Mahua Moitra on Amit Shah: केंद्रीय गृहमंत्री अमित शाह यांच्यावर वादग्रस्त टिप्पणी केल्याबद्दल तृणमूल काँग्रेसच्या खासदार महुआ मोइत्रा यांच्याविरुद्ध कृष्णनगर कोतवाली पोलिस ठाण्यात तक्रार दाखल करण्यात आली. मंगळवारी (26 ऑगस्ट) महुआ मोइत्रा यांनी पश्चिम बंगालमधील बेकायदेशीर घुसखोरीबाबत केलेल्या वक्तव्यानंतर वादात सापडल्या आहेत. भाजप नेते संदीप मजुमदार यांनी नादिया जिल्ह्यातील तृणमूल काँग्रेसच्या नेत्या महुआ मोइत्रा यांच्याविरुद्ध तक्रार दाखल केली आहे.
'भारतीय सीमांचे रक्षण करणारे कोणीही नाही'
तृणमूल काँग्रेसच्या खासदार महुआ मोइत्रा म्हणाल्या, ते (अमित शहा) फक्त घुसखोरांबद्दल बोलत आहेत. भारतीय सीमेची सुरक्षा ही गृह मंत्रालयाची जबाबदारी आहे.पंतप्रधानांनी 15 ऑगस्ट रोजी लाल किल्ल्यावरून सांगितले होते की घुसखोरी होत आहे ज्यामुळे लोकसंख्याशास्त्र बदलत आहे. यावेळी गृहमंत्री पुढच्या रांगेत बसून टाळ्या वाजवत आणि हसत होते. भारतीय सीमांचे रक्षण करणारे कोणीच नाही.
'डोके कापून टेबलावर ठेवले पाहिजेत'
तृणमूल खासदार म्हणाल्या, जर इतर देशातील लोक दररोज लाखोंच्या संख्येने घुसखोरी करत असतील आणि आमच्या माता-भगिनींवर नजर ठेवून आमच्या जमिनी हिसकावून घेत असतील, तर तुम्ही प्रथम अमित शहा यांचे डोके कापून टेबलावर ठेवले पाहिजे. जर पंतप्रधान मोदी स्वतः म्हणत असतील की बाहेरून लोक आमच्या माता-भगिनींवर नजर ठेवून आमच्या जमिनी हिसकावून घेत आहेत, तर हा कोणाचा दोष आहे? ही आमची की तुमची चूक? येथे बीएसएफ आहे. आम्हालाही त्यांची भीती वाटते." गेल्या काही दिवसांपासून भारत आणि बांगलादेशमधील संबंधांमध्ये कटुता वाढली आहे. याबद्दल महुआ मोइत्रा म्हणाल्या, "बांगलादेश एकेकाळी आमचा मित्र देश होता, पण तुमच्यामुळे गेल्या काही वर्षांत ही परिस्थिती बदलली आहे."
इतर महत्वाच्या बातम्या