Maharashtra Corona Vaccine Dry Run LIVE Updates : महाराष्ट्रात आज कोरोना लसीकरणाचं ड्राय रन
Maharashtra Dry Run of COVID-19 Vaccine in India : कोरोना व्हायरसवरील लसींच्या ड्राय रनचा दुसरा टप्पा आज (शुक्रवारी) देशात पार पडत आहे. उत्तर प्रदेश आणि हरियाणा वगळता देशातील सर्व राज्य आणि केंद्रशासित प्रदेशातील सर्व जिल्ह्यांमध्ये कोरोना लसीचं ड्राय रन पार पडणार आहे. केंद्र सरकारच्या मार्गदर्शक सूचनांनुसार आज म्हणजेच 8 जानेवारी रोजी महाराष्ट्राच्या 30 जिल्हे आणि 25 महापालिका क्षेत्रांमध्ये आज कोरोना लसीकरणाचं ड्राय रन केलं जाणार आहे.
एबीपी माझा वेब टीम
Last Updated:
08 Jan 2021 11:34 AM
सोलापूर जिल्ह्यात देखील आज चार ठिकाणी कोरोना लसीकरणासाठी ड्राय रन घेण्यात येत आहे. जिल्ह्यातील अकलूज, बार्शी, होटगी या ग्रामीण भागातील रुग्णालयात तर महानगरपालिका क्षेत्रातील दाराशा हॉस्पिटल इथे हे ड्राय रन घेण्यात आलं. दाराशा रुग्णालयात महापालिकेचे उपायुक्त धनराज पांडे यांनी ड्राय रनचे उद्घाटन केलं. प्रत्येक ठिकाणी 25 लोकांवर ही चाचणी करण्यात येत आहे. आरोग्य कर्मचाऱ्यांमध्ये आत्मविश्वास वाढावा यासाठी राज्यभरात ठिकठिकाणी ड्राय रन घेण्यात येत आहेत.
बीड जिल्ह्यामध्ये आज एकूण तीन ठिकाणी कोरोना लसीकरणाचं ड्रायरन पार पडले. त्यात बीड शहरातील सिव्हिल हॉस्पिटलमध्ये, वडवणी आणि परळी शहरांमध्ये सुद्धा कोरोना लसीकरणाचा ड्राय रन घेण्यात आला. प्रत्येक ठिकाणी 25 जणांना लस देण्याचे प्रात्यक्षिक यावेळी पूर्ण झाले.
कल्याण डोंबिवलीतील दोन ठिकाणी कोरोना लसीकरणाचं ड्राय रन
कोविड लसीकरणासाठी देशपातळीवर यंत्रणा सज्ज झाली असून आज महाराष्ट्रात 25 महापालिका क्षेत्रामध्ये या लसीकरणाचं ड्रायरन घेण्यात आली. त्याचाच एक भाग म्हणून कल्याण आणि डोंबिवलीमध्येही कल्याण पूर्वेतील कोलशेवाडी नागरी आरोग्य केंद्रात आणि डोंबिवलीतील पाटकर आरोग्य केंद्रामध्ये 2 ठिकाणी याची रंगीत तालीम आज पार पडली. याठिकाणी 25 जणांना प्रातिनिधिक स्वरुपात हा प्रयोग करण्यात आला. ऐनवेळी शासकीय कर्मचारी गोंधळून जाऊ नये, लसीकरणादरम्यान येणाऱ्या त्रुटी आधीच लक्षात याव्यात या उद्देशाने हा ड्रायरन घेण्यात आला. या लसीकरणाबाबत जनजागृतीही केली जाणार असून दिवसाला 100 लोकांना लस देण्याचा प्रयत्न असेल अशी माहिती केडीएमसी अतिरिक्त आयुक्त सुनील पवार यांनी दिली.
पालघरमध्ये कोविड लसीकरणाची रंगीत तालीम
कोरोना प्रतिबंधात्मक लसीकरणासाठीची रंगीत तालीम आज पालघर जिल्ह्यात पार पडली. पालघर शहरातील माता बाल संगोपन केंद्र, मासवण येथील आश्रमशाळा, तसंच वसई-विरार महापालिका क्षेत्रातील एक अशा तीन ठिकाणी ही रंगीत तालीम घेण्यात आली. प्राथमिक आरोग्य केंद्रातील आणि इतर अशा पंचवीस कर्मचाऱ्यांची निवड यासाठी करण्यात आली होती. कोरोनाच्या प्रतिबंधात्मक लसीकरणासाठी पालघर जिल्ह्यातील पहिल्या टप्प्यात सोळा हजार कर्मचाऱ्यांना ही लस दिली जाणार आहे. आरोग्य अधिकारी आणि कर्मचारी यांच्यामध्ये जनजागृती आणि सविस्तर माहिती मिळावी यासाठी ही रंगीत तालीम घेण्यात आली. यावेळी पालघरचे जिल्हाधिकारी डॉ.माणिक गुरसळ, जिल्हा परिषद मुख्य कार्यकारी अधिकारी सिद्धाराम सालीमठ, पालघर जिल्हा परिषदेचे उपाध्यक्ष निलेश सांबरे यांची यावेळी प्रमुख उपस्थित होती.
अकलूजमधील उपजिल्हा रुग्णालयात कोरोना लसीकरणाचं ड्राय रन, 25 जणांवर चाचणी
कोविड लसीकरणासाठी आज देशभर होत असलेल्या ड्राय रनसाठी अकलूज येथील उपजिल्हा रुग्णालयात 25 आरोग्य कर्मचाऱ्यांवर चाचणी घेण्यात आली. आज सकाळी प्रांताधिकारी शमा पवार यांच्या हस्ते या ड्राय रनचा शुभारंभ झाला . उपजिल्हा रुग्णालयाच्या अधीक्षक डॉ सुप्रिया खडतरे यांनी या चाचण्यांचे संपूर्ण व्यवस्थापन केले होते. ड्राय रनसाठी निवडलेल्या 25 आरोग्य कर्मचाऱ्यांची पहिल्यांदा ओळख तपासणी करण्यात आली. यानंतर त्यांची आरोग्य तपासणी करुन नोंदणी करीत त्यांना लस देण्याचा ड्राय रन घेण्यात आला. यानंतर त्यांना लस दिल्याचे वेळीचे टोकन देत पुढच्या लसीकरणाची तारीख देण्यात आली. लस दिल्यानंतर त्यांना अर्धा तास निरीक्षणाखाली ठेवण्यात आले. ही मोहीम राबवताना संपूर्ण सोशल डिस्टन्स, मास्क आणि सॅनिटायझरचा वापर सातत्याने केला जात होता.
अकलूजमधील उपजिल्हा रुग्णालयात कोरोना लसीकरणाचं ड्राय रन, 25 जणांवर चाचणी
कोविड लसीकरणासाठी आज देशभर होत असलेल्या ड्राय रनसाठी अकलूज येथील उपजिल्हा रुग्णालयात 25 आरोग्य कर्मचाऱ्यांवर चाचणी घेण्यात आली. आज सकाळी प्रांताधिकारी शमा पवार यांच्या हस्ते या ड्राय रनचा शुभारंभ झाला . उपजिल्हा रुग्णालयाच्या अधीक्षक डॉ सुप्रिया खडतरे यांनी या चाचण्यांचे संपूर्ण व्यवस्थापन केले होते. ड्राय रनसाठी निवडलेल्या 25 आरोग्य कर्मचाऱ्यांची पहिल्यांदा ओळख तपासणी करण्यात आली. यानंतर त्यांची आरोग्य तपासणी करुन नोंदणी करीत त्यांना लस देण्याचा ड्राय रन घेण्यात आला. यानंतर त्यांना लस दिल्याचे वेळीचे टोकन देत पुढच्या लसीकरणाची तारीख देण्यात आली. लस दिल्यानंतर त्यांना अर्धा तास निरीक्षणाखाली ठेवण्यात आले. ही मोहीम राबवताना संपूर्ण सोशल डिस्टन्स, मास्क आणि सॅनिटायझरचा वापर सातत्याने केला जात होता.
नवी मुंबई Corona Vaccine Dry Run update
नवी मुंबई : आज कोरोना लसीची ड्राय रन करण्यात आली. नेरूळ येथील मनपा रूग्णालयात करण्यात आलेल्या ड्राय रनमध्ये सर्वसामान्य नागरिकांना कोरोना लसीबाबत माहिती देण्यात आली. लस घेण्याआधीची खबरदारी, लस दिल्यानंतर घेण्यात येणारी काळजी, याची माहिती आज मनपा डाॅक्टरांकडून देण्यात येत होती. नवी मुंबई शहरातील नागरिकांना त्वरीत लस देण्यासाठी शहरात 50 च्यावर कोरोना लस सेंटर उभ्या करण्यात येणार असल्याचं आयुक्त अभिजीत बांगर यांची स्पष्ट केलं आहे. दिवसाला 5 हजार शहरवासीयांना लय देण्याचं नियोजन मनपा प्रशासनानं केलं आहे.
नांदेड Corona Vaccine Dry Run update
नांदेड : शहरातील जंगमवाडी रुग्णालय, जिल्हा रुग्णालय, शंकरराव चव्हाण सामान्य रुग्णालय, मिडखेड तालुक्यातील मुगट प्राथमिक आरोग्य केंद्र अशा पाच ठिकाणी आज कोविडच्या लसीकरण्याची प्रात्यक्षिक पार पडणार आहेत. यासाठी जिल्ह्यातील 75 लाभार्थींची निवड करण्यात आलेली आहे. सदर कोविड लसीकरण प्रात्यक्षिक अथवा ड्रायरन टेस्ट सकाळी साडेदहा वाजता सुरुवात केली जाणार आहे.
औरंगाबाद Corona Vaccine Dry Run update
औरंगाबाद : औरंगाबादमध्ये लसीकरणाच्या ड्राय रनला सुरुवात झाली आहे. सुरुवातीला व्हेरीफिकेशन केलं जाईल. त्यानंतर तुम्ही जाऊन पोहोचाल प्रतिक्षा कक्षात पोचलं. ज्यावेळी आपला नंबर येईल त्यावेळी प्रत्यक्ष लसीकरण कक्षात प्रवेश मिळेल. तिथे लस दिल्यानंतर अर्धातास आपल्याला निरीक्षण कक्षात ठेवण्यात येणार आहे. आपल्याला लसीकरणाचा कुठलाही त्रास होतो का याचं निरीक्षण तिथे केलं जाईल. आज राज्यभरात ड्राय रन करण्यात येणार आहे.
केंद्रीय आरोग्य मंत्रालय आणि राज्यशासनाच्या निर्देशानुसार कोरोना लसीकरणाची पूर्वतयारी म्हणून विदर्भातील बुलढाणा जिल्ह्यात आज ड्राय रन घेण्यात येत आहे. बुलढाणा जिल्ह्यात चार ठिकाणी लसीकरणाच ड्राय रन अर्थात रंगीत तालीम घेण्यात येत आहे. यात प्रत्येक लसीकरण केंद्रावर 25 लाभार्थी निवडण्यात आले होते. लवकरच प्रत्यक्ष लसीकरणाला सुरुवात होणार असल्याने आता प्रत्येक जिल्ह्यात तयारीला वेग आला आहे.
ड्राय रननंतर देशात लसीकरणाचा प्रत्यक्ष कार्यक्रम पुढील आठवड्यापासून सुरु होण्याची शक्यता आहे. आरोग्य मंत्रालयाने 5 जानेवारीला सांगितलं होतं की, कोरोना लसीला मंजुरी मिळाल्यानंतर लसीकरणाचा कार्यक्रम 10 दिवसांनी सुरु होऊ शकतो. कोरोना लसीच्या आपत्कालीन वापरासाठी DCGI ने 3 जानेवारीला भारत बायोटेकच्या कोवॅक्सिन आणि सीरम इन्स्टिट्यूटच्या कोविशील्ड लसीला परवानगी दिली होती. त्यामुळे 13 किंवा 14 जानेवारीपासून देशात कोरोना लसीकरणाचा कार्यक्रम सुरु होऊ शकतो.
कोरोनाच्या दोन लसींना देशात मान्यता मिळाली आहे. काही दिवसाता लसीकरण मोहीम देखील सुरु होईल. मात्र कोरोनाची लस मोफत मिळणार की पैसे लागणार हा प्रश्न अनुत्तरित आहे. कोरोना लसीकरणासाठी लागणार खर्च हा केंद्र सरकारने करायला हवा अशी मागणी राज्याचे आरोग्यमंत्री राजेश टोपे यांनी केली आहे. शिवाय एका राज्यात एकाच कंपनीच्या लसीकरणाला मान्यता द्यावी अशी मागणीही त्यांनी केली आहे.
लसीकरणासाठीच्या कोल्ड चैन आणि लागणाऱ्या मनुष्यबळाचा खर्च केंद्र सरकारने द्यावा अशी अपेक्षा राजेश टोपे यांनी व्यक्त केली. दरम्यान पहिल्या टप्प्यातील लसीकरणाचा पहिला डोस अंदाजे अडीच महिन्यात पूर्ण होऊ शकेल असा अंदाज त्यांनी व्यक्त केला आहे.
लसीकरणासाठीच्या कोल्ड चैन आणि लागणाऱ्या मनुष्यबळाचा खर्च केंद्र सरकारने द्यावा अशी अपेक्षा राजेश टोपे यांनी व्यक्त केली. दरम्यान पहिल्या टप्प्यातील लसीकरणाचा पहिला डोस अंदाजे अडीच महिन्यात पूर्ण होऊ शकेल असा अंदाज त्यांनी व्यक्त केला आहे.
ड्राय रनचा उद्देश : क्षेत्रीय स्तरावर कोवीन अॅप किती सोईस्कर आणि उपयोगी आहे हे तपासणे. कोरोना लसीकरणाबतचे नियोजन, अंमलबजावणी तसेच अहवाल तयार करणे. या सर्व बाबींची पडताळणी/तपासणी, प्रत्यक्ष लसीकरण सुरु करण्यापूर्वी, लसीकरणाबाबतची आव्हाने व त्यानुसार मार्गदर्शक सूचना तयार करणे. लसीकरण मोहिमेतील सर्व स्तरावरील अधिकारी तसेच कर्मचारी यांचा आत्मविश्वास वाढवणे यासाठी ड्राय रन घेतला जातो.
कोरोना लसीकरणाची पूर्वतयारी आज केली जाणार असून राज्यस्तरावरुन जिल्ह्यांचे यूजर आयडी तयार करणे, जिल्हा स्तरावरुन आरोग्य संस्थेचे आणि लसीकरण पथकाचे यूजर आयडी तयार करण्याचे काम पूर्ण झाले आहे. जिल्ह्यांनी चाचणी लाभार्थ्यांची निवड करुन कोवीन अॅपमध्ये लसीकरण सत्र तयार करणे आणि त्याचे मॅपिंग करणे, चाचणी लाभार्थ्यांची माहिती कोवीन पोर्टलवर अपलोड करणे, लाभार्थी आणि आरोग्य सेविकेचे सत्र स्थळ निश्चित करणे, लस वाटप करणे आणि शितसाखळी केंद्राला कळवणे, आरोग्य सेविकेला सत्राचा दिवस आणि वेळ कळविणे, लसीकरण अधिकारी 1 ते 4 आणि पर्यवेक्षक यांच्या जबाबदाऱ्या निश्चित करुन त्यांना त्याची माहिती देणे आदी पूर्वतयारी करण्यात आली आहे. यासंदर्भात व्हिडिओ कॉन्फरन्सिंगच्या माध्यमातून प्रशिक्षणही देण्यात आले आहे, असे टोपे यांनी स्पष्ट केले.
केंद्र सरकारच्या मार्गदर्शक सूचनांनुसार आज म्हणजेच 8 जानेवारी रोजी महाराष्ट्राच्या 30 जिल्हे आणि 25 महापालिका क्षेत्रांमध्ये आज कोरोना लसीकरणाचं ड्राय रन केलं जाणार आहे. आरोग्यमंत्री राजेश टोपे म्हणाले की, प्रत्येक जिल्ह्यातील तीन आरोग्य केंद्र आणि मनपातील एका आरोग्य केंद्रावर ड्राय रन केलं जाईल. याआधी दोन जानेवारी रोजी पुणे, नंदुरबार, जालन आणि नागपूर जिल्ह्यासह नागपूर मनपा आणि पिंपरी चिंचवड महापालिकांमध्ये ड्राय रन करण्यात आलं होतं.
पार्श्वभूमी
Corona Vaccine Dry Run : भारतात केंद्र सरकारकडून कोरोनावरील कोविशिल्ड आणि कोवॅक्सिन या दोन लसींच्या आपातकालीन वापराला परवानगी देण्यात आली आहे. ज्यानंतर आता लवकरच संपूर्ण देशात कोरोना लसीच्या मूळ लसीकरणास सुरुवात होणार आहे. यापूर्वी लसीकरणाची रंगीत तालीम, अर्थात ड्राय रन संपूर्ण देशात पार पडत आहे. (India Corona Vaccine Dry Run) लसीकरणाच्या ड्राय रनचा पहिला टप्पा पार पडल्यानंतर आता देशात दुसऱ्या टप्प्यातील ड्राय रन पार पडणार आहे. उत्तर प्रदेश आणि हरयाणाला वगळता सर्व राज्य आणि केंद्रशासित प्रदेशांमध्ये हे ड्राय रन आयोजित करण्यात आलं आहे. ज्याअंतर्गत देशातील जवळपास 700 जिल्ह्यांमध्ये ही प्रक्रिया पार पडताना दिसणार आहे.
2 जानेवारीला पार पडला होता पहिला टप्पा
यापूर्वी 2 जानेवारी 2021ला कोरोना लसीच्या ड्राय रनचा पहिला टप्पा पार पडला होता. सर्व राज्य आणि केंद्रशासित प्रदेशांमध्ये लसीबाबतची जागरुकता आणि प्रशिक्षण देण्यासाठी, सोबतच अधिकाऱ्यांची कार्यक्षमता आणि तत्परता पडताळण्यासाठी हे ड्राय रन पार पडलं. याअंतर्गत 125 जिल्ह्यांमध्ये 285 ठिकाणांवर ही प्रक्रिया पार पडली.
केंद्रीय आरोग्य मंत्रायलयाच्या माहितीनुसार 2 जानेवारीला प्रत्येक जिल्ह्यामध्ये झालेल्या ड्राय रन प्रमाणंच तीन प्रकारच्या स्थळांची पाहणी करण्यात येईल. ज्यामध्ये सार्वजनिक आरोग्य संस्था (जिल्हा रुग्णालय/ वैद्यकिय महाविद्यालय), खासगी आरोग्य संस्था आणि ग्रामीण अथवा नागरी संस्थांचा समावेश असेल.
कोरोना लसीकरणासाठी लागणारा खर्च केंद्राने करावा, राजेश टोपेंची मागणी
कोरोना लसीसाठी घेण्यात येणाऱ्या या रंगीत तालमीमध्ये कोविड 19 रोलआऊटच्या सर्व पैलू उदाहरणार्थ राज्य, जिल्हा, ब्लॉक आणि रुग्णालय स्तरांवरील अधिकाऱ्यांची ओळख पटवून दिली जाईल. कोविड 19चं लसीकरण सुरु करण्यासाठी वॉक-इन-फ्रीजर, वॉक-इन-कूलर, आइस-लाइंड रेफ्रिजरेटर, डीप फ्रीजरसोबतच सिरिंज आणि इतर संसाधनांच्या पुरेशा साठ्याबाबचीही निश्चिती करण्यात येईल.
- - - - - - - - - Advertisement - - - - - - - - -