Northeast Frontier Railway Recruitment 2022 : रेल्वेत नोकरीची इच्छा बाळगणाऱ्या उमेदवारांसाठी मोठी आनंदाची बातमी आहे. रेल्वेत 5 हजारहून अधिक पदांवर बंपर भरती करण्यात येणार आहे. नॉर्थ ईस्ट फ्रंटियर रेल्वेनं (Northeast Frontier Railway) शिकाऊ पदांवर (अपरेंटिस Aparentis) पदांवर भरतीची अधिसूचना जारी केली आहे. इच्छुक उमेदवार एनएफआरच्या (Northeast Frontier Railway) अधिकृत वेबसाईटवर जाऊन अर्ज करु शकतात. या भरतीसाठी अर्जाची प्रक्रिया सुरु झाली आहे. या भरतीअंतर्गत अर्ज करण्यासाठी 30 जून शेवटची तारीख आहे.
या रिक्त पदांवर भरती
भारतीय रेल्वेनं या भरती मोहिमेअंतर्गत, कटिहार (KIR) आणि टीडीएच (TDH) कार्यशाळेसाठी 919 पदे, अलीपुरद्वारसाठी (KIR) 522 पदे, रंगिया येथे (RNY) 551 पदे, लुमडिंगसाठी 1140 पदे, तिनसुकियासाठी 547 पदे, न्यू बोंगाईगाव, आणि दिब्रुगड कार्यशाळा कार्यशाळेसाठी 1,110 पदे, 847 पदे भरण्यात येणार आहेत.
कोण अर्ज करू शकतो
या रेल्वे भरतीअंतर्गत अर्ज करण्यासाठी इच्छुक उमेदवार मान्यता प्राप्त बोर्डातून किमान 50 टक्के गुणांसह दहावी उत्तीर्ण असणं आवश्यक आहे. यासोबतच अर्जदाराने संबंधित ट्रेडमध्ये आयटीआय (ITI) असणं आवश्यक आहे.
वयोमर्यादा
अर्ज करण्यासाठी इच्छुक उमेदवाराचं वय 15 ते 24 वर्षे दरम्यान असावं.
निवड अशी होईल
गुणवत्तेच्या आधारावर या पदांवर उमेदवारांची निवड केली जाईल.
अर्जाचं शुल्क
अर्ज करण्यास इच्छुक उमेदवाराला या भरतीसाठी 100 रुपये अर्ज शुल्क भरावे लागेल. ही शुल्क ऑनलाईन पद्धतीनं भरावं लागेल.