Dhule Crime : सध्या सोशल मीडियावर व्हायरल होण्यासाठी किंवा फॉलोअर्स वाढवण्यासाठी कोण काय करेन? हे सांगता येत नाही. धुळ्यातील (dhule crime) एका तरुणाने चक्का नागाच्या बर्थ डेचं सेलिब्रेशन केलंय. इतकंच नाही, तर नागाच्या बर्थ डे सेलिब्रेशनचा व्हिडीओ त्याने इन्स्टाग्रामवर शेअर केला. दरम्यान, नागाचा बर्थ डे सेलिब्रेट करणे या तरुणाला चांगलंच भोवलंय. धुळ्यातील (dhule crime) या तरुणाने वनविभागाने ताब्यात घेतलंय.
नागाचा बर्थ डे सेलिब्रेट केल्यानंतर पोलिसांकडून अटक
इंस्टाग्रामवर नागाचा वाढदिवस साजरा करणाऱ्या युवकाला वनविभागाने ताब्यात घेतलंय. वन्यजीव संरक्षण अधिनियम 1972 अंतर्गत संरक्षित असलेल्या नागाच्या वाढदिवसाचा व्हिडीओ इंस्टाग्रामवर अपलोड केल्याने शिरपूर तालुक्यात एक युवक अडचणीत सापडला आहे. राज साहेबराव वाघ,( रा. बोराडी, ता. शिरपूर, जि. धुळे) (dhule crime) असं ताब्यात घेण्यात आलेल्या तरुणाचं नाव आहे.
इन्स्टाग्रामवर व्हिडीओ टाकताच वनविभागाची मोठी कारवाई
धुळ्यातील या तरुणाने दिनांक 29 जुलै 2025 रोजी नागपंचमी निमित्त नागाला केक खाऊ घालून वाढदिवस साजरा केला. या घटनेचा व्हिडीओ तयार करून त्याने आपल्या इंस्टाग्राम अकाउंटवर टाकला. ही माहिती वनविभागाकडे पोहोचताच तातडीने कारवाई करण्यात आली. सहायक वनसंरक्षक शिरपूर व वनक्षेत्रपाल बोराडी प्रादेशिक यांनी सांगवी व बोराडी रेंज स्टाफच्या मदतीने आरोपीस ताब्यात घेतले आहे. त्याच्या घरातून दोन प्लास्टिक बरण्या (सर्प पकडण्यासाठी वापरल्या जाणाऱ्या) व एक मोबाईल फोन असा मुद्देमाल जप्त करण्यात आला. (dhule crime)
न्यायालयाकडून आरोपीला दोन दिवसांची वन कोठडी
या प्रकरणी आरोपीविरुद्ध वन्यजीव संरक्षण अधिनियम 1972 चे कलम 9 व 51 (1) अन्वये गुन्हा दाखल करण्यात आला आहे. चौकशीत आरोपीने सदर नाग हा शिरपूर तालुक्यातील बुडकी गावातील घराजवळून पकडून आणला आणि नागपंचमीच्या दिवशी वाढदिवस साजरा केल्यानंतर त्याच रात्री जंगल भागात सोडल्याचे कबूल केले आहे. आरोपीस अटक करून शिरपूर न्यायालयात हजर केले असता दोन दिवसांची वन कोठडी सुनावण्यात आली.(dhule crime)
नागाचा वाढदिवस साजरा केला, वनविभागानं तरुणाला घेतलं ताब्यात
इतर महत्त्वाच्या बातम्या