मोदी म्हणाले की, "भारताच्या प्रत्येक हालचालीकडे आता संपूर्ण जगाचे लक्ष लागले आहे. या देशात अशी ताकद आहे की, शब्दांचा अर्थ बदलला जातो. पूर्वी अभिनंदन या शब्दाचा इंग्रजी भाषेत 'Congratulation' असा अर्थ होता. परंतु आता या शब्दाचा अर्थ बदलला आहे."
भारतात घुसखोरी केलेल्या पाकिस्तानी जेटला परतवून लावताना भारतीय पायलट अभिनंदन वर्थमनदेखील पाकिस्तानात पोहोचले होते. तिथे त्यांचे जेट क्रॅश झाले. पॅराशुटच्या सहाय्याने अभिनंदन पाकव्याप्त काश्मीरमध्ये उतरले. त्यानंतर पाकिस्तानी सैन्याने त्यांना ताब्यात घेतले. तीन दिवस पाकिस्तानच्या ताब्यात राहिल्यानंतर काल (शुक्रवारी )अभिनंदन यांना मायदेशी धाडण्यात आले.