Yami Gautam Reel Controversy: कुठलाही प्रसिद्ध कलाकाराच्या वाट्याला प्रसिद्धीसोबत टीकाही येतेच. कलाकाराच्या बारीक-सारीक कृतीकडेही प्रेक्षकांचं चाहत्यांचं बारीक लक्ष असतं. ते कसे बोलतात, कसे वागतात, कुणाशी त्यांचं चांगलं पटतं कोणाशी नाही. अगदी ते कुठल्या पोस्टला लाईक करतात याकडेही चहात्यांचं लक्ष असतं. बॉलीवूडच्या दोन अभिनेत्रींमध्ये सध्या एका इंस्टाग्रॅमच्या रीलवर केलेल्या लाईकवरून कोल्ड वॉर सुरू झालंय आहे. सोशल मीडियावर कृती सेननला मिळालेल्या पुरस्कारावर प्रश्नचिन्ह उपस्थित करणारी एक रील फिरत होती. या रीलवर यामी गौतमचं लाईक दिसलं आणि चहात्यांच्या असंख्य कमेंट्सचा वर्षाव झालं. याची इतकी चर्चा झाली की यामी गौतमला अखेर एक पोस्ट करत स्वतःची बाजू मांडावी लागली. सध्या तिच्या पोस्टसह या रीलचीही चर्चा आहे.
रीलमध्ये नेमकं काय होतं ?
अलीकडेच अभिनेत्री कृती सेननला 'तेरे इश्क मे' या चित्रपटासाठी 'झी सिने अवॉर्ड' मिळाला . या चित्रपटातील कृतीच्या भूमिकेचे चांगलंच कौतुक झालं होतं. मात्र दुसरीकडे यामी गौतमच्या हक चित्रपटातील भूमिकेची ही चांगलीच चर्चा झाली. पण तिला कोणताही पुरस्कार मिळाला नाही. सोशल मीडियावर अशाच पद्धतीने दोन्ही चित्रपटांची तुलना करणारी ही रील फिरत होती . दरम्यान कृतीचा पुरस्कार स्वीकारतानाचा, आनंद साजरा करतानाचा एक व्हिडिओही समोर आला होता. पण या व्हिडिओमागे यामी गौतमचा एक जुना डायलॉग बॅकग्राऊंडला जोडण्यात आला होता. या डायलॉगने या पुरस्कारावरच प्रश्नचिन्ह उपस्थित करण्यात आले होते .
बॅकग्राऊंडमध्ये असलेल्या आवाजात यामी म्हणते ' तुम्ही तुमचे सर्वोत्तम प्रयत्न करता तरी ही गोष्टी मनासारख्या घडत नाहीत. आता कोणत्याही व्हॅलिटेशन ची अपेक्षा करणे मी सोडून दिले आहे. पुरस्कार मिळाला तरच मी चांगली अभिनेत्री आहे असे काही नाही. " या व्हिडिओच्या शेवटी हे योग्य आहे का असा सवालही ते करताना दिसते. हा एडिट केलेला व्हिडिओ सोशल मीडियावर व्हायरल होत होता. यामिनी चुकून हा व्हिडिओ लाईक केला आणि बघता बघता यामी गौतम ट्रोल झाली. कृतीला मिळालेला पुरस्कार यामीला बघवला नाही असा अनेकांनी म्हटलं. हा सगळा प्रकार जेव्हा यामी गौतमला कळाला त्यावेळी तिने x माध्यमावर एक पोस्ट लिहीत आपली बाजू मांडली आहे .
यामी गौतमने मांडली बाजू
यामी म्हणाली ' मला समजले आहे की मी अशा एका Reel ला लाईक केले आहे जे दुसऱ्या कलाकाराचा अपमान करणारे आहे. आम्हाला दररोज अशा अनेक गोष्टींमध्ये टॅग करण्यात येतं आणि हे रील त्यापैकीच एक होतं. त्यामुळे हे जाणीवपूर्वक केलेले नाही. जर ते झालं असेल तर ते चुकून क्लिक झाले असावे. "
ती पुढे म्हणाली " मी नेहमी माझ्या कामावर लक्ष केंद्रित केलेले आहे. क्लिकबिटच्या जगात अशा गोष्टींना गॉसिप बनवणे सोपे असते. पण मला आशा आहे की मीडिया पोर्टलस माझ्या प्रतिष्ठेचा विचार करतील.माझी स्वतःची कोणतीही पीआर टीम नाही . आणि अवॉर्ड शो बाबत माझी भूमिका ही आधीच मी सांगितलेली आहे.असेही यामीने या पोस्टमध्ये स्पष्ट केले आहे. दरम्यान या सगळ्या प्रकारावर कृती सेनन हिची कोणतीही प्रतिक्रिया आलेली नाही.