MP Election Result 2023 : मध्य प्रदेशच्या गडावर कोणाचा झेंडा फडकणार? भाजप आणि काँग्रेसमध्ये जोरदार रस्सीखेच

Madhya Pradesh Assembly Election Results 2023 : मध्य प्रदेश विधानसभा निवडणुकीत सत्तेचा लंबक कोणाकडे असणार हे आता काही तासात स्पष्ट होणार आहे.

पार्श्वभूमी

MP Election Result 2023 5 State Assembly Election Result : मध्य प्रदेशमध्ये शिवराज चौहान सत्ता कायम राखणार की कमलनाथ धक्का देणार हे काही तासांतच स्पष्ट होणार आहे. मागील विधानसभा निवडणुकीत काँग्रेसने भाजपला धोबीपछाड देत सत्ता खेचून आणली. मात्र, कमलनाथ यांच्या नेतृत्वातील सरकार ऑपरेशन लोट्समध्ये पाडण्यात आले. ज्योतिरादित्य शिंदे यांनी आपल्या आमदारांसह भाजपची वाट धरल्याने कमलनाथ यांचे सरकार आपला कार्यकाळ पूर्ण करू शकले नाही. प्रत्येक निवडणुकीत मुख्यमंत्रीपदाचा चेहरा देणाऱ्या भाजपनं पहिल्यांदाच कोणत्याही नावाची घोषणा नाही. तिकीटाची घोषणा होतानासुद्धा शिवराज सिंह चौहान यांना देव पाण्यात घालून बसावं लागलं होतं. भाजपनं अपेक्षेप्रमाणे आपला प्रचार हिंदू मतांभोवतीच सुरु केला. सरकार आलं तर अयोध्येतील राम मंदिरांचं मोफत दर्शनाची सोय करु अशी घोषणा अमित शाहांनी केली होती. तर, दुसरीकडे काँग्रेसचे माजी मुख्यमंत्री आणि ज्येष्ठ नेते कमलनाथ यांनी सॉफ्ट हिंदुत्ववादी भूमिका घेत, शिवराज यांच्या नीतींचा विरोध केला. त्यातच राहुल गांधी यांनी जातीय जनगणनेचा मुद्दा प्रचारात आणत भाजपसमोर मोठं आव्हान उभं केलं. ऑपरेशन लोटस, आदिवासींचे हक्क आणि शिवराज यांच्या विरोधातील नाराजी याच मुद्द्यांना प्रचारात केंद्रस्थानी आणत काँग्रेसनं सत्तेसाठी मोठी दावेदारी उभी केली.देशाचे लक्ष लागलेल्या मध्य प्रदेशच्या विधानसभेसाठी 17 नोव्हेंबर रोजी मतदान पार पडले. त्यामध्ये 80 टक्के मतदारांनी आपले मतदान केले. त्यामुळे 230 जागा असलेल्या विधानसभेच्या निवडणुकीत मुख्यमंत्री शिवराज सिंह चौहान (Shivraj Singh Chouhan) हे भाजपची सत्ता कायम ठेवतात की काँग्रेसचे कमलनाथ (Kamal Nath) बाजी मारतात हे काही तासात स्पष्ट होणार आहे. त्या आधी एक्झिट पोलची आकडेवारी (Madhya Pradesh Exit Poll) समोर आली आहे. सी व्होटरच्या सर्व्हेमध्ये काँग्रेसला 125 जागा मिळण्याची शक्यता असून भाजपला 100 जागावर समाधान मानावं लागण्याची शक्यता आहे. त्यामुळे काँग्रेसचे कमलनाथ हे मुख्यमंत्रीपदी विराजमान होण्याची शक्यता आहे. मध्य प्रदेशमधील एक्झिट पोलची आकडेवारी काय सांगते? (Madhya Pradesh Election Exit Poll) काँग्रेस - 125 भाजप - 100बसपा - 02 एकूण जागा - 230 मध्य प्रदेश विधानसभेतील सध्याचं पक्षीय बलाबल (Madhya Pradesh Election Result 2018) भाजप - 165 काँग्रेस - 58बहुजन समाज पक्ष - 4इतर - 3 

03/12/2023 11:40:13

MP Election 2023 : मध्य प्रदेशात भाजपला स्पष्ट बहुमत, मुख्यमंत्री शिवराजसिंग चौहान आघाडीवर

MP Election 2023 : मध्य प्रदेशात सुरुवातीच्या कलांमध्ये भाजपला स्पष्ट बहुमत आहे. सध्या मध्यप्रदेशातील प्रमुथ नेत्यांची सध्याची स्थिती पाहता मुख्यमंत्री शिवराजसिंग चौहान आघाडीवर आहेत.

• बुधनी - मुख्यमंत्री शिवराजसिंग चौहान आघाडीवर


• छिंदवाडा - कमलनाथ आघाडीवर

03/12/2023 10:58:01

MP Election 2023 : मध्यप्रदेशचे माजी मुख्यमंत्री कमलनाथ 5 हजार 978 मतांनी आघाडीवर

MP Election 2023 :  छिंदवाडा विधानसभा क्षेत्रातून मध्यप्रदेशचे माजी मुख्यमंत्री  कमलनाथ 5 हजार 978 मतांनी आघाडीवर आहे.  

03/12/2023 09:14:25

MP Election: मध्यप्रदेशात सुरुवातीच्या कलांमध्ये भाजपने मोठी आघाडी, बहुमताचा आकडा पार

MP Election:  मध्यप्रदेशात सुरुवातीच्या कलांमध्ये भाजपने मोठी आघाडी घेतली आहे. कलांनुसार भाजप सत्ता स्थापनेच्या जवळ आहे. भाजपला बहुमत मिळाले हे.  

03/12/2023 09:06:29

MP Election : मध्यप्रदेशात काँग्रेस- भाजपमध्ये अटीतटीची लढत

MP Election :  मध्यप्रदेशात काँग्रेस- भाजपमध्ये अटीतटीची लढत होताना दिसत आहे.  

03/12/2023 08:27:55

MP Election: मध्यप्रदेशात भाजप 50 आणि काँग्रेस 49 जागांवर आघाडीवर

MP Election: मध्यप्रदेशात भाजप 50 आणि काँग्रेस 49 जागांवर आघाडीवर आहे. छिंदवाडामधून कमलनाथ आघाडीवर आहे. 

03/12/2023 08:11:19

MP Election: छिंदवाडा येथे देखील लागले कमलनाथ याच्या अभिनंदनाचे होर्डिंग

MP Election:  भोपाळ पाठोपाठ कमलनाथ यांचे गृहनगर  असलेल्या छिंदवाडा येथे देखील लागले कमलनाथ याच्या अभिनंदनाचे होर्डिंग लागले आहे. नागपूर छिंदवाडा रोडवर हे होर्डिंग लागले आहे याचा आढावा घेतला

03/12/2023 08:01:09

Election Results 2023 Live: पोस्टल मतमोजणीला सुरूवात, पहिला कल येणार काही मिनिटात

Election Results 2023 Live:  लोकसभेच्या रंगीत तालमीचा कारण काही क्षणात राजस्थान, छत्तीसगड, मध्यप्रदेश आणि तेलंगणा या चार राज्यांचा निकालांचा कल आपल्याला समजणार आहे.. या चार राज्यातली तीन राज्य तर महाराष्ट्राची शेजारी राज्य आहेत. त्यामुळे या राज्यातल्या निकांलांचा परिणाम देशपातळीसह महाराष्ट्रातल्या आगामी निवडणूकांवरही होणार का याची उत्सुकता असेल..

03/12/2023 07:55:14

MP Election Result 2023: मध्यप्रदेशात भाजप 125 ते 150 जागा जिंकेल

MP Election Result 2023: मध्यप्रदेशात भाजप 125 ते 150 जागा जिंकेल असा विश्वास मध्य प्रदेशातले मंत्री नरोत्तम मिश्रा यांनी व्यक्त केला आहे.  

 

03/12/2023 07:44:56

MP Election Result : मध्यप्रदेशमध्ये निकालाअधीच काँग्रेस अलर्ट मोडवर, रिसॉर्ट पॉलिटिक्स पुन्हा होण्याची चर्चा

 MP Election Result :  मध्यप्रदेश निकालाआधीच काँग्रेस अलर्ट मोडवर आहे. कमलनाथ यांनी सर्व विजयी होणाऱ्या उमेदवारांना निकालानंतर तातडीने भोपाळला येण्याचे आदेश दिले. विजय यात्रा नंतर काढा. मध्य प्रदेशमध्ये रिसॉर्ट पॉलिटिक्स पुन्हा होण्याची चर्चा सुरू झाली आहे.

03/12/2023 07:28:15

MP Election 2023: मध्य प्रदेशच्या गडावर कोणाचा झेंडा फडकणार?

MP Election 2023: मध्यप्रदेशमधील काँग्रेसचे मुख्यमंत्री पदाचे उमेदवार कमलनाथ यांच्या छिंदवाडा विधानसभा क्षेत्राच्या निकालाकडे सर्वांचं लक्ष आहे. छिंदवाडाच्या पीजी गव्हर्मेंट कॉलेजमध्ये मतमोजणी होणार आहे.  छिंदवाडा जिल्ह्यातील सर्व सात विधासभा  क्षेत्राची मतमोजणी देखील होणार आहे. त्यासाठी मतमोजणी केंद्राबाहेर चोख पोलीस बंदोबस्त ठेवण्यात आला असून बिना प्रवेशिका कोणालाही आतमध्ये सोडले जात नाही आहे