श्रीनगर : देशभर 70वा स्वातंत्र्यदिन उत्साहात साजरा होत असताना श्रीनगरच्या नौहट्टा चौकात सीआरपीएफच्या कॅम्पवर दहशतवादी हल्ला झाला. या हल्ल्यात कमांडंट प्रमोद कुमार आसनसोल शहीद झाले. तर 6 जवान जखमी झाले आहेत.   नौहट्टा परिसरात सकाळी आठच्या सुमारास सीआरपीएफ कॅम्पवर हल्ला झाला. या परिसरात जवान तैनात करत असताना दहशतवाद्यांनी अंदाधूंद गोळीबार केला. प्रत्युत्तर देताना भारतीय जवानांनी दोन अतिरेक्यांना कंठस्नान घातलं. त्यांच्याकडून 2 एके-47, 8 मॅग्झिन आणि मोठ्या प्रमाणात दारुगोळा जप्त करण्यात आला.  

स्वातंत्र्यदिनी श्रीनगरमध्ये दहशतवादी हल्ला

  या चमकीदरम्यान 47 बटालियनचे कमांडंट प्रमोद कुमार यांच्या डोक्यात गोळी लागली. यानंतर त्यांना रुग्णालयात दाखल करण्यात आलं. परंतु डॉक्टरांनी त्यांना मृत घोषित केलं. प्रमोद कुमार आसनसोल पश्चिम बंगालचे रहिवासी होते.   तर हल्ल्यात सहा जवान जखमी असून त्यांच्यावर उपचार सुरु आहे. यापैकी एका जवानाची प्रकृती गंभीर असल्याचं कळतं.