथम, सकाळी 10.05 वाजता पंतप्रधान नरेंद्र मोदी राष्ट्रीय युद्ध स्मारकावर पोहोचून देशासाठी सर्वोच्च बलिदान देणाऱ्या जवानांना श्रद्धांजली अर्पण करतील. यावेळी संरक्षण मंत्री राजनाथ सिंह, संरक्षण राज्यमंत्री अजय भट्ट, संरक्षण सचिव अजय कुमार आणि लष्कराच्या तिन्ही शाखांचे प्रमुख म्हणजेच लष्कर, हवाई दल आणि नौदल प्रमुख पंतप्रधान पंतप्रधानांसोबत उपस्थित राहणार आहेत.त्यानंतर 10.15 वाजता पंतप्रधान राजपथवर पोहोचतील. त्यानंतर 10.18 वाजता राष्ट्रपती राजपथवर पोहोचतील. देशाच्या पहिली महिला म्हणजेच राष्ट्रपतीच्या पत्नी 10.21 मिनिटांनी राजपथवर पोहोचतील. ठीक 10.23 वाजता, राष्ट्रपती राम नाथ कोविंद त्यांच्या ताफ्यासह आणि राष्ट्रपतींच्या घोडेस्वार अंगरक्षकांसह राजपथवर पोहोचतील.10.26 वाजता ध्वजारोहण आणि राष्ट्रगीत होईल. यावेळी 21 तोफांची सलामी दिली जाईल. 10.28 मिनिटांनी, अभिवादन मंचावर राष्ट्रपती जम्मू आणि काश्मीर पोलिसांचे ASI बाबू राम यांना मरणोत्तर अशोक चक्र प्रदान करतील. त्यांची पत्नी रीता राणी यांना शांतता काळातील सर्वात मोठे शौर्य पदक मिळणार आहे. 10.30 वाजता हवाई दलाचे चार M17V5 हेलिकॉप्टर राजपथवरील आकाशात झेपावतील. यापैकी एका हेलिकॉप्टरवर तिरंगा असेल आणि इतर तीनवर लष्कराच्या तीन शाखांचे (सेना, हवाई दल आणि नौदल) झेंडे असतील. हे सर्व हेलिकॉप्टर प्रेक्षकांवर आकाशातून फुलांचा वर्षावही करतील. यासह 26 जानेवारीची परेड सुरू होईल. हेलिकॉप्टरने पुष्पवृष्टी केल्यानंतर परेड कमांडर लेफ्टनंट जनरल विजय कुमार मिश्रा राजपथवर पोहोचतील.परेडचे सेकंड इन कमांड मेजर जनरल आलोक कक्कर यांच्या आगमनानंतर परेडची विधिवत सुरुवात होईल. या वर्षीपासून परेड सकाळी 10.30 वाजता सुरू होणार आहे. दरवर्षी 10 वाजता सुरू व्हायची. मात्र, हवामानामुळे परेड अर्धा तास उशिराने सुरू होणार आहे. सर्वप्रथम, देशातील परमवीर चक्र विजेते आणि अशोक चक्र विजेते खुल्या जिप्सीमध्ये राजपथवर पोहोचतील आणि राष्ट्रपतींना अभिवादन करतील. यानंतर लष्कराचे 61 घोडदळाचे तुकडी दाखल होईल.

26/01/2022 14:49:37

Republic Day : MIG 17V5 ने घेतलं उडान, भारतीय वायू सेनेची दमदार सलामी

26/01/2022 14:47:02

प्रजासत्ताक दिनाचं सर्वात मोठं आकर्षण

आजच्या प्रजासत्ताक दिनाचं सर्वात मोठं आकर्षण राहिलं ते समारोपाला पार पडलेला फ्लायपास्ट. भारतीय वायूदलाच्या 75 लढाऊ विमानांनी नेत्रदीपक कसरती करत उपस्थितांना श्वास रोखून धरायला भाग पाडलं. या फ्लायपास्टची सुरुवात हेलिकॉप्टर्सच्या कसरतींनी झाली. सुरुवातीला सारंग हेलिकॉप्टर्सनी शिस्तबद्ध हवाई संचलन करत आकाशात तिरंगा ध्वज तयार केला. त्यानंतर एएलएच, अपाचे , चिनूक, एमआय-17 आणि एमआय 35 या हेलिकॉप्टर्सनी चित्तथरारक कसरती केल्या. त्यानंतर 1971च्या युद्धाच्या आठवणी जागवण्यासाठी भरारी घेतली ती डकोटा विमानांनी. या व्हिटेज विमानांचं 1971 च्या युद्धात मोठं योगदान राहिलेलं आहे. त्यानंतर तीन हरक्यूलिस विमानांनी उपस्थितांना श्वास रोखायला लावला. त्यानंतर सूपरसॉनिक वेगात आलेल्या सुखोई, मिग, राफेल, जग्वॉर या विमानांनी वेगवेगळे फॉर्मेशन्स करत उपस्थितांना श्वास रोखून धरायला भाग पाडलं. या फ्लाय पास्टची सांगता जॉग्वॉर विमानांच्या कसरतींनी पार पडली. बालाकोट उध्वस्त करणाऱ्या जॅग्वॉर विमानांनी स्वातंत्र्याच्या अमृत महोत्सवानिमित्तानं आकाशात 75 चा आकडा तयार करून अनोखी सलामी दिली.

26/01/2022 12:17:09

Republic Day 2022 : राजपथावर महाराष्ट्राचा चित्ररथ, महाराष्ट्राच्या जैवविविधतेचं दर्शन

26/01/2022 12:16:45

Republic Day 2022 : मराठा लाइट इन्फेंट्री रेजिमेंट ते आसाम रेजिमेंट, जवानांची भारत मातेला सलामी

26/01/2022 12:16:14

Republic Day 2022 :प्रजासत्ताक दिनीनिमित्त राजपथावर संचालनासाठी NCC आणि NSS Cadets कसे निवडले जातात?

26/01/2022 12:15:57

Republic Day 2022 : दिल्ली पोलिसांचं राजपथावर संचलन, 2021 साली मिळाला होता Best Marching Contingent

26/01/2022 11:21:35

आरोग्यमंत्री राजेश टोपे यांच्या हस्ते ध्वजारोहण

जालना येथे प्रजासत्ताक दिनानिमित्त राज्याचे आरोग्य मंत्री राजेश टोपे यांच्या हस्ते ध्वजारोहण करण्यात आलं. पोलीस कवायत ग्राउंडवर हा ध्वजारोहण कार्यक्रम पार पडला. यावेळी जिल्हाधिकारी, तसेच जिल्हा परिषदेचे मुख्य कार्यकारी अधिकारी यांची उपस्थित होते. यावेळी आरोग्य मंत्री यांच्या हस्ते जिल्ह्यातील पोलीस दलात अतुलनीय कार्य करणाऱ्या पोलिसांचा सत्कार करण्यात आला. 

26/01/2022 11:20:21

नांदेड येथे पालक मंत्री अशोक चव्हाण यांच्या हस्ते मुख्य शासकीय ध्वजारोहण संपन्न

आज 26 जानेवारी 73 व्या प्रजासत्ताक दिनानिमित्त नांदेड शहरातील छत्रपती शिवाजी महाराज पोलीस कवायत मैदानावर सकाळी 9:15 वाजता राज्याचे बांधकाम मंत्री आणि जिल्ह्याचे पालकमंत्री अशोक चव्हाण यांच्या हस्ते मुख्य शासकीय ध्वजारोहण करण्यात आले. यावेळी जिल्ह्यातील स्वातंत्र्य सैनिक, आमदार, प्रतिष्ठित नागरिक, शालेय विद्यार्थी यांची मोठ्या प्रमाणात उपस्थिती होती. तर पालकमंत्री अशोक चव्हाण याच्या हस्ते ऑनलाइन रोजगार मेळाव्याचे उदघाटन करण्यात आले.तर जिल्हाभरात पालकमंत्री या नात्याने कोविड काळात विविध आरोग्य सुविधा, अँबुलेन्स, ऑक्सिजन सुविधा उपलब्ध करण्यात आल्या, त्याच प्रमाणे जिल्हाभरातील रस्ते,पाणीपुरवठा, सिंचनाचे छोटे मोठे प्रकल्प उभे करून सिंचनाचे प्रश्न सोडवण्यात आले असल्याचे त्यांनी सांगितले.

 

26/01/2022 10:18:13

पंतप्रधान नरेंद्र मोदी आणि संरक्षणमंत्री राजनाथ सिंह राजपथाकडे रवाना

पंतप्रधान नरेंद्र मोदी आणि संरक्षणमंत्री राजनाथ सिंह राजपथाकडे रवाना झाले आहेत. थोड्याच वेळात होणार संचलनाला सुरुवात

26/01/2022 10:13:55

दिल्ली: पंतप्रधान नरेंद्र मोदी यांनी राष्ट्रीय युद्ध स्मारकावर श्रद्धांजली वाहिली

पंतप्रधान नरेंद्र मोदी यांनी राष्ट्रीय युद्ध स्मारकावर शहीद जवानांना श्रद्धांजली वाहिली. 

26/01/2022 10:10:21

पंतप्रधान नरेंद्र मोदी यांचं राजपथावर आगमन

पंतप्रधान नरेंद्र मोदी यांचं राजपथावर आगमन झालं आहे. पंतप्रधानांनी देशासाठी सर्वोच्च बलिदान देणाऱ्या जवानांना श्रद्धांजली अर्पण केली.

26/01/2022 09:32:28

बुलढाणा : डॉ.राजेंद्र शिंगणे यांच्या हस्ते ध्वजारोहण समारंभ पार पडला

बुलढाणा :  73 व्या प्रजासत्ताक दिनाच्या निमित्ताने ध्वजारोहण समारंभ आज बुलढाणा येथील पोलीस मुख्यालयाच्या प्रांगणात मोजक्याच अधिकाऱ्यांच्या उपस्थितीत पालकमंत्री डॉ.राजेंद्र शिंगणे यांच्या हस्ते पार पडला.

26/01/2022 08:10:21

राष्ट्रीय स्वयंसेवक संघाच्या महाल परिसरातील मुख्यालयात होणार ध्वजारोहण

नागपूर : राष्ट्रीय स्वयंसेवक संघाच्या महाल परिसरातील मुख्यालयात थोड्याच वेळात होणार ध्वजारोहण. संघाचे महानगर संघचालक राजेश लोया करणार ध्वजारोहण

26/01/2022 08:09:27

प्रजासत्ताक दिनानिमित्त पुण्यातील अलंकापुरीमध्ये उत्साहाचे वातावरण

प्रजासत्ताक दिनानिमित्त पुण्यातील अलंकापुरीमध्ये उत्साहाचे वातावरण पहायला मिळतंय. संत ज्ञानेश्वर महाराजांचे मंदिर तर अक्षरशः उजळून निघाले आहे. मंदिर परिसर आणि मुख्य गाभारा तिरंगी फुलांनी नटविण्यात आलाय. ही सजावट भाविकांना आकर्षित करत आहे.

26/01/2022 07:52:55

राष्ट्रीय राजधानीत कडेकोट बंदोबस्त

26/01/2022 07:50:33

मुख्यमंत्री उद्धव ठाकरे आज प्रजासत्ताक दिन कार्यक्रमात प्रत्यक्ष सहभागी होणार

मुख्यमंत्री उद्धव ठाकरे आज प्रजासत्ताक दिन कार्यक्रमात प्रत्यक्ष सहभागी होणार आहेत. मुंबईत शिवाजी पार्कवर प्रजासत्ताक दिनाच्या सोहळ्यात मुख्यमंत्री उपस्थित राहणार आहेत. शस्त्रक्रियेनंतर मुख्यमंत्री उद्धव ठाकरे यांनी ऑनलाईन बैठका घेतल्या होत्या. पण आज ते प्रथमच जाहीर कार्यक्रमात प्रत्यक्ष उपस्थित राहणार आहेत. 

26/01/2022 07:49:28

प्रजासत्ताक दिन सोहळ्यासाठी आज दिल्लीत कडेकोट सुरक्षा व्यवस्था

प्रजासत्ताक दिन सोहळ्यासाठी आज दिल्लीत कडेकोट सुरक्षा व्यवस्था आहे. दिल्लीत तब्बल 27 हजार जवान सुरक्षेसाठी तैनात करण्यात आले आहेत. तब्बल 71 डिसीपी, 213 एसीपी आणि 753 पोलीस निरीक्षक सुरक्षेसाठी तैनात करण्यात आलेत.

26/01/2022 07:48:58

राजपथावरील पथसंचलनात महाराष्ट्राचा चित्ररथ

राजपथावरील पथसंचलनात महाराष्ट्राचा चित्ररथही दिसणार आहे. महाराष्ट्राची जैवविविधता या चित्ररथातून देशासमोर येणार आहे. त्यातून राज्याच्या पर्यटनाची झलकही दिसणार आहे. त्यासाठी महाराष्ट्राचा चित्ररथ सज्ज झाला आहे. 

26/01/2022 07:48:22

प्रजासत्ताक दिनी विठुरायाच्या राऊळीला तिरंगी साज

प्रजासत्ताक दिनाच्या निमित्तानं पंढरपुरातील विठ्ठल मंदिरालाही आकर्षक तिरंगी फुलांची सजावट करण्यात आली आहे. या सजावटीसाठी झेंडू, शेवंती आणि कामिनी या फुलांचा वापर करण्यात आलाय... यासोबत देवाच्या आणि रुक्मिणी मातेच्या अंगावरही तिरंगी उपरणं घालण्यात आलं आहे. पुणे येथील भाविक सचिन चव्हाण आणि संदीप पोकळे यांनी ही फुल सजावटीची सेवा विठोबाच्या चरणी अर्पण केली आहे. 

26/01/2022 07:46:57

प्रजासत्ताक दिनी कडेकोट सुरक्षा व्यवस्था; दिल्लीत 27 हजार जवान तैनात

सकाळी साडे दहा वाजता राजपथावर संचलन सुरु होणार आहे. या निमित्तानं भारताची संस्कृती आणि सामर्थ्याचं दर्शन घडणार आहे. आजच्या राजपथ संचलन सोहळ्यात 1000 ड्रोन्स, 75 लढाऊ विमानं आणि 12 राज्यांच्या चित्ररथांचाही समावेश आहे. तर 12 राज्यांचे चित्ररथ सहभागी होणार आहेत.

26/01/2022 07:45:54

भारताचा 73 वा प्रजासत्ताक दिन, देशभरात विविध कार्यक्रमांचं आयोजन

भारताचा 73 वा प्रजासत्ताक दिन आज देशभरात साजरा होत आहे. सकाळी सव्वा दहा वाजता राजपथावर प्रजासत्ताक दिन सोहळा सुरु होणार आहे. पंतप्रधान नरेंद्र मोदी सकाळी 10 वाजून 5 मिनिटांनी राष्ट्रीय युद्ध स्मारकात जाऊन हुतात्म्यांना आदरांजली वाहणार आहेत. सकाळी सव्वा दहा वाजता पंतप्रधान मोदी यांचं राजपथावर आगमन होईल. तर 10 वाजून 23 मिनिटांनी राष्ट्रपती राजपथावर पोहोचतील. सकाळी 10 वाजून 26 मिनिटांनी राष्ट्रपतींच्या हस्ते ध्वजारोहण होणार आहे. त्यानंतर सकाळी साडे दहा वाजल्यापासून राजपथावर संचलन सुरू होणार आहे.