Weight Loss Drink : वजन कमी करण्यासाठी मेथी फायदेशीर आहे. मेथीमध्ये अनेक आरोग्यदायी गुणधर्म आढळतात. मेथीच्या दाण्यांमध्ये भरपूर फायबर असते. तसेच मेथीत रक्तातील साखर नियंत्रित करणारे एमिनो अॅसिडदेखील असते. रोज सकाळी रिकाम्या पोटी मेथीचे पाणी प्यायल्याने वजन कमी होण्यास मदत होते.
मेथीचे पाणी : मेथीचे पाणी वजन कमी करण्यासाठी फायदेशीर ठरते. वजन कमी करण्यासाठी तज्ञ नेहमी सकाळी मेथीचे पाणी पिण्याचा सल्ला देतात. यासाठी रात्री एक ग्लास पाण्यात एक चमचा मेथीचे दाणे भिजवावे. आता हे पाणी सकाळी रिकाम्या पोटी गाळून प्या. तुम्हाला हवे असल्यास मेथी चावून देखील खाऊ शकता.
मेथीचे दाणे उकळून प्या : एक चमचा मेथी पाण्यात उकळून पिऊ शकता. मेथीचे पाणी प्यायल्याने शरीरातील विषारी पदार्थ बाहेर पडतात. हे पाणी प्यायल्याने पचनक्रिया सुधारायलादेखील मदत होते. तुम्हाला हवे असल्यास तुम्ही दिवसातून दोनदा मेथीचे पाणी पिऊ शकता.
मेथीचा चहा : वजन कमी करण्यासाठी तुम्ही मेथीचा चहाही पिऊ शकता. या चहामध्ये तुम्ही मध, आले आणि दालचिनी देखील वापरू शकता. हा चहा प्यायल्याने तुम्हाला जीवनसत्त्वे मिळतील. चहामध्ये दालचिनी आणि आले मिसळल्याने सूज कमी होईल. आठवड्यातून किमान 2 ते 3 वेळा ते प्यावे. या चहाने तुमचे वजनही नियंत्रणात राहील.
मेथी आणि मध : लठ्ठपणाचा त्रास असलेले लोक मध आणि मेथीचे पाणी पिऊ शकतात. मध खाल्ल्याने जळजळ कमी होते आणि प्रतिकारशक्ती मजबूत होते. याउलट मेथीचे दाणे बारीक करून त्यात मध मिसळून प्यायल्यास वाढते वजनही आटोक्यात ठेवता येते.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
संबंधित बातम्या
Omicron variant : त्वचेच्या 'या' प्रकारच्या समस्यांना थंडीचे दुष्परिणाम समजू नका, होऊ शकतो गंभीर परिणाम
Sapota For Health : चिकू खाल्ल्याने मिळते झटपट एनर्जी, अशक्तपणा दूर होण्याबरोबरच शरीराला मिळतात 'हे' आश्चर्यकारक फायदे
Omicron Variant : तुमची रोगप्रतिकारशक्ती वाढवतात 'हे' सुपरफूड, जाणून घ्या याचे फायदे
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha