Thalapathy Vijays Wife Sangeetha Divorce: तामिळनाडू राज्याचे मुख्यमंत्री आणि सुपरस्टार थलपती विजय (Thalapathy Vijay) यांच्या वैयक्तिक आयुष्याशी निगडीत एक मोठी बातमी समोर आली आहे. पत्नी संगीतासोबत त्यांचा घटस्फोटाचा खटला सुरू होता. विजय थलपती यांची बायको संगीताने (Sangeetha) हे लग्न संपुष्टात आणण्यासाठी कोर्टात घटस्फोटासाठी अर्ज दाखल केला होता. दरम्यान, आता या केसबाबत मोठी अपडेट समोर आली आहे. रिपोर्ट्सनुसार, संगीताने घटस्फोटासाठी केलेला अर्ज मागे घेतला असून, यानंतर चेंगलपट्टू कोर्टाने हे प्रकरण बंद केले आहे.
गेल्या वर्षी डिसेंबर महिन्यात संगीताने कोर्टात जाऊन घटस्फोटासाठी याचिका दाखल केली होती. सुमारे आठ महिन्यांनंतर तिने ही याचिका मागे घेतली आहे. मिळालेल्या माहितीनुसार, थलपती विजय आणि त्यांची पत्नी संगीता या दोघांचं लग्न 1999 साली झाले होते. लग्नाच्या 27 वर्षांनंतर दोघांचे हे नाते संपुष्टात येण्याच्या मार्गावर होते. मात्र, आता तिने घटस्फोटाची याचिका मागे घेतली आहे. गेल्या वर्षीच्या शेवटी जेव्हा संगीताने घटस्फोटासाठी अर्ज दाखल केला होता, तेव्हा हे प्रकरण चर्चेत आलं होतं.
संगीता आणि विजय यांना दोन मुले आहेत (Thalapathy Vijays Wife Sangeetha Divorce News)
संगीता आणि विजय यांना दोन मुले आहेत. दोघांनाही जेसन संजय नावाचा मुलगा आहे. तो 25 वर्षांचा असून, तो लवकरच सिनेसृष्टीत पाऊल ठेवणार आहे. तो दिग्दर्शक म्हणून काम पाहतो. दोघांनाही 20 वर्षांची दिव्या नावाची मुलगी देखील आहे. एकीकडे दोघांच्या घटस्फोटाच्या चर्चांना उधाण आलेलं असताना, तर दुसरीकडे विजय थलपती आणि अभिनेत्री तृषा कृष्णन या दोघांच्या नात्याची चर्चा रंगू लागली. दोघांचे एकत्रित अनेक व्हिडीओ सोशल मीडियात व्हायरल झाले होते.
विजय यांनी सिनेसृष्टीला केला राम राम, मुख्यमंत्रीपद स्वीकारले
थलपती विजय यांचा चाहतावर्ग खूप मोठा आहे. यावर्षी त्यांनी मुख्यमंत्रिपदाची शपथ घेतली तसेच राजकारणात प्रवेश केला. विजय थलपती यांनी टीव्हीके पक्षाकडून निवडणूक लढवली होती. पहिल्याच निवडणुकीत त्यांनी बाजी मारली. विजय थलपती मुख्यमंत्री झाले. त्यांनी मे महिन्यात मुख्यमंत्रिपदाची शपथ घेतली. राजकारणात प्रवेश केल्यानंतर विजय थलपती यांनी आपली अभिनय कारकिर्द सोडून दिली. ते आता सिनेमात दिसणार नाही. त्यांचा शेवटचा सिनेमा 'जन नायगन' हा सिनेमा रिलीज झाला आहे. दरम्यान, तामिळनाडू निवडणुकीच्या बरेच दिवस आधी त्यांनी सिने कारकिर्दीतून निवृत्ती घेणार असल्याची घोषणा केली होती.
महत्त्वाच्या इतर बातम्या: