Marathi Serial Update : 'स्टार प्रवाह' (Star Pravah) वाहिनीवर सध्या नव्या मालिकांचा प्रवाह सुरु आहे. अनेक नव्या मालिका सुरु झाल्या असून काही मालिका लवकरच सुरु होणार आहे. त्यासाठी जुन्या मालिका आणि त्यांच्या कथानकाचा शेवट केला जातोय. वाहनीवर लवकरच शिवानी सुर्वे आणि समीर परांजपेची 'थोडं तुझं आणि थोडं माझं' ही मालिका सुरु होत आहे. त्यामुळे 'तुझेच मी गीत गात आहे' (Tuzech Mi Geet Gaat Aahe) ही मालिका प्रेक्षकांचा निरोप घेणार आहे.
तुझेच मी गीत गात आहे ही मालिका दररोज रात्री 9 वाजता प्रदर्शित होती होती. या मालिकेतले मल्हार,स्वरा, वैदही यांच्या नात्याविषयी प्रेक्षकांनाही आपुलकी निर्माण झाली होती. त्यातच मोनिकाचा तितक्याच आपलेपणाने प्रेक्षक रागराग करायचे. कारण मोनिका या मालिकेत खलनायिका साकारत होती. दरम्यान नुकतच या मालिकेच्या शेवटच्या भागाचे शूटींग पूर्ण झाले.
मल्हारसमोर येणार मोनिकाचं सत्य
मोनिका आंधळी असल्याचं नाटक करत असते आणि वैदहीची खरी खूनी ही मोनिकाच आहे, हे सत्य मल्हारसमोर येतं. त्यामुळे मल्हार मोनिकाला जाब विचारतो. आता मोनिकाच्या पापांचा घडा भरला जाणार असून मालिकेचा शेवटही गोड होणार आहे. ही मालिका आता प्रेक्षकांचा निरोप घेणार आहे.
गाण्याचं स्वप्न उराशी बाळगलेल्या आणि अत्यंत प्रतिकूल परिस्थितीत ते पूर्ण करण्यासाठी झटणाऱ्या चिमुकल्या स्वराची गोष्ट 'तुझेच मी गीत गात आहे' या मालिकेत दाखवण्यात आली. या मालिकेत उर्मिला कोठारे (Urmila Kothare), तेजस्वीनी लोणारी (Tejaswini Lonari) आणि अभिजित खांडकेकर (Abhijit Khandkekar) मुख्य भूमिकेत दिसले होते.