LIVE BLOG | सातारा पोटनिवडणुकीत उदयनराजे विरुद्ध पृथ्वीराज चव्हाण यांच्यात लढत?

देशभरातील महत्त्वाच्या आणि ताज्या घडामोडींचा संक्षिप्त आढावा

एबीपी माझा वेब टीमLast Updated: 14 Sep 2019 03:35 PM

पार्श्वभूमी

1. भाजप प्रवेशासाठी खासदार उदयनराजे भोसले दिल्लीत दाखल, आज गृहमंत्री अमित शाहांच्या उपस्थितीत भाजपप्रवेश, राजीनामा देत लोकसभाध्यक्षांना खास पगडी भेट2. एका राजेंचं ठरलं तर दुसऱ्या राजेंमध्ये अजूनही संभ्रम, मेळाव्यानंतरही रामराजे...More

सातारा पोटनिवडणुकीत उदयनराजे विरुद्ध पृथ्वीराज चव्हाण यांच्यात लढत? साताऱ्याच्या लोकसभा पोटनिवडणुकीत उदयनराजे भोसलेंविरोधात पृथ्वीराज चव्हाण यांनी निवडणूक लढवावी, असे आदेश काँग्रेस पक्षश्रेष्ठींनी दिला आहे. सातारा मतदारसंघ आघाडीत राष्ट्रवादीच्या ताब्यात आहे, राष्ट्रवादी काँग्रेस पक्ष त्यावरील दावा सोडण्यास तयार आहे.काँग्रेस कार्यकर्त्यांचे पृथ्वीराज चव्हाणांच्या होकाराकडे लक्ष.
मेट्रो 3चा बोगदा खणताना दगड कोसळून एका कामगाराचा मृत्यू :-
मेट्रो 3 साठी मुंबईत सध्या जमिनीच्या पोटात शिरुन काम सुरु आहे. या कामादरम्यान सीप्झ आणि सारिपूतनगरदरम्यान क्रॉस पँसेजमधील लहान बोगदे खणताना दोन कामगारांच्या अंगावर एक भला मोठा दगड कोसळला. दोघेही दगडाखाली अडकले. हा भला मोठा दगड हटवून दोन्ही कामगारांना रुग्णालयात दाखल करण्यात आले. त्यापैकी एका कामगाराची प्रकृती स्थिर आहे तर दुसऱ्या कामगाराला रुग्णालयात मृत घोषित करण्यात आले.
Tags:ABP Majha Latest UpdatesMarathi live Newstoday's news in marathinews in Marathimarathi news todayAaj DivasbharatMarathi News