लोकसभा निवडणुकीत कर्नाटकातल्या मंड्या मतदारसंघात अपक्ष उमेदवार सुमालथा यांनी निखिल देवेगौडांचा पराभव केला आहे. मंड्या हा मतदारसंघ देवेगौडा कुटुंबियांचा बालेकिल्ला मानला जातो. या मतदारसंघासाठी निखील यांनी हट्ट धरला होता. त्यामुळे एचडी देवेगौडा यांनी स्वतः तुमकूर मतदारसंघातून निवडणूक लढवली आणि निखील यांना मंड्या येथून उमेदवारी दिली होती. मात्र या दोघांनाही आपापल्या मतदारसंघात पराभव पत्कारावा लागला आहे. या निकालानंतर 25 मे रोजी निखील गौडा यांच्याशी संबंधित लेख 'विश्ववाणी'मध्ये छापण्यात आला आहे.
प्रदिप कुमार यांनी दिलेल्या तक्रारीनूसार, निखील यांनी विधानसभा निवडणुकीत झालेल्या आपल्या पराभवाबद्दल आजोबा एचडी देवेगौडा यांच्याशी भांडण केल्याचा, आपले राजकीय करियर संपविल्याबद्दल आजोबांना दोष दिल्याचा उल्लेख या लेखात करण्यात आला आहे. या लेखामध्ये अवास्तव गोष्टी छापण्यात आल्या असून त्या खोट्या असल्याचं तक्रारीत म्हटलं आहे. या लेखामुळे निखील यांच्यासह देवेगौडा कुटुंबाची बदनामी होत असल्याचं तक्रारीत म्हटलं आहे.