LIVE BLOG | जळगावात दोन अल्पवयीन मुलांचा बुडून मृत्यू, घटनेनंतर मुलांचे मृतदेह शासकीय वैद्यकीय महाविद्यालयात आणून मिठात ठेवले

देशभरातील महत्त्वाच्या आणि ताज्या घडामोडींचा संक्षिप्त आढावा

पार्श्वभूमी

1. माजी पंतप्रधान अटल बिहारी वाजपेयी यांची पहिली पुण्यतिथी, राष्ट्रपतींसह पंतप्रधान नरेंद्र मोदींकडून श्रद्धांजली अर्पण2. पाकिस्तानच्या कुरापतींना भारताचे चोख प्रत्युत्तर, तीन सैनिकांचा खात्मा, कृष्णा घाटी परिसरात गोळीबार3. कलम 370 हटवल्याच्या मुद्द्यावर पाकची यूएनमध्ये धाव तर काश्मीर खोऱ्यात फोन सेवा सुरु करण्यावर आज निर्णय होण्याची शक्यता4. लाल किल्ल्यावरुन पंतप्रधान नरेंद्र मोदींकडून चीफ ऑफ डिफेन्स स्टाफच्या नियुक्तीची घोषणा, संरक्षण क्षेत्रासाठी मोठा निर्णय, लोकसंख्या नियंत्रण, प्लॅस्टिकबंदीचं आवाहन5. देणगी गोळा करण्यासाठी गणेशोत्सव मंडळांना धर्मादाय आयुक्तांची परवानगी घेणे बंधनकारक, स्थानिक स्वराज्यसंस्था आणि जागामालकाची एनओसीही आवश्यक6. मुख्यमंत्री देवेंद्र फडणवीस यांच्या महाजनादेश यात्रेला काँग्रेसचं पोलखोल यात्रेनं प्रत्युत्तर, नाना पटोले करणार नेतृत्व, 20 ऑगस्टला मोझरीतून यात्रेला सुरुवात होणार7. येत्या 21 आणि 22 ऑगस्टला उद्धव ठाकरे पूरग्रस्त भागाच्या दौऱ्यावर, सांगली, कोल्हापुरात झालेल्या नुकसानाची पाहणी करणार8. महापुरात सांगलीच्या नगर वाचनालयातील 90 हजार पुस्तकांचा लगदा, ग्रंथसंपदा नव्याने उभारण्यासाठी मदतीची गरज, माझाचं महाराष्ट्राला आवाहन9. मराठवाड्यातील कृत्रिम पावसाचे प्रयोग फसल्यानंतर आता सरकारने घेतली अमेरिकेची मदत, आधुनिक तंत्रज्ञानाचे विमान दुबईपर्यंत आल्याची बबनराव लोणीकरांची माहिती10. सप्टेंबरमध्ये अॅपल आयफोन 11 प्रो हा सर्वात महागडा फोन बाजारात येणार, अॅपल पेन्सिलसह अनेक खास फिचर्स

16/08/2019 23:59:05

शेतमालाची उत्पादकता, विपणन आणि निर्यातीवर अधिक भर, देशाच्या कृषी क्षेत्रात परिवर्तन करण्यासाठी राज्याचे मुख्यमंत्री देवेंद्र फडणवीस यांच्या अध्यक्षतेखाली नेमण्यात आलेल्या मुख्यमंत्र्यांच्या उच्चाधिकार समितीची दुसरी बैठक, या बैठकीत बाजार समितीच्या कायद्यामध्ये सुधारणा, करार शेती, शेतीत नवीन तंत्रज्ञान, जीवनाश्यक वस्तू कायद्यातून कृषी उत्पादनांना वगळणे, ई-नाम, कृषी निर्यात आदी विषयांवर या बैठकीत चर्चा झाली. यावेळी अन्य राज्यांचे मुख्यमंत्री, कृषीमंत्री यांनी मते व्यक्त केली.

या सर्व मुद्दयांवरील चर्चेवर पुढील आठवडाभरात सर्व राज्ये आपल्या सूचना देणार असून पुढील पंधरा दिवसात निती आयोगासोबत सर्व राज्याच्या कृषी विभागाच्या सचिवांची बैठक घेण्यात येईल. त्यात अहवालाचा मसुदा तयार करून तो मुख्यमंत्र्यांच्या समितीसमोर सादर केला जाईल. साधारण: दिड महिन्यात अहवाल अंतिम करून प्रधानमंत्र्यांना सादर केला जाईल, अशी माहिती बैठकीनंतर आयोजित केलेल्या पत्रकार परिषदेत मुख्यमंत्री फडणवीस यांनी दिली.

16/08/2019 22:27:24

जळगाव शहरातील मेहरूण तलाव येथे पोहोण्यास गेलेल्या दोन अल्पवयीन मुलांचा बुडून मृत्यू झाल्याची दुर्दैवी घटना सायंकाळच्या सुमारास घडल्याने मोठी खळबळ उडाली आहे. जळगाव शहरात अक्सानगर भागात राहणारी दोन सख्खी भावंडं आहेत. घटने नंतर दोघे मुलांचे मृतदेह शासकीय वैद्यकीय महाविद्यालयात असलेल्या शवागारात ठेवण्यात आली आहेत. दोन्ही मृत देह नातेवाईकांच्या सांगण्यावरून मिठात ठेवण्यात आल्याचं वैद्यकीय सूत्रांनी म्हटलं आहे. मात्र एखादा मृतदेह जिल्हा रुग्णालयात मिठात ठेवण्यात आल्याने विविध तर्क वितर्क आता लढविले जात आहेत.

16/08/2019 18:30:44

जळगाव शहरातील मेहरूण तलाव येथे पोहोण्यास गेलेल्या दोन अल्पवयीन मुलांचा बुडून मृत्यू झाल्याची दुर्दैवी घटना सायंकाळच्या सुमारास घडल्याने मोठी खळबळ उडाली आहे. जळगाव शहरात अक्सानगर भागात राहणारी दोन सख्खी भावंडं आहेत. घटने नंतर दोघे मुलांचे मृतदेह शासकीय वैद्यकीय महाविद्यालयात असलेल्या शवागारात ठेवण्यात आली आहेत. दोन्ही मृत देह नातेवाईकांच्या सांगण्यावरून मिठात ठेवण्यात आल्याचं वैद्यकीय सूत्रांनी म्हटलं आहे. मात्र एखादा मृतदेह जिल्हा रुग्णालयात मिठात ठेवण्यात आल्याने विविध तर्क वितर्क आता लढविले जात आहेत.

16/08/2019 19:22:02

गोवा :गोवा माईल्सविरोधात आरटीआय कार्यकर्ते सुदिप ताम्हणकर यांची लोकायुक्तांकडे तक्रार

16/08/2019 20:40:18

काँग्रेस कार्याध्यक्ष विश्वजित कदम, आमदार सतेज पाटील यांनी घेतली मुख्यमंत्र्यांची भेट
,
पूरपरिस्थितीबाबत मुख्यमंत्र्यांशी केली चर्चा

16/08/2019 20:53:34

राष्ट्रवादीची शिवस्वराज्य यात्रा 19 ऑगस्टपासून पुन्हा सुरु,


19 ते 26 ऑगस्टपर्यंत शिवस्वराज्य यात्रा,


संत एकनाथ महाराज यांच्या समाधीचे दर्शन घेत सुरुवात..

16/08/2019 18:30:23

टीम इंडियाच्या मुख्य प्रशिक्षकपदी रवी शास्त्री कायम, 2021 पर्यंत रवी शास्त्री असणार टीम इंडियाचे कोच

16/08/2019 17:09:07

सांगली : पूरग्रस्थांना अद्याप कोणतीही मदत मिळाली नसल्याने महापालिका आयुक्तांना घेराव. तर महापौर संगीता खोत यांना संतप्त महिलांनी धारेवर धरले, सांगलीच्या बायपास रोडवर आयुक्त पाहणी करण्यासाठी आले होते, यावेळी संतप्त नागरिक आणि महिलांनी आयुक्तांना घेराव घातला, यावेळी रास्ता रोको करण्यात आला

16/08/2019 15:02:52

अण्वस्त्र पहिल्यांदा वापरायचं नाही हेच आमचं आजपर्यंतचं धोरण, मात्र भविष्यात काय़ होईल हे परिस्थितीवर ठरेल, अण्वस्त्राच्या वापराबद्दल संरक्षणमंत्री राजनाथ सिंग यांनी मोठं आणि सूचक वक्तव्य

16/08/2019 14:42:28

राष्ट्रवादी काँग्रेसचे अध्यक्ष शरद पवार मुख्यमंत्री देवेंद्र फडणीस यांची भेट येत्या 20 तारखेला मुंबईत घेणार आहेत. कोल्हापूर सांगली जिल्ह्यातील पूरस्थितीसंदर्भात ही बैठक होणार आहे. प्रदेशाध्यक्ष जयंत पाटील यांच्यासह राष्ट्रवादी काँग्रेसचे कोल्हापूर, सांगली, साताऱ्याचे लोकप्रतिनिधी देखील या बैठकीला उपस्थित असणार आहेत. जिल्ह्यातील पुरग्रस्तांचे पुनर्वसन, त्यांना लागणारी मदत याबाबत राष्ट्रवादी काँग्रेसतर्फे मुख्यमंत्र्यांना निवेदन दिले जाणार आहे.

16/08/2019 12:26:25

शिवसेना आमदार तुकाराम कातेंचं चिखलात बसून ठिय्या आंदोलन
शिवसेनेचे अणुशक्तीनगर मतदारसंघाचे आमदार तुकाराम काते हे मेट्रोविरोधात आंदोलन करत आहेत.
मेट्रोच्या कामांमुळे रस्ते खराब झाले आहेत, म्हणून काते मेट्रो कार्यालयासमोर ठिय्या आंदोलनाला बसले आहेत.

16/08/2019 12:26:47

शिवसेना आमदार तुकाराम कातेंचं चिखलात बसून ठिय्या आंदोलन
शिवसेनेचे अणुशक्तीनगर मतदारसंघाचे आमदार तुकाराम काते हे मेट्रोविरोधात आंदोलन करत आहेत.
मेट्रोच्या कामांमुळे रस्ते खराब झाले आहेत, म्हणून काते मेट्रो कार्यालयासमोर ठिय्या आंदोलनाला बसले आहेत.

16/08/2019 12:06:43

माजी आमदार धनराज महालेंची राष्ट्रवादीला सोडचिठ्ठी, उद्धव ठाकरेंच्या उपस्थितीत शिवसेनेत प्रवेश करणार

16/08/2019 10:22:11

राष्ट्रपती रामनाथ कोविंद माजी अर्थमंत्री अरुण जेटलीं यांची भेट घेणार, सकाळी 11.30 वाजता एम्समध्ये जाऊन तब्येतीची विचारपूस करणार, गेल्या काही दिवसांपासून जेटली एम्समधे उपचार घेत आहे

16/08/2019 07:58:59

गणेशोत्सवानिमित्त चाकरमान्यांना खूशखबर! तुतारी आणि मडगाव एसी डबलडेकरच्या डब्यांत वाढ :-

गणेशोत्सवाच्या तोंडावर कोकण रेल्वेने चाकरमान्यांना खूशखबर दिली आहे. दादर-सावंतवाडी रोड 'तुतारी एक्प्रेस'चे डबे 15 वरून 19 आणि मडगाव एसी डबलडेकरचे डबे 11 वरून 18 करण्याचा निर्णय कोकण रेल्वेने घेतला आहे. त्यामुळे या गाडीने प्रवास करणाऱ्या चाकरमान्यांची गर्दीतून काही प्रमाणात सुटका होणार आहे.