Coronavirus Cases Today : देशात गेल्या 24 तासांत 16 हजार नवे कोरोनाबाधित, 733 रुग्णांचा मृत्यू

Coronavirus Cases Today : देशात गेल्या 24 तासांत 16 हजार 156 नव्या कोरोनाबाधितांची नोंद करण्यात आली आहे. तर काल दिवसभरात 733 रुग्णांनी जीव गमावला आहे.

Coronavirus Cases Today : देशात जीवघेण्या कोरोना व्हायरसचा प्रादुर्भाव काहीसा कमी झाल्याचं पाहायला मिळत आहे. पण, कोरोनामुळे होणाऱ्या मृत्यूचं प्रमाण काहीसं जास्त आहे. गेल्या 24 तासांत 16 हजार 156 नव्या कोरोनाबाधितांची नोंद करण्यात आली आहे. तर काल दिवसभरात 733 रुग्णांनी जीव गमावला आहे. त्यानंतर आतापर्यंत कोरोनामुळे मृत्यू झालेल्यांची संख्या 4 लाख 56 हजार 386 वर पोहोचली आहे. 

देशातील कोरोना स्थिती 

केंद्रीय आरोग्य आणि कुटुंब कल्याण मंत्रालयानं जारी केलेल्या आकडेवारीनुसार, देशात गेल्या 24 तासांत 17 हजार 95 रुग्ण कोरोनामुक्त झाले आहेत. देशात सध्या कोरोनाच्या सक्रिय रुग्णांची संख्या 1 लाख 60 हजार 989 आहे. देशात आतापर्यंत कोरोनाच्या 3 कोटी 42 लाख 31 हजार 809 रुग्णांना कोरोनाची बाधा झाली आहे. त्यापैकी आतापर्यंत 3 कोटी 36 लाख 14 हजार 434 रुग्ण कोरोनामुक्त झाले आहेत. 

दीड वर्षांनंतर राज्यात ॲक्टिव्ह रुग्णसंख्या पहिल्यांदाच 20 हजारांखाली

कोरोनाबाधितांच्या दैनंदिन रुग्णसंख्येत घट पाहायला मिळत आहे. राज्यात आज 1485 नवीन कोरोनाबाधित रुग्णांची नोंद झाली आहे. तर 2 हजार 536  रुग्ण कोरोनामुक्त झाले आहे. राज्यात आतापर्यंत 64 लाख 43  हजार 342  रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 97.53 टक्के आहे. 
 
राज्यात आज 38 रुग्णांच्या मृत्यूची नोंद झाली आहे.  राज्याचा मृत्यूदर 2.12 टक्के झाला आहे. पुणे जिल्ह्यात सध्या सर्वात जास्त 3984 अॅक्टिव्ह रुग्ण आहेत. जळगाव (14), नंदूरबार (0),  धुळे (5), जालना (19), लातूर(54),  परभणी (27), हिंगोली (20), नांदेड (20),  अकोला (21), अमरावती (17),  वाशिम (04),  बुलढाणा (05), नागपूर (78), यवतमाळ (06),  नागपूर (81), वर्धा (5), भंडारा (3), गोंदिया (3),  चंद्रपूर (12) गडचिरोली (4 ) या  जिल्ह्यात अॅक्टिव्ह रुग्णसंख्या 100 च्या खाली आहे.

राज्यात सध्या 19 हजार 480 रुग्णांवर उपचार सुरु आहेत. सध्या राज्यात 1,72, 600 व्यक्ती होम क्वॉरंटाईनमध्ये आहेत तर 933 व्यक्ती संस्थात्मक क्वारंटाईनमध्ये आहेत. आजपर्यंत तपासण्यात आलेल्या 6, 22, 02, 811 प्रयोगशाळा तपासण्या करण्यात आल्या आहे.

मुंबईत गेल्या 24 तासात  420 कोरोनाबाधित रुग्णांची नोंद 

मुंबईत गेल्या 24 तासात 420 कोरोनाबाधित रुग्णांची नोंद झाली आहे. तर 355 रुग्णांनी कोरोनावर मात केली आहे. मुंबईत आतापर्यंत 7,31,749 रुग्ण कोरोनामुक्त झाले आहेत. मुंबईचा रिकव्हरी रेट 97 टक्के झाला आहे. तर मुंबईत गेल्या 24 तासात चार रुग्णाचा मृत्यू झाला आहे. सध्या मुंबईत 4161 सक्रिय रुग्ण आहेत. तर रुग्ण दुपटीचा दर 1373 दिवसांवर गेला आहे.

महत्त्वाच्या इतर बातम्या :