सौरभ भारद्वाज म्हणाले की, ईव्हीएमचा मदरबोर्ड हॅक करण्यासाठी केवळ 90 सेकंद लागतात. या 90 सेकंदात मशीन हॅक करुन निवडणुकीच्या निकालाचं चित्र बदलता येऊ शकतं. ज्या दिवशी मतदान सुरु होतं, त्याचवेळी कोणत्या पक्षाचा उमेदवार विजयी करायचा आहे हे निश्चित केलं जातं.
ईव्हीएम मशीनशी छेडछाडीचा डेमो सादर करताना भारद्वाज म्हणाले की, मतदानासाठी प्रत्येक पक्षाचा एक कोड असतो. आणि सिक्रेट कोडच्या माध्यमातून मतदार कोणालाही मतदान करु शकतात. पण या सिक्रेट कोडच्याच माध्यमातून ईव्हीएम मशीनशी छेडछाड केली जाते. असं त्यांनी यावेळी सांगितलं.
या डेमोवेळी भारद्वाज यांनी आम आदमी पक्षाच्या 'झाडू' चिन्हासमोरील बटन सर्वाधिकवेळा दाबलं. त्यानंतर ईव्हीएमवरील वेगवेगळी बटनं दाबून दाखवली. यात आपला 10 मतं आणि भाजपला 3 मतं मिळाली होती.
वास्तविक, यावेळी भाजप आणि काँग्रेसला प्रत्येकी 2-2 मतं आणि आपला 2 मतं दिली गेली होती. म्हणजे, सरळसरळ मशीन टेम्पर करुन सर्व मतं भाजपच्या खात्यात घालवली जाऊ शकतात हे यातून दाखवण्यात आलं. या डेमोच्या माध्यमातून भारद्वाज यांनी आरोप केला की, विधानसभा निवडणुकीत अशाच प्रकारे मतदान झालं.
जर पूर्वीपासूनच भाजपला विजयी करायचं निश्चित केलं आहे. तर त्या पक्षाचा कोड मशीममध्ये टाकला. त्यानंतर मतदारानं कोणतंही बटन दाबल्यानंतर त्याचं मतं त्याच पार्टीच्या कोडमध्ये जाईल, ज्याच्याशी त्या बटन लिंक असेल. आणि सर्व मतं ही त्याच पक्ष आणि उमेदवाराला मिळतील.
विधानसभेतील आपल्या भाषणात सौरभ भारद्वाज यांनी भाजपनं गेल्या पाच वर्षात मशीन टेम्पर कसं करायचं हे शिकलं आहे. तर आपनं हेच काम तीन महिन्यात आत्मसात केलं आहे.
सध्या गुजरात विधानसभा निवडणुकीसाठी मशीन तयार करण्याचं काम सुरु आहे. हे सर्व मशीन तीन तासांसाठी आम आदमी पक्षाकडे द्यावीत, तर आगामी गुजरात विधानसभा निवडणुकीत भाजपचा एकही उमेदवार विजयी होणार नाही, असा विश्वास त्यांनी यावेळी व्यक्त केला.
व्हिडीओ पाहा