नवी दिल्ली : देशात जीवघेण्या कोरोना व्हायरसचा संसर्ग झालेल्यांच्या संख्येत दिवसागणिक वाढ होत आहे. आरोग्य मंत्रालयाने जारी केलेल्या ताज्या आकड्यांनुसार, देशात आतापर्यंत या महामारीमुळे संसर्ग झालेल्या रूग्णांची संख्या 11 हजार पार पोहोचली आहे. मंत्रालयाने दिलेल्या माहितीनुसार, आतापर्यंत 11 हजार 439 लोकांना कोरोनाचा संसर्ग झाला आहे. तसेच 377 लोकांचा मृत्यू झाला आहे. दरम्यान, 1306 लोक आतापर्यंत उपचारानंतर कोरोनामुक्त झाले आहेत. जाणून घ्या राज्यवार आकडे...
कोणत्या राज्यात कोरोनाचे किती बळी?
आरोग्य मंत्रालयाने जारी केलेल्या आकडेवारीनुसार, महाराष्ट्रामध्ये 178, मध्यप्रदेशमध्ये 50, गुजरातमध्ये 28, पंजाबमध्ये 12, दिल्लीमध्ये 30, तामिळनाडूमध्ये 12, तेलंगणामध्ये 17, आंध्रप्रदेशमध्ये 9, कर्नाटकात 10, पश्चिम बंगालमध्ये 7, जम्मू-काश्मिरमध्ये 4, उत्तर प्रदेशमध्ये 5, हरियाणामध्ये 3, राजस्थानमध्ये 3, केरळमध्ये 3, झारखंडमध्ये 2, बिहार, आसाम, हिमाचल प्रदेश आणि ओडिशामध्ये प्रत्येकी एक-एक मृत्यू झाला आहे.
पाहा राज्यांचे आकडे :
सरकार आज मार्गदर्शक तत्त्वे जाहीर करणार
कोरोनाचा वाढता प्रादुर्भाव पाहता देशातील लॉकडाऊन 3 मे पर्यंत वाढवण्याची घोषणा मंगळावारी पंतप्रधान नरेंद्र मोदी यांनी केली. लॉकडाऊन 1 च्या शेवटच्या दिवशी म्हणजेच सोमावरी देशाला उद्देशून भाषण केलं. यावेळी त्यांनी देशातील लॉकडाऊन 3 मे पर्यंत वाढवत असल्याची घोषणा केली. पंतप्रधान नरेंद्र मोदी यांनी केलेल्या 25 मिनिटांच्या भाषणात लॉकडाऊनच्या दुसऱ्या टप्प्यात सरकारकडून देण्यात येणाऱ्या सूचनांचं कठोर पालन करण्यात येणार असल्याचं त्यांनी सांगितलं. कोरोनाचा वाढता प्रादुर्भाव रोखण्यासाठी केंद्र सरकारकडून यासंबंधित तपशीलवार मार्गदर्शक तत्त्वे आज जाहीर करण्यात येणार आहेत.
संबंधित बातम्या :
लॉकडाऊन-2चा पहिला दिवस, सरकार आज मार्गदर्शक तत्त्वे जाहीर करणार
वांद्रे येथील गर्दीच्या घटनेनंतर अमित शाहांचा उद्धव ठाकरेंना फोन