गुजरातचा रणसंग्राम : पहिल्या टप्प्यातील 19 जिल्ह्यांमध्ये 68 टक्के मतदान
एबीपी माझा वेब टीम | 09 Dec 2017 07:47 AM (IST)
सलग 22 वर्षांपासून सत्तेत असणाऱ्या भाजप आणि पंतप्रधान मोदींसाठी गुजरातची निवडणूक प्रतिष्ठेची आहे. तर लवकरच काँग्रेसच्या अध्यक्षपदाची धुरा सांभाळणाऱ्या राहुल गांधींसाठीही गुजरातची लढाई ही सोपी नाही.
गांधीनगर : गुजरात विधानसभेच्या पहिल्या 89 जागांसाठी आत मतदार पार पडलं. सायंकाळी पाच वाजता मतदानाची वेळ संपली तोपर्यंत 68 टक्के मतदारांनी मतदानाचा हक्क बजावला, अशी माहिती निवडणूक आयोगाने दिली. दुसऱ्या टप्प्यातील निवडणूक 14 डिसेंबर रोजी होणार आहे. याच 19 जिल्ह्यांमध्ये 2012 साली झालेल्या विधानसभा निवडणुकीत 70 टक्के मतदान झालं होतं. पहिल्या टप्प्यातील 19 जिल्ह्यातील 89 जागांसाठी मतदान झालं. 89 जागांसाठी तब्बल 977 उमेदवार रिंगणात आहेत. 2012 साली या 19 जिल्ह्यांमध्ये 70 टक्के मतदान झालं होतं. सर्व पक्षांनी आपापल्या विजयाचा दावा केला आहे. दरम्यान मतदानानंतर भाजपच्या वतीने अर्थमंत्री अरुण जेटली यांनी पत्रकार परिषद घेऊन मतदारांचे आभार मानले. गुजरातमध्ये भाजपचा मोठा विजय होईल, असा दावाही त्यांनी केला. मतदानाची टक्केवारी
कच्छ - 63 टक्के, (2012 साली) 68.25 टक्के
राजकोट - 70 टक्के, (2012 साली) 71.58 टक्के
जामनगर - 65 टक्के (2012 साली) 69 टक्के
LIVE UPDATE :- दुपारी चार वाजेपर्यंत 47 टक्के मतदान- संध्याकाळी पाच वाजेपर्यंत मतदानाची वेळ, त्यावेळी जे मतदार रांगेत असतील, त्या सर्वांना टोकन देण्यात येणार, ज्यांच्याकडे टोकन त्यांनाच मतदान करता येणार- दुपारी दोन वाजेपर्यंत 36 टक्के मतदान- मतदानादरम्यान 100 हून अधिक ईव्हीएम खराब झाल्याची माहिती- दुपारी 12 वाजेपर्यंत 19 जिल्ह्यातील 89 जागांवर 21.09 टक्के मतदानं झालं आहे. सकाळी 11 वाजेपर्यंत 18 टक्के तर 10 वाजेपर्यंत 10 टक्के मतदान झालं होतं. - गुजरातमधील पहिल्या टप्प्यातील निवडणुकीत सकाळी 11 वाजेपर्यंत 18 टक्के मतदान - गुजरातमधील पहिल्या टप्प्यातील निवडणुकीत सकाळी दहा वाजेपर्यंत एकूण 10 टक्के मतदान झालं आहे. - सकाळी दहा वाजेपर्यंत भावनगरमध्ये 11.88, गिर सोमनाथमध्ये 14.3, कच्छमध्ये 5.29, सुरेंद्रनगरमध्ये 11.32, राजकोटमध्ये 12.51, जामनगरमध्ये 7.08, पोरबंदरमध्ये 10.39, जूनागढ़मध्ये 11.24, अमरेलीमध्ये 8.65, नर्मदामध्ये 5.65, भरूचमध्ये 8.21,सूरतमध्ये 8.65, डांगमध्ये 5.66, नवसारीमध्ये 11.94, वलसाढ़मध्ये 11.99, तापीमध्ये 12.53, मोरबीमध्ये 14.2, द्रारकामध्ये 9.07, सोमनाथमध्ये 6.82 और बोटादमध्ये 12.55 टक्के मतदान झालं आहे.- टीम इंडियाचा फलंदाज चेतेश्वर पुजारानं राजकोटमध्ये मतदानाचा हक्क बजावला- गुजरातचे मुख्यमंत्री विजय रुपाणी हे राजकोट पश्चिममधून निवडणूक लढवत आहेत. आज सकाळी नऊच्या दरम्यान त्यांनी आपला मतदानाचा हक्क बजावला.
काँग्रेस उपाध्यक्ष राहुल गांंधींचं गुजरातमधील मतदारांना आवाहन- निवडणूक आयोगानं मतदानासाठी संपूर्ण तयारी केली असून मतदान केंद्रांवर चोख सुरक्षा व्यवस्थाही करण्यात आली आहे.- पंतप्रधान नरेंद्र मोदींनी गुजरातच्या जनतेला मोठ्या प्रमाणात मतदान करण्याचं आवाहन केलं आहे. 'आज गुजरातमधील पहिल्या टप्प्यातील मतदान आहे. मी सर्व मतदारांना लोकशाहीच्या या सणात सहभागी होण्याचं आणि मोठ्या संख्येनं मतदान करण्याचं आवाहन करतो.' असं ट्वीट मोदींनी केलं आहे.- पहिल्या टप्प्यात एकूण 89 जागा असून त्यांतील 53 जागा या ग्रामीण भागतील आहेत तर 36 जागा या शहरी भागातील आहे.
