घटकपक्षातील सर्व नेत्यांनी सरकारच्या या निर्णयाचं स्वागत केलं आणि काळ्या पैशाविरोधात ही निर्णायक लढाई असल्याचं सांगितलं. आधी नोटाबंदीचा विरोध करणाऱ्या शिवसेनेनं यूटर्न घेतल्याचं पाहायला मिळालं. शिवसेना खासदार आनंदराव अडसूळ यांनी नोटाबंदीचा निर्णय ऐतिहासिक असल्याचं म्हटलं. सरकारच्या या निर्णयाचा पुनर्विचार करणं शक्यच नसल्याचंही स्पष्ट करण्यात आलं.
दुसरीकडे विरोधीपक्षांच्या नेत्यांनी देखील बैठकीच आयोजन केलं आहे. काँग्रेस अध्यक्षा सोनिया गांधी यांच्या निवासस्थानी ही बैठक पार पडणार आहे. येत्या अधिवेशात नोटाबंदीच्या मुद्द्यावरुन सरकारला घेरणार असल्याची माहिती काँग्रेस नेते मल्लिकार्जुन खरगेंनी दिली.