'शिवशाही' लग्नाची अनोखी गोष्ट

सांगली जिल्ह्यातील इस्लामपूरमध्ये पारंपरिक लग्नविधीला फाटा देत शिवशाही पद्धतीने एक अनोखा लग्नसोहळा पार पडला.

इस्लामपूर येथील श्रीधर पाटील व मैथिली पाटील या उच्चशिक्षित जोडप्यांनी लग्नामधील अनाठायी खर्चाला फाटा देत लग्नाची गाठ बांधली आहे.

वराने संभाजी महाराज आणि वधूने येसूबाई यांची वेशभूषा धारण केली होती.

जिजाऊ, छत्रपती शिवाजी महाराज आणि तुळशीच्या साक्षीने एक उच्चशिक्षित जोडप्याने विवाहबद्ध होत समाजाला एक नवी दिशा देण्याच्या प्रयत्न केला.

जिजाऊ आणि छत्रपती शिवाजी महाराज यांच्या प्रतिमेला पुष्पहार अर्पण करून आणि तुळशीच्या झाडाला पाणी घालून साताजन्माची गाठ बांधली.

या शिवशाही लग्न सोहळ्यासाठी वधूवरांनी विशेष वेशभूषाही परिधान केली होती.

विवाहासाठी भटजी, अक्षता तसेच विधी अशा अनेक अनावश्यक गोष्टी यावेळी टाळण्यात आल्या होत्या.