Health Tips : आजकाल बदलती जीवनशैली (Lifestyle) आणि चुकीच्या खाण्याच्या सवयींमुळे सांधेदुखीची समस्या सामान्य होत चालली आहे. चुकीच्या पद्धतीने बसल्यामुळे अनेक वेळा कंबरदुखी, पाठदुखी यांसारख्या समस्यांना सामोरं जावं लागतं आहे. वृद्धत्वामुळे हाडांशी संबंधित समस्या देखील अनेक लोकांना उद्भवतात. अशा परिस्थितीत तुम्ही तुमच्या आहाराची विशेष काळजी घेणं गरजेचं आहे. या ठिकाणी आम्ही तुम्हाला अशाच काही ज्यूसबद्दल माहिती सांगणार आहोत. जे प्यायल्याने तुमची हाडे निरोगी राहण्यास मदत होईल. चला तर जाणून घेऊयात.
अननसाचा रस (Pineapple Juice)
अननसाचा रस प्यायल्याने तुमची हाडे निरोगी राहतात. चवीला गोड आणि आंबट असण्याबरोबरच अननसाचा रस आरोग्यासाठीही खूप फायदेशीर आहे. अननसाच्या रसामध्ये जीवनसत्त्वे आणि खनिजे पुरेशा प्रमाणात आढळतात, जे अपचन आणि संधिवात यांसारख्या आजारांवर उपचार करण्यास मदत करतात.
संत्र्याचा रस (Orange Juice)
संत्र्यामध्ये भरपूर पोषक घटक असतात, जे शरीर निरोगी ठेवण्यास मदत करतात. संत्र्याच्या रसाची चवही गोड आणि आंबट असते, जी सर्वांनाच आवडते. शरीराला हायड्रेट ठेवण्या बरोबरच हाडांसाठीही संत्र्याचा रस फायदेशीर आहे. संत्र्याचा रस रोगप्रतिकारक शक्ती वाढवणारा म्हणून ओळखला जातो, जो तुम्हाला अनेक आजारांपासून वाचवण्यास मदत करतो.
स्ट्रॉबेरीचा रस (Strawberry Juice)
अँटी-ऑक्सिडंट्सने युक्त स्ट्रॉबेरीचा रस अनेक आजारांपासून तुमचे रक्षण करण्यास मदत करतो. स्ट्रॉबेरीच्या रसामध्ये व्हिटॅमिन सी, कॅल्शियम, मॅंगनीज, कॉपर, झिंक असे अनेक पोषक घटक आढळतात. हा रस प्यायल्याने हाडांना ताकद मिळते.
ग्रीन ज्यूस (Green Juice)
हाडे निरोगी ठेवण्यासाठी कॅल्शियम आणि व्हिटॅमिन के खूप महत्वाचे आहे. शरीरात या जीवनसत्त्वांच्या कमतरतेमुळे हाडांशी संबंधित अनेक समस्या उद्भवतात. अशा परिस्थितीत तुम्ही तुमच्या आहारात हिरव्या रसाचा समावेश करू शकता. यामुळे तुमची हाडे निरोगी ठेवण्यास मदत होईल.
दूध (Milk)
पोषक तत्वांनी युक्त दूध शरीराला अनेक प्रकारे फायदेशीर ठरते. हे कॅल्शियमचे समृद्ध स्त्रोत आहे, जे हाडे निरोगी ठेवण्यास मदत करते. रोज झोपण्यापूर्वी एक ग्लास कोमट दूध प्यायल्यास अनेक समस्या टाळता येतात.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :