Mother's Day Google Doodle 2022 : सर्च इंजिन गुगल (Google) विशेष दिनाच्या निमित्ताने खास गुगल डुडल (Google Doodle) बनवून शुभेच्छा देताना पाहायला मिळतं. असंच आजही गुगलने 'मदर्स डे' म्हणजेच मातृदिनाच्या खास गुगल डुडल बनवून शुभेच्छा दिल्या आहेत. जगभरातील अनेक देशांमध्ये मे महिन्याचा दुसरा रविवार हा दिवस 'मदर्स डे' म्हणून साजरा करण्यात येतो. जगभरात मदर्स डे वेगवेगळ्या दिवशी साजरा केला जातो. पण बहुतेक ठिकाणी मे महिन्याचा दुसरा रविवार हाच मदर्स डे म्हणून साजरा करण्यात येतो. यावषी हा मदर्स डे 8 मे रोजी म्हणजेच आज आहे. यानिमित्ताने गुगलने खास डुडल साकारलं आहे.


गुगलने  मदर्स डेच्या निमित्ताने गुगड डुडल साकारत शुभेच्छा दिल्या आहेत. मदर्स डेच्या निमित्ताने गुगलने चार स्लाइड्ससह खास Gif  डूडल तयार केलं आहे. या डूडल स्लाइडमध्ये एक बाळाचा हात आणि एक आईचा हात दाखवण्यात आला आहे. चार स्लाईडमध्ये हे डुडल तयार करण्यात आलं आहे. एका स्लाईडमध्ये मुलाने आईचे बोट धरलेलं दाखवण्यात आलं आहे. दुसरी स्लाइड आई मुलाला ब्रेल लिपी शिकवताना दिसत आहे. तिसऱ्या स्लाईडमध्ये आई मुलाला नळाच्या पाण्याखाली हात धुवायला शिकवत आहे. तर शेवट्या चौथ्या स्लाईडमध्ये आई आणि मूल झाडं लावताना दिसत आहे.




विसाव्या शतकाच्या सुरूवातीला अमेरिकेत पहिल्यांदा मदर्स डे साजरा केला गेला. अमेरिकेनं पहिला मदर्स डे साजरा केला असं मानलं जातं. अमेरिकेत अ‍ॅना जार्विस नावाच्या महिलेने 1905 मध्ये तिच्या आईच्या मृत्यूनंतर तिच्या स्मरणार्थ एक कार्यक्रम आयोजित केला होता. अ‍ॅना यांनी त्यांच्या आईच्या मृत्यूनंतर तीन वर्षांनी आईच्या सन्मानार्थ ग्राफ्टन, वेस्ट व्हर्जिनिया येथील सेंट अँड्र्यूज मेथोडिस्ट चर्चमध्ये हा स्मृती समारंभ आयोजित केला होता. अ‍ॅना स्वतः या कार्यक्रमाला उपस्थित राहिल्या नाहीत. मात्र त्यांनी कार्यक्रमाला आलेल्या लोकांना टेलिग्राम संदेश आणि फुले पाठवली. तेव्हापासून मदर्स डे खास पद्धतीने साजरा करण्याची प्रथा सुरू झाली.




अमेरिकेत मदर्स डेला मोठे स्वरुप राष्ट्रपती वुड्रो विल्सन यांच्या कार्यकाळात मिळाले. विल्सन यांनी 1914 साली मे महिन्यातील दुसरा रविवार हा मदर्स डे म्हणून राष्ट्रीय सुट्टी जाहीर केली. काही देशांमध्ये मदर्स डे वेगवेगळ्या दिवशी साजरा केला जातो. ब्रिटनमध्ये, मार्चच्या चौथ्या रविवारी मदर्स डे साजरा करण्याची परंपरा आहे. तर ग्रीसमध्ये 2 फेब्रुवारीला मदर्स डे साजरा केला जातो.


इतर बातम्या :