Urfi Javed on Religion Conversion: आपल्या फॅशन स्टेटमेंटसाठी ओळखली जाणारी उर्फी जावेद (Urfi Javed) बऱ्याच कारणांमुळे चर्चेत असते. तिला तिच्या पोशाखावरुन बऱ्याचदा ट्रोल केलं जातं. तिला निगेटिव्ह कमेंट्सचाही (Entertainment) सामना करावा लागतो. अलिकडेच अभिनेत्री सोशल मीडियावर वेगळ्याच कारणामुळे चर्चेत आली आहे. एका डिजिटल क्रिएटरने व्हिडीओ तयार केला होता. या व्हिडीओत डिजिटल क्रिएटरने असा दावा केला की, उर्फी धर्म बदलणार आहे. तसेच तिनं उर्फीला कपड्यांवरूनही प्रचंड ट्रोल केलं होतं. यानंतर उर्फीनं डिजिटल क्रिएटरने केलेल्या दाव्यांना फेटाळून लावले असून, इन्फ्लुएंसरला चांगलंच धारेवर धरलं आहे. यानंतर इन्फ्ल्युएंसर आणि उर्फीमध्ये झालेलं संभाषणाचे स्क्रिनशॉट्स तिनं सोशल मीडियात शेअर केले आहेत.
इन्फ्ल्युएंसरने शेअर केलेल्या व्हिडीओमध्ये तिनं असा दावा केला की, उर्फी जावेदनं आपला धर्म बदलला आहे. तिनं आपलं नाव बदलून रीता भारद्वाज असे ठेवले आहे. ज्या महिलेनं उर्फीबाबत धक्कादायक दावा केला, ती महिला सोशल मीडियात प्रचंड सक्रीय असते. ती विविध विषयांवर व्हिडीओ तयार करत असते. महितीनुसार, ती पत्रकार आहे. यावर उर्फी जावेदनं प्रतिक्रिया दिली आहे. उर्फीनं प्रतिक्रिया देत याचे स्क्रीनशॉट्स सोशल मीडियात शेअर केले आहेत.
उर्फी जावेद इन्फ्ल्युएंसर बरसली (Urfi javed on trollers hits back)
इन्फ्ल्युएंसरच्या दाव्यावर सडेतोड उत्तर देत उर्फी म्हणाली, 'कसे कसे लोक स्वत:ला पत्रकार म्हणवतात. आंटी तुम्ही प्लीज थोडा अभ्यास करा. मी कधीच माझा धर्म बदललेला नाही. मी कोणत्याही धर्मावर विश्वास ठेवत नाही. मी केवळ कपड्यांनीच नाही तर, माझ्या शब्दांनीही नग्न आहे. पण आज माझा मूड नाही. तसेच एकदा गुगल करा, माझ्या नावाने नेमके किती शोज आहेत'.
'तुमचा घाणेरडा मेकअप पाहून मला लाज वाटते. जर तुम्हाला टीका करायची असेल तर, बिनधास्त करा. पण चुकीच्या गोष्टी - बातम्या पसरवू नका. कारण तुमच्यासोबत मी असं करु शकत नाही. कुणालाही याची परवा नाही आंटी', असं उर्फीने म्हटलं. उर्फीने या मेसेजचे स्क्रीनशॉट्स सोशल मीडियात शेअर केले आहेत.
महत्त्वाच्या इतर बातम्या: