नवी दिल्लीः पतीच्या त्रासाला कंटाळून अहमदाबादच्या साबरमती नदीत उडी घेऊन आयुष्य संपवणाऱ्या आयशाच्या मृत्यूबद्दल अखिल भारतीय मजलिस-ए-इत्तेहादुल मुसलमीन (एआयएमआयएम) चे प्रमुख असदुद्दीन ओवैसी यांनी तीव्र प्रतिक्रिया व्यक्त केली आहे. आपण कोणत्याही धर्मातील असलात तरी हुंड्याचे लोभ दूर करा असे मी आपणा सर्वांना आवाहन करीत असल्याचे त्यांनी म्हटले आहे. ते म्हणाले की मी त्या सर्व मुस्लिमांना आवाहन करीत आहे, अल्लाहचे रसूल सल्लल्लाहु अलैहि वसल्लम (प्रेषित मोहम्मद) यांनी इर्शादला सांगितले होते की तुमच्यातील सर्वांत चांगला तो आहे जो आपल्या कुटुंबाशी चांगला वागतो.
ओवैसी म्हणाले, "अहमदाबादमध्ये एका मुस्लिम मुलीने आत्महत्या केल्याचा एक वेदनादायक व्हिडिओ आहे. मी आपणा सर्वांना आवाहन करीत आहे, धर्म काहीही असो, हुंडाबळीचा लोभ संपवा. आपण पुरुष असाल तर आपल्या पत्नीवर अत्याचार करणे हा मर्दपणा नाही. बायकोला मारहाण करणे म्हणजे पुरुषत्व नाही. बायकोकडे पैसे मागणे हे पुरुषत्व नाही. जर तुम्ही असे कृत्य करत असाल तर तुम्ही माणूस म्हणवण्यास योग्य नाही.''
ते म्हणाले, "त्याने (आयशाचा नवरा) निर्दोष मुलीवर अत्याचार केला. या त्रासाला कंटाळून तिनं मोठं पाऊल उचललं. एका निरागस मुलीसोबत असे करताना अशा लोकांना लाज वाटायला हवी. मी अल्लाहला प्रार्थना करीन की अल्लाह तुमचं वाटोळं करो"
एआयएमआयएम प्रमुख म्हणाले, "प्रत्येक बापाचं दुःख तुम्ही समजू शकत नाही." मला असे बरेच बाप माहित आहेत जे आयुष्याच्या शेवटच्या क्षणी माझा हात धरतात आणि म्हणतात की असदसाहेब मुलीच्या लग्नाची काही व्यवस्था करा. मरण्याअगोरद काहीतरी घडू द्या. ''
ते म्हणाले, "काय झालंय या लोकांना, अजून किती महिलांचा जीव आपण घेणार आहे?." तुम्ही कसले मर्द आहात? जे महिलांना मारता? तुमच्यातील माणुसकी मेली आहे का? असे किती लोक आहेत जे आपल्या पत्नीवर अत्याचार करतात? हुंड्यासाठी गर्भवती महिलांना मारहाण करत घराबाहेर काढता आणि स्वतःला मोठा देवदूत समजता. लक्षात ठेवा, आपण जगाला फसवू शकता आणि अल्लाहला नाही. पण, हे लक्षात असुद्या तुम्ही जगाला धोका देऊ शकता अल्लाह नाही. अल्ला सगळं पहातोय तो पीडित व्यक्तीला नक्कीच पाठींबा देईल.
असदुद्दीन ओवैसी म्हणाले, "अल्लाह रसूल सल्लल्लाहु अलैहि वसल्लम (प्रेषित मोहम्मद) च्या त्या सर्व मुस्लिमांना मी आवाहन करतो आहे की, आपल्यातील सर्वांत चांगला तो आहे जो आपल्या कुटुंबाशी चांगला वागतो. सर्वोत्कृष्ट अखलाक (चरित्र) तो आहे जो आपल्या पत्नीशी चांगला वागतो. '' आयशाच्या आत्महत्येविषयी ओवैसी यांच्या विधानाची सर्वत्र चर्चा होत आहे. लोक हा व्हिडिओ सोशल मीडियावर खूप शेअर करत आहेत तसेच त्यांचे कौतुकही करत आहेत.