Advance Uber, Ola, Rapido Tipping Feature: रस्ते वाहतूक आणि महामार्ग मंत्रालयाने (MoRTH) मोटर वाहन ॲग्रीगेटर्स मार्गदर्शक तत्त्वे, 2025 मध्ये सुधारणा केली आहे. या सुधारणामुळे Uber, Ola आणि Rapido सारख्या ॲग्रीगेटर प्लॅटफॉर्मला प्रवासाला सुरुवात होण्यापूर्वी प्रवाशांकडून टिप मागण्यास (soliciting tips) बंदी घालण्यात आली आहे. कलम 14.15 नुसार कोणतीही ऐच्छिक टिप देण्याची सुविधा प्रवासाच्या पूर्ततेनंतरच (completion of the journey) प्रवाशांना दिसली पाहिजे आणि ती बुकिंगच्या वेळी उपलब्ध नसावी.राज्य सरकारांना आणि केंद्रशासित प्रदेशांना या सुधारणांची त्वरित अंमलबजावणी करण्याचे निर्देश देण्यात आले आहेत.
ग्राहकांच्या तक्रारीनंतर निर्णय
केंद्रीय ग्राहक संरक्षण प्राधिकरणाने (CCPA) मे 2025 मध्ये 'ॲडव्हान्स टिप' या फिचरला "अन्यायकारक व्यापार पद्धत" (unfair trade practice) म्हणून घोषित केले होते. या फिचरमुळे राईड बुकिंग एका लिलावासारखे झाले होते, जिथे केवळ जास्त पैसे (premium) देण्यास इच्छुक असलेले लोकच कॅब सुरक्षित करू शकत होते, अशी तक्रार ग्राहकांनी केली होती. ॲग्रीगेटरने कोणतीही कपात न करता, टिपची संपूर्ण रक्कम चालकाला जमा करणे बंधनकारक आहे.
महिला प्रवाशांसाठी 'महिला चालक' पर्याय (Female Driver Option for Women Passengers)
प्रवाशांच्या सुरक्षेला, विशेषत: महिला प्रवाशांच्या सुरक्षेला प्राधान्य देत, मंत्रालयाने मार्गदर्शक तत्त्वांमध्ये कलम 15.6 जोडले आहे. या कलमानुसार, ॲप्सनी महिला प्रवाशांना महिला चालकांना निवडण्याचा पर्याय देणे अनिवार्य आहे, अर्थात हा पर्याय उपलब्धतेनुसार असेल. उद्योग तज्ज्ञांचे म्हणणे आहे की या निर्णयामुळे ॲग्रीगेटर्सना महिला चालकांना मोठ्या प्रमाणावर कामावर घेण्याची गरज भासेल, कारण सध्या गिग वर्कफोर्समध्ये महिला चालकांचे प्रमाण 1 टक्क्यांपेक्षा कमी आहे.
इतर महत्वाच्या बातम्या