सुरुवातीला पोलिसांनी तीन जैश-ए-मोहम्मदचे अतिरेकी असल्याचं म्हटलं जात होतं. यंदाच्या 24 मे रोजी पुलवामा जिल्ह्यात भारतीय सैन्याच्या संयुक्त कारवाईत जाकिर मूसाला कंठस्नान घालण्यात आलं होतं. यानंतर हामिद ललहारीला नवा प्रमुख बनवण्यात आलं होतं.
काश्मीर खोऱ्यात मूसा दहशतवादी संघटना चालवत होता, त्यावेळी हामिद ललहारी त्याचा सहकारी होता. मूसाच्या खात्म्यानंतर हामिद काश्मीर खोऱ्यात अतिरेकी कारवाया करत होता. स्थानिक तरुणांचा ब्रेनवॉश करुन त्यांच्या हातात बंदूक देण्याचा त्याचा प्रयत्न होता. परंतु त्याला यश मिळालं नाही.
मूसाच्या गँगचा नायनाट
मूसाने सुरु केलेल्या 10 अतिरेक्यांच्या टीममध्ये हामिदचाही समावेश होता. आता या संघटनेतील सगळ्यांचा खात्मा झाल्याचं म्हटलं जात आहे. हामिद ललहारी हा दक्षिण काश्मीरमधील एका गावात राहत होता. 2017 मध्ये एका चकमकीत बुरहान वाणीच्या खात्म्यानंतर हामिद दहशतवादाच्या दुनियेत सामील झाला होता.