आता मात्र आजीच्या इच्छेखातर नील आणि भैरवीच्या विधीवत लग्नाचा घाट घालण्यात आला आहे. लग्नासाठी राजाध्यक्ष कुटुंबाने जोरदार तयारीही केली आहे. मेहंदीपासून ते अगदी सप्तपदीपर्यंत सगळे विधी थाटात पार पडत आहेत. आता प्रश्न आहे तो नील आणि भैरवीचं लग्न निर्विघ्न पार पडणार का? कुटुंबासाठी जरी हे दोघं सात फेरे घेत असले तरी प्रत्यक्षात मात्र या दोघांमध्ये एक कॉण्ट्रॅक्ट झालं आहे.
तीन महिन्यांपर्यंत नवरा-बायको असल्याचं नाटक करायचं असं दोघांनी सहमताने ठरवलं आहे. त्यामुळे नील-भैरवीचं हे गुपित उघड होणार का? या विधीवत लग्नानंतर नील-भैरवीच्या नात्यात काय बदल होणार? राजाध्यक्ष कुटुंब भैरवीचा सून म्हणून स्वीकार करणार का? या साऱ्या गोष्टी 'ललित २०५'च्या यापुढील एपिसोड्समध्ये पाहायला मिळतील.