FANI CYCLONE LIVE UPDATE : 'फनी' चक्रीवादळ पश्चिम बंगालमध्ये धडकलं, आतापर्यंत तिघांचा मृत्यू

भारतीय किनारपट्टीकडे सरसावणारे फनी चक्रीवादळ आज सकाळी 10 ते दुपारी 12 च्या दरम्यान ओदिशाच्या किनाऱ्यावर धडकेल,

पार्श्वभूमी

भारतीय किनारपट्टीकडे सरसावणारे फनी चक्रीवादळ आज सकाळी 10 ते दुपारी 12 च्या दरम्यान ओदिशाच्या किनाऱ्यावर धडकेल, अशी शक्यता वर्तवण्यात येत आहे. फनी चक्रीवादळामुळे होणारे नुकसान टाळण्यासाठी युद्ध स्तरावर प्रशासनाकडून तयारी करण्यात आली आहे.फनी चक्रीवादळाच्या संकटाला सामोरे जाण्यासाठी एनडीआरएफची 81 पथके तैनात करण्यात आली आहेत. 223 ट्रेन रद्द करण्यात आल्या आहेत. तसेच भुवनेश्वर आणि कोलकाता विमानतळावरुन हवाई वाहतूक बंद ठेवण्याचा निर्णय घेण्यात आला आहे. ओडिशा सरकारकडून शाळा आणि महाविद्यालयांना सुट्टी जाहीर करण्यात आली आहे. पंतप्रधान नरेंद्र मोदी स्वतः आपत्ती व्यवस्थापनावर लक्ष ठेवून आहेत.

03/05/2019 22:59:12

फनी वादळ पश्चिम बंगालमध्ये धडकलं, 12 जिल्ह्यांना बसणार फटका, चक्रीवादळामुळे तिघांचा मृत्यू

03/05/2019 23:05:18

कोलाकातामध्ये मुसळधार पावसाची हजेरी