Law of Love : प्रेमरूपी महासागरात स्वछंदी वावरणारे प्रेमी नेहमीच आपल्याला दिसतात. पण, या समाजात आजही असे काही लोकं आहेत, जे प्रेम करणाऱ्यांमध्ये ‘कायदेरूपी’ कुंपण घालतात. वेदिका फिल्म क्रिएशन आणि जे. उदय निर्मित ‘लॉ ऑफ लव्ह’ (Law Of Love) हा सिनेमा असेच काहीसे भाष्य करणार आहे. येत्या 4 फेब्रुवारीला हा चित्रपट महाराष्ट्रात प्रदर्शित होणार असून, नुकताच सोशल मीडियाद्वारे याचा ट्रेलर प्रदर्शित झाला आहे.


स्मार्ट, डॅशिंग, दोस्तांमध्ये फेमस असा "आदित्य" त्याच्याचं कॉलेजमध्ये असलेल्या "साक्षी"च्या प्रेमात पडतो. साक्षीदेखील सुंदर, जास्त न बोलणारी पण तितकीच कणखर अशी मुलगी. सर्व काही सुरळीत चालू असताना त्या दोघांच्या नात्यात वेगवेगळी संकटे येतात, ज्यामुळे त्यांना विरह सहन करावा लागतो. पण अखेर त्यांच्या प्रेमाला समाज कबुली देईल का....? याचे उत्तर प्रेक्षकांना चित्रपटगृहात मिळणार आहे.


पाहा ट्रेलर :



या चित्रपटात मुख्य भूमिकेत निर्माते जे. उदय असून, त्यांच्यासोबत शालवी शाह हिने मुख्य अभिनेत्रीची भूमिका पार पाडली आहे. जेष्ठ अभिनेते मोहन जोशी, यतीन कार्येकर, अनिल नगरकर, रवी कदम, योगेश पवार आणि सचिन मस्के, तसेच अभिनेत्री प्राची पालवे यांच्यादेखील महत्वाच्या भूमिका यात दिसणार आहेत. ‘लॉ ऑफ लव्ह’ सिनेमाचे संगीत दिग्दर्शक पी. शंकरम असून सिनेमाची 2 गाणी नुकतीच प्रदर्शित झाली आहेत. या  गाण्यांना प्रेक्षकांचा सकारात्मक प्रतिसाद मिळताना दिसत आहे.


चित्रपटाच्या ट्रेलर बद्दल निर्माते आणि अभिनेता जे. उदय म्हणतात की, "प्रेमाच्या महिन्याची सुरुवात प्रेमाच्या सिनेमाने होतेय ही आमच्यासाठी महत्वाची बाब आहे. या चित्रपटामुळे तुमचा 'व्हॅलेंटाईन' नक्कीच छान होईल याची आम्हाला खात्री आहे."


इतर बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha