Exit Poll 2022 Live Updates : पाच राज्यांच्या निवडणुकांचे एक्झिट पोल, पाहा प्रत्येक अपडेट्स
ABP C-Voter Exit Poll 2022: पाच राज्यांतील निवडणुकीच्या पार्श्वभूमीवर एबीपी माझाने केलेल्या 'Exit Poll 2022'ची प्रत्येक अपडेट्स या लाईव्ह ब्लॉगमध्ये.
सगळ्या देशाचं लक्ष लागून असलेल्या उत्तर प्रदेशच्या निवडणुकीमध्ये पुन्हा एकदा भाजपच बाजी मारणार असल्याचं स्पष्ट झालं आहे. समाजवादीच्या अखिलेश यादव यांनी मोदी-योगींना जबरदस्त टक्कर दिली असली तरी भाजप आपली सत्ता कायम राखणार असल्याचं या पोलमधून स्पष्ट झालं आहे. एकूण 403 सदस्य संख्या असलेल्या उत्तर प्रदेश विधानसभेमध्ये सत्ता स्थापण करण्यासाठी एकूण 202 जागांची गरज आहे. भाजपला यावेळीही स्पष्ट बहुमत मिळणार तर अखिलेश यादव सत्तेपासून दूर राहणार असंच या एक्झिट पोलमधून दिसतंय.
उत्तर प्रदेशात कॉंग्रेसला दोन आकडी संख्या गाठणंही कठीण आहे. रिपब्लिकच्या पोलनुसार यूपीत भाजपला 240 जागा मिळू शकतात.
गोव्यात कुणालाही बहुमत मिळणार नाही, असा अंदाज एबीपी आणि सी वोटरने आपल्या सर्व्हेमध्ये व्यक्त केला आहे.गोव्यात सत्तेसाठी तडजोड करावी लागण्याची शक्यता आहे. भाजपला गोव्यात सर्वाधिक जागा मिळणार आहे. गोव्यात भाजपला 13 ते 17 जागा मिळण्याचा अंदाज आहे. तर कॉंग्रेसला 12 ते 16 जागा मिळणार आहे. आपला 1 ते 5, मगोपला 5 ते 9 आणि इतरांना 0 ते दोन जागा मिळण्याची शक्यता आहे. सी व्होटरने दिलेल्या आकडेवारीनुसार मगोप किंगमेकरच्या भूमीकेत दिसणार आहे. आता मगोप कोणत्या पक्षाला पाठींबा देणार हे पाहणे महत्त्वाचे ठरणार आहे.
गेल्या निवडणुकीच्या तुलनेत यावेळी भाजपच्या जवळपास 70 ते 80 जागांमध्ये घट होणार आहे. तर समाजवादी पक्षाच्या जागांमध्ये वाढ होणार असल्याचं या पोल्समध्ये सांगण्यात आलं आहे. असं असलं तरी सत्तेच्या चाव्या मात्र भाजपकडे कायम राहणार आहेत. एकूण 403 सदस्य संख्या असलेल्या उत्तर प्रदेश विधानसभेमध्ये सत्ता स्थापण करण्यासाठी एकूण 202 जागांची गरज आहे.
गेल्या निवडणुकीच्या तुलनेत यावेळी जागा जरी घटणार असल्या तरी उत्तर प्रदेशची बाजी भाजपच मारणार असल्याचं प्रमुख एक्झिट पोल्समधून स्पष्ट झालं आहे. रिपब्लिक टीव्ही, ईटीडी रिसर्च, न्यूज 18 आणि हिंदुस्थान टाईम्स या प्रमुख माध्यमांनी केलेल्या सर्व्हेमधून उत्तर प्रदेशचा गड भाजपच राखणार असून समाजवादी पक्षाला दुसऱ्या क्रमांकावर समाधान मानावं लागणार आहे.
एबीपी माझाच्या एक्झिट पोलनुसार, 2022 च्या मणिपूर विधानसभा निवडणुकीत विजय मिळवून भाजप युती पूर्ण बहुमताने राज्यात सरकार बनवू शकते. भाजप युतीला 23 ते 27 जागा मिळतील असा अंदाज एक्झिट पोलमध्ये वर्तवण्यात आला आहे.
एक्झिट पोलनुसार पंजाबमध्ये अरविंद केजरीवाल यांच्या आम आदमी पार्टीचे सरकार येऊ शकते. पंजाबमध्ये आपला 39.1 टक्के मते मिळण्याची शक्यता आहे. तर आप पक्षाला 51 ते 61 टक्के मते मिळू शकतात. एबीपी माझा आणि सी वोटर यांच्याकडून सर्व्हे घेण्यात आला आहे. त्यानुसार, पंजाबमध्ये केजरीवाल यांच्या आप पक्षाचे सरकार येण्याची शक्यता आहे. पण पंजाबमध्ये कुणाची सत्ता येणार हे 10 मार्च रोजी समजणार आहे.
2017 च्या विधानसभा निवडणूकीत काँग्रेसने एकहाती सत्ता मिळवली होती. 117 जागांपैकी काँग्रेसने 77 जागावर विजय मिळवला होता. तर अकाली दल 15, भाजप 3 आणि आम आदमी पार्टीला 20 जागांवर विजय मिळाला होता. तर दोन जागांवर अपक्षांनी बाजी मारली होती.
भाजप आणि काँग्रेसमध्ये अटीतटीची लढत पाहायला मिळली आहे. ज्यात भाजप 40.8 टक्के मतांनी सरस ठरल्याचं दिसत असून काँग्रेस 39.3 टक्के मतांनी दुसऱ्या क्रमांकावर आहे. तर आपला 8.7 टक्के आणि 11 टक्के जागा इतरांच्या पदरात पडल्या आहेत.
गोव्यात 40 जागांसाठी झालेल्या विधानसभा निवडणुकीत भाजप 13 ते 17, काँग्रेस 12 ते 16, आप 1-5, तृणमृल काँग्रेसला 5 ते 9 जागा मिळतील तर अपक्ष आणि इरला दोन जागा मिळतील असा अंदाज वर्तवण्यात आला आहे.
गोव्यात एबीपी सी व्होटरचे आकडे समोर आले आहेत.यामध्ये कोणालाही स्पष्ट बहुमत मिळताना दिसत नाही. एबीपी सी व्होटरनुसार गोव्यात सत्तेसाठी भाजप-कॉंग्रेसमध्ये कांटे की टक्कर होत आहे.
पंजाबमध्ये एबीपी सी व्होटरनुसार आप यावेळी चांगलीच मुंसडी मारताना दिसत आहे. यामध्ये आपला 51-61 जागा मिळताना दिसत आहेत. तर सध्या सत्तेत असलेल्या कॉंग्रेसला 22-28 जागा मिळताना दिसत आहेत.यासोबत भाजपला 7-13 जागा आणि अकाली दलला 20-26 जागा मिळताना दिसत आहे.
उत्तराखंडमध्ये भाजपला 43 ± 7 जागा मिळतील. तर काँग्रेचा 24 ± 7 जागांवर विजय होईल. याशिवाय इतर आणि अपक्षांना 3 जागा मिळतील असा अंदाज 'टुडेज चाणक्य'च्या एक्झिट पोलमधूल वर्तवण्यात आला आहे.
पंजाब विधानसभा निवडणुकीत आम आदमी पक्षाला शंभर पेक्षा जास्त जागा मिळू शकतील असा अंदाज 'टुडेज चाणक्य'कडून वर्तवण्यात आला आहे. तर काँग्रेस 10 ± 7 जागा, शिरोमणी दल 6 ± 5 जागा मिळतील तर पंजाबमध्ये भाजपला फक्त एकच जागा मिळेल असा अंदाज चाणाक्यने वर्तवला आहे.
मतदानानंतर तात्काळ मतदारांचा कौल विचारुन गोळा केलेली आकडेवारी एक्झिट पोलसाठी वापरली जातो. संबंधित मतदान केंद्रावर किती मतदार आहेत याची माहिती आधीच घेतली गेलेली असते. त्याच्या आधारेच मतदान केंद्रांची निवड करण्यात आलेली असते. मतदान करुन येणारा ठराविक क्रमाकांचा (दहावा, विसावा, पंचविसावा) मतदार सॅम्पल म्हणून निवडला जातो. मतदान करुन आल्यानंतर कोणाला मत दिलं, असा थेट प्रश्न मतदाराला विचारला जातो. मतदारांनी दिलेल्या उत्तराच्या आधारे सर्वेक्षण प्रक्रिया पूर्ण केली जाते आणि संबंधित मतदारसंघातील निकालाचा अंदाज वर्तवला जातो.
मणिपूरमध्ये सरकार स्थापन करण्यासाठी भाजप आणि काँग्रेसमध्ये चुलशीची लढत झाली आहे. 10 मार्च रोजी मणिपूर विधानसभा निवडणुकीचा निकाल 10 मार्च रोजी जाहीर होणार आहे. परंतु, मणिपूरमध्ये कोणता पक्ष आपले सरकार स्थापन करणार याकडे लक्ष लागले आहे.
पाच राज्यांच्या निवडणुकीमध्ये भाजप उत्कृष्ट कामगिरी करेल, असा विश्वास भारतीय जनता पक्षाच्या प्रमुख नेत्यांनी व्यक्त केला आहे. उत्तर प्रदेश, उत्तराखंड, मणिपूर आणि गोव्यात पुन्हा भाजप सरकार स्थापन करण्याचा विश्वास भाजप नेत्यांनी व्यक्त केला. पंजाबमध्येही भाजपची स्थिती मजबूत होईल, असे भाजपच्या नेत्यांनी सांगितले आहे. या निवडणुकांमध्ये पंतप्रधान नरेंद्र मोदी यांच्या लोकप्रियतेचा फायदा पक्षाला मिळाला असल्याचे भाजप नेत्यांनी म्हटले आहे.
पंजाब विधानसभेच्या 117 जागांसाठी निवडणूक झाली आहे. पंजाबमध्ये काँग्रेसने सत्ता वाचवण्यासाठी प्रयत्न केले आहेत. परंतु, यावेळी काँग्रेससमोर आम आदमी पार्टी, शिरोमणी अकाली दल,बसपा आणि अमरिंदर सिंग यांच्या पंजाब लोक काँग्रेस आणि भाजपच्या युतीचे मोठे आव्हान आहे. त्यामुळे पंजाबमध्ये कोण बाजी मारणार याकडे सर्वांचे लक्ष लागले आहे.
10 मार्च रोजी मतमोजणीनंतर उत्तर प्रदेश, पंजाब, मणिपूर, उत्तराखंड आणि गोवा या पाच राज्यांमध्ये कोणाचं सरकार स्थापन होणार हे स्पष्ट होईल, मात्र अंतिम निकाल येण्याआधीच अनेकांनी आपले अंदाजपंचे निकाल मांडायला सुरुवात केली आहे. यात सर्वात जास्त लक्ष लागलं आहे ते उत्तरप्रदेश विधानसभा निवडणुकीच्या निकालाचे. भाजप युपीमध्ये पुन्हा आपली सत्ता स्थापन करणार का? भाजपला एकहाती बहुमत मिळणार का? असे एक ना अनेक प्रश्न सामान्य मतदारांच्या मनात आहेत.
गोव्यात भाजकडून प्रमोद सावंत हे मुख्यमंत्री पदाचे दावेदार आहेत तर आपकडून अमित पालेकर हे मुख्यमंत्रिपदाचे उमेदवार आहेत. काँग्रेसकडून माजी मुख्यमंत्री दिगंबर कामत यांनी प्रचाराची धुरा आपल्या खांद्यावर घेतली होती. त्यामुळे गोव्याचा मुख्यमंत्री कोण होणार याकडे सर्वांचं लक्ष लागले आहे. गोव्यात कोणता पक्ष आपले सरकार स्थापन करणार हे पाहण्यासाठी एबीपी माझा आणि सी व्होटरचा सर्व्हे आपण एबीपी माझाच्या सर्व प्लॅटफॉर्मवर पाहू शकाल.
देशातील छोट्या राज्यापैकी एक असलेल्या गोवा विधानसभेच्या निकालाकडे सर्वांचे लक्ष लागून आहे. मुख्य लढत जरी काँग्रेस-भाजपमध्ये होत असली तरी गोव्यात आप आणि तृणमूल काँग्रेसच्या एन्ट्रीनं चुरस वाढली आहे. महत्वाचं म्हणजे उत्पल पर्रीकरांसह अनेक अपक्षांनी देखील प्रमुख पक्षांच्या उमेदवारांची डोकेदुखी वाढवली आहे. सोबतच शिवसेना देखील या निवडणुकीत जोमाने उतरलेली पाहायला मिळाली होती. 40 आमदार संख्या असलेल्या गोव्यात बहुमताचा आकडा हा 21 आहे. आम्ही 22 जागा जिंकणार असा दावा भाजप करत आहे तर काँग्रेसनं देखील सत्तेत येण्याचा दावा केला आहे. सर्वच पक्षांच्या दिग्गज नेत्यांनी गोवा विधानसभा निवडणुकीसाठी प्रचारसभा घेतल्या होत्या.
उत्तर प्रदेश, पंजाब, उत्तराखंड, गोवा आणि मणिपूरमध्ये कोणाचे सरकार स्थापन होणार? थोड्याच वेळात येणार पाचही राज्यांच्या एक्झिट पोलचे निकाल
एक्झिट पोल हा सर्व टप्प्यांतील निवडणूक प्रक्रिया पार पडल्यानंतर जाहीर करण्यास परवानगी आहे. त्यानुसार आज, 07 मार्च रोजी संध्याकाळी एक्झिट पोल जाहीर केला जाईल. एबीपी माझा आणि सी व्होटरचा सर्व्हे आपण एबीपी माझाच्या सर्व प्लॅटफॉर्मवर पाहू शकाल.
टीव्हीबरोबच मोबाईल फोन, एबीपी माझाच्या लाईव्ह टीव्ही, यूट्यूब चॅनेलवर लाईव्ह Exit Poll तुम्हाला पाहता येणार आहे. तुमच्या मोबाईल मध्ये ABP Live हे अॅप डाऊनलोड करून देखील तुम्हाला Exit Poll पाहता येणार आहे. तसेच Exit Poll संबंधित बातम्या देखील तुम्हाला वाचता येणार आहे.
लाईव्ह TV : https://marathi.abplive.com/live-tv
मराठी वेबसाईट : https://marathi.abplive.com/
युट्यूब चॅनेल : https://www.youtube.com/watch?v=Rs3GfkHRwXA
पार्श्वभूमी
ABP C-Voter Exit Poll 2022: पाच राज्यांच्या निवडणुकांचा निकाल आता अवघ्या काही दिवसांवर येऊन ठेपला आहे. 10 मार्च रोजी मतमोजणीनंतर उत्तर प्रदेश, पंजाब, मणिपूर, उत्तराखंड आणि गोवा (Uttar Pradesh, Punjab, Manipur, Uttrakhand, Goa) या पाच राज्यांमध्ये कोणाचं सरकार स्थापन होणार हे स्पष्ट होईल, मात्र अंतिम निकाल येण्याआधीच अनेकांनी आपले अंदाजपंचे निकाल मांडायला सुरुवात केली आहे. यात सर्वात जास्त लक्ष लागलं आहे ते उत्तरप्रदेश विधानसभा निवडणुकीच्या निकालाचे. भाजप युपीमध्ये पुन्हा आपली सत्ता स्थापन करणार का? भाजपला एकहाती बहुमत मिळणार का? असे एक ना अनेक प्रश्न सामान्य मतदारांच्या मनात आहेत.
आज एक्झिट पोलच्या (Exit Poll 2022) माध्यमातून कोणत्या पक्षाला किती जागा मिळतील याचा अचूक अंदाज वर्तवण्याचा प्रयत्न केला जातो. एक्झिट पोलमधून तंतोतंत आकडेवारी समोर येत नसली, तरी मतदारांचे प्रश्न तात्पुरत्या स्वरुपात शमतात. कारण एक्झिट पोलमधून वर्तवले जाणारे अंदाज हे बहुतांश वेळा अंतिम निकालाच्या जवळपास जाणारे असतात. आज रात्री साधारण आठ वाजता उत्तरप्रदेशच्या निकालाचे कल आपण एबीपी माझावर पाहू शकणार आहोत.
एक्झिट पोल जाहीर करायची वेळ काय?
एक्झिट पोल हा सर्व टप्प्यांतील निवडणूक प्रक्रिया पार पडल्यानंतर जाहीर करण्यास परवानगी आहे. त्यानुसार आज, 07 मार्च रोजी संध्याकाळी एक्झिट पोल जाहीर केला जाईल. एबीपी माझा आणि सी व्होटरचा सर्व्हे आपण एबीपी माझाच्या सर्व प्लॅटफॉर्मवर पाहू शकाल.
संबंधित बातम्या :
- - - - - - - - - Advertisement - - - - - - - - -