मुंबई पोलिसांनी झाकीर नाईकच्या आयआरएफ संस्थेसंदर्भातील प्राथमिक माहिती मुख्यमंत्र्यांना दिली होती. त्यानंतर मुख्यमंत्र्यांनी चौकशीचे आदेश दिले होते. सरकार या अहवालाच्या आधारावर झाकीर नाईकविरुद्ध पाऊल उचलणार आहे. त्यामुळे मुख्यमंत्री काय निर्णय घेतात, याकडे सर्वांचं लक्ष लागलं आहे.
मुंबई पोलिसांनी दिलेल्या अहवालात झाकीर नाईकच्या संस्थेवर गंभीर आरोप लावण्यात आले आहेत. झाकीर नाईककडून धार्मिक तेढ वाढवण्याचा प्रयत्न केला गेला. तसंच झाकीर नाईकचे अर्शी कुरेशी आणि आयसिस कनेक्शन असल्याचंही अहवालात पोलिसांनी नमूद केलं आहे. दरम्यान या अहवालानंतर मुख्यमंत्री या अहवालानंतर काय निर्णय घेतात, ते पाहणं महत्वाचं ठरणार आहे.